Dagur - 12.02.1968, Qupperneq 17

j
Sigurður Sveinbjarnarson:
Höfuðstaður
Norðurlands
Heill sé þér Norðurlands höfuðstaður!
Heill sé þér prúði bær!
Þú ert nú flestum, ef ekki öllum
íbúum þínum kær.
Merkið þitt hreina má ekki falla —
meðan þitt hjarta slær.
Brekkur og eyrar búningsprúðar
brosa til sérhvers manns.
fegursti blómakrans.
Fljótt hefur þroskazt í faðmi þínum
íbúar þínir allir finna
æðaslög Norðurlands.
Eyjafjörður um aldaraðir
alltaf var lífæð þín.
Hvergi oftar á okkar landi
yndisleg sólin skín.
Þú hefur vaxið og virðingar notið
vistlega borgin mín.
Margt hinna beztu íslendinga
undu sér vel hjá þér.
Ætíð gafstu þeim allt það bezta,
allt það sem fegurst er.
Þeim sem vinna og varpa á þig ljóma
virðing og þakkir ber.
Þú átt að vaxa, þroskast með aldri.
Þér verður gefið margt.
En ef sannleikans undraljómi
yrði þitt mesta skart,
myndirðu hljóta auðinn æðsta,
allt, sem er hreint og bjart.
Þú hefur margar þrautir unnið,
þitt verið örðugt tafl.
En þú sýndir, að mennt er máttur,
meiri en hið villta afl.
Aldrei veiki þinn andans gróður
örlaga þinna skafl.
Vaki yfir þér vættir góðar,
vermi þig sólin skær.
Lýsi þér ávallt ljósins faðir,
leiki um þig himins blær.
Merkið þitt hreina mun þá ei falla
meðan þitt hjarta slær.
DAGUR 50 ÁRA 17