Ársrit Ræktunarfélags Norðurlands - 01.01.1987, Page 10

þáttinn. Þetta væru þeir sem byggju út í sveitum eða á þétt-
býlisstöðum í dreifbýlinu og önnuðust ýmsa verklega þjón-
ustu sem hingað til hefur verið á hendi ráðunauta og fleiri
aðila. Verksvið þessara manna gætu verið mjög fjölbreytt og
alls ekki um sömu störf að ræða hjá öllum. Af einstökum
verkþáttum má nefna: Sýnatöku, úttektir jarða- og húsabóta,
skurðamælingar, afleysingar, gagnaöflun og vinnu við sér-
hæfð verkefni svo sem rúning, feldun loðdýra, klaufsnyrtingu,
frostmerkingar, frjódælingu, fangskoðun, hrognatöku og
margt fleira. Sem áður sagði geta störfin verið mjög breytileg
frá einum stað til annars og eins gæti verið um hlutastörf að
ræða, meðal annars með búskap. Mörg þessara starfa krefjast
ekki kandídatsmenntunar og kemur þá til sögunnar skemmra
nám við Búvísindadeildina eins og áður var vikið að. Þessi
störf tel ég að bændur ættu fyrst og fremst að kosta sjálfir og
því undir þeim sjálfum komið hvert form væri á þeim og eins
um fjölda og svæðaskiptingu. Þessir starfsmenn heyrðu þó
undir fjórðungsstöðvarnar enda byggðu þær á stjórn manna
af viðkomandi svæði, samanber Ræktunarfélag Norðurlands.
Þó að hér sé viðruð hugmynd um nokkuð breytt skipulag
leiðbeiningarþjónustunnar og starfssvið búfræðikandídata
frá því sem nú er tel ég að þegar sé farið að örla á þróun í þessa
átt. Nægir þar að nefna Búnaðarsamtök Vesturlands og
Ræktunarfélag Norðurlands. Það sem ég tel aðalatriðið er að
mörkuð verði stefna i þá átt að tryggja ráðunautum sem starfa
í dreibýlinu viðunandi vinnuaðstöðu og takmarka verksvið
þeirra með því að gera einingarnar stærri og auka sérhæfni.
Ég tel brýnt að bændur, samtök þeirra og búfræðikandídatar
sjálfir bendi á leiðir til breytinga, ekki síst nú þegar áform um
skert framlög til leiðbeiningaþjónustu og rannsókna eru á
borðum stjórnvalda. Við megum ekki horfa framhjá því að
þegar eru fyrir hendi sjálfstæð fyrirtæki, óháð samtökum
bænda, sem bjóða bændum upp á ýmsa ráðgjöf. Nægir að
nefna fóðursala, véla- og tækjasala, bókhaldsþjónustu, áætl-
anagerð auk útgáfustarfsemi ýmiss konar, sem höfðar til
bænda. Við sjáum nú þegar, að aukin vinna er lögð á herðar
bændum eftir að staðgreiðsla skatta var tekin upp og búast
12