Ársrit Ræktunarfélags Norðurlands - 01.01.1987, Side 11

má við að hún stóraukist í kjölfar virðisaukaskatts sem stefnt
er að. Ég tel mjög brýnt að bókhaldsþjónusta, áætlanagerð og
framtalsaðstoð haldist sem mest innan leiðbeiningaþjónust-
unnar því að líkur eru á að rekstrarleiðbeiningar og fjár-
festingaáætlanir verði hornsteinar í þeim aðgerðum sem störf
ráðunauta beinast mest að næstu árin. Annað sem styður það
að bókhalds- og rekstrarmálin verði á hendi leiðbeiningar-
þjónustunnar er að þar liggja gögn sem félagssamtökum
bænda eru mjög nauðsynleg i hagsmunabaráttunni.
Það má því ætla að bregðist leiðbeiningaþjónustan ekki
ákveðið við og aðlagi sig breyttum tímum og aðstæðum, þá
taki heldur að reytast af þeim verkefnum sem bændur sjálfir
óska eftir en eftir standi aðeins skýrslugerð og eftirlitsstörf
fyrir ríkið.
Góðir fundarmenn. Ég hef í spjalli þessu drepið á nokkur
atriði sem vonandi verða til að opna umræður hér á fundin-
um um stöðu og gildi kandídatsnámsins. Það skipulag leið-
beiningarþjónustunnar sem við búum við er orðið nokkurra
ártuga gamalt og á þeim tíma hafa miklar breytingar orðið á
búskaparháttum þjóðarinnar. Við vitum öll að í þessum
málum verða ekki byltingar heldur breytast hlutirnir hægt og
hægt. Stundum getur svo farið að þeir breytist of hægt. Það
þurfum við að koma í veg fyrir.
13