Ársrit Ræktunarfélags Norðurlands - 01.01.1987, Page 33

Jónas Þór, verksmiðjustjóri, Akureyri.
Bergsteinn Kolbeinsson, bóndi, Kaupangi.
Samkvæmt félagslögum skyldi stjórnin skipta með sér
verkum og var Jón Rögnvaldsson kjörinn formaður, Jónas
Þór ritari og Bergsteinn Kolbeinsson féhirðir. Jón var við nám
í Gagnfræðaskólanum á Akureyri og hans aðalfag var grasa-
fræði. Kennari hans var Stefán Stefánsson skólameistari og
grasafræðingur. Að námi loknu fór hann til Ameríku og
dvaldi þar í fimm ár. Vann við ræktunartilraunastöð kana-
dísku stjórnarinnar, lauk þaðan námi sem garðyrkjufræðing-
ur og kynnti sér einnig sérstaklega skógrækt. Jón kemur heim
frá námi 1926 og hóf þegar í stað ræktun á heimili sínu. Hann
var aðalhvatamaðurinn að stofnun Skógræktarfélagsins og
formaður þess samfleytt í níu ár, en hann var aðaldriffjöðrin í
félaginu og eini maðurinn sem hafði faglega þekkingu í skóg-
og trjárækt.
Fyrstu árin var unnið að friðun skógarleifanna. Garðsár-
gilsreitur var friðaður árið 1932, Vaglir á Þelamörk árið 1934,
Leyningshólar í Saurbæjarhreppi árin 1937-38, Kóngstaða-
háls í Skíðadal árið 1941 og Miðhálsstaðir í Öxnadal 1942.
Árið 1936 fékk félagið land gegnt Akureyri og hóf útplönt-
un árið eftir og heitir þar nú Vaðlareitur.
Árið 1947 hófst undirbúningur að uppeldisstöð fyrir trjá-
plöntur, en félagið fékk land undir hana í Kjarna sunnan við
Akureyri. Ármann Dalmannsson var ráðinn í hálft starf yfir
sumarið.
Árið 1954 er Ármann ráðinn skógarvörður á hálfum laun-
um hjá ríkinu og á móti greiðir Skógræktarfélagið honum hálf
laun sem framkvæmdastjóri félagsins. Það er svo árið 1968 að
veitt er full staða skógarvarðar í Eyjafirði og til þess ráðinn
Gunnar Finnbogason. Átta árum síðar, eða 1976, er hann
kallaður úr Eyjafirði vegna verkefnaskorts og landleysis til
skógræktar.
Árið 1978 hefst umræða um að falast verði eftir nýju landi
til skógræktar og ákveðið að Skógræktarfélagið snúi sér að
Laugalandi á Þelamörk.
35