Ársrit Ræktunarfélags Norðurlands - 01.01.1987, Side 44

LÖG UM SKÓGRÆKT OG BÆNDASKÓGRÆKT
A Alþingi 17. maí 1984 voru samþykkt lög um breytingar á
lögum um skógrækt, nr. 3, 6. mars 1955 og voru þær með
fyrirsögninni: Um ræktun nytjaskóga á bújörðum.
FRAMKVÆMDIR Á ÁÆTLUN
UM BÆNDASKÓGRÆKT
Vorið 1983 er Brynjar Skarphéðinsson ráðinn til starfa um
tíma sem umsjónarmaður bændaskógræktar í Eyjafirði. Síðar
um vorið hefjast framkvæmdir, en þá eru bara 15 bændur
búnir að girða og gátu byrjað, af þeim eru aðeins 13 sem tóku
þátt í könnun Þorbergs Hjalta Jónssonar sumarið áður. En
hægt og sígandi fjölgaði bændunum og um vorið 1987 voru
þeir orðnir 37.
Á þeim fimm árum sem hefur verið plantað hafa bændur
borið allan kostnað, að undanskildum plöntunum. Þeir hafa
einnig greitt gróðursetningu, en í áætluninni var gert ráð fyrir
að ríkið greiddi þann kostnað.
Umsjónarmaður hefur leiðbeint og unnið við gróður-
setningu ásamt bændum, en margir bændur hafa séð um
gróðursetninguna sjálfir. Þeim hefur verið boðið upp á að fá
hóp af unglingum úr Vinnuskóla Akureyrar, sem bændur
hafa þá greitt laun og umsjónarmaðurinn hefur stjórnað við
gróðursetningu.
Umsjónarmaðurinn hefur séð um úthlutun á þeim plönt-
um sem eru til úthlutunar hverju sinni. Allar gróðursetningar
eru vel merktar með heiti, kvæmi, frænúmeri og gróður-
setningartíma. Einnig eru skýrslur um fjölda þeirra plantna
sem hafa verið gróðursettar á hverjum bæ og tölur um stærð
þess lands sem er girt og ógirt hverju sinni.
Þessar tölur hef ég sett upp á þann hátt að hver hreppur er
tekinn fyrir og síðan er tilgreindur fjöldi bæja og landstærð,
þ.e. girt land, ógirt land og heildarstærð. Að síðustu er fjöldi
gróðursettra tegunda, en þær eru: Lerki, stafafura, lautré og
greni sem var gróðursett 1987. Síðan er tekið hvert gróður-
setningarár bæði vor og haust, nema 1987, þá er bara tekin
vorgróðursetning. Þessar upplýsingar eru í töflu 4.
46