Ársrit Ræktunarfélags Norðurlands - 01.01.1987, Side 55

augljóst að það er nokkuð misjafnt milli bæja og ef til vill
fjárstofna hvað hentar best. Þannig hefur sú kenning verið
nokkuð áberandi, að það þurfi að líða lengri tími ef ær eru
stórar og feitar heldur en ef þær eru litlar og holdaminni. Ef
árangur sæðinga hefur verið slakur hjá einstaka bændum er
sjálfsagt að athuga um breytingar á þessari tímamælingu.
Tafla 2. Athugun á árangri sæðinga eftir því
hve löngu áður ær verða blæsma.
Fjöldi Héldu, % Tvíl. %
Ær blæsma 24 klst. fyrir sæðingu . . . Ær sem urðu blæsma 37 75,7 66,7
12-24 klst. fyrir sæðingu Ær sem urðu blæsma 142 63,4 74,1
síðustu 12 klst. fyrir sæðingu Ær sem ekki voru blæsma 82 54,9 66,7
rétt fyrir sæðingu 6 16,7 0,0 _
Samtals og vegið meðaltal 267 61,4 70,4
FRAMTÍÐIN
Reiknað er með því, að starfsemi þessi haldi áfram í svipuðu
formi næstu árin og ekki eru fyrirhugaðar neinar byltingar-
kenndar breytingar hvað snertir markmið. Ekki er nokkur
vafi á því, að starfsemin hefur haft mikil áhrif bæði hvað
snertir bætt byggingarlag og aukna afurðasemi. En alltaf
þurfa menn að vera vakandi og sinna kröfum timans. Þannig
er nú lögð sérstök áhersla á það að finna með afkvæmarann-
sóknum hrúta, sem gefa fitulítið en vöðvamikið kjöt ásamt því
að huga að óskum iðnaðarins um betra hráefni, bæði gærur
og ull. Þetta ásamt því að huga að óskum bænda um að
útbreiða afurðamikið fé verður áfram aðalmarkmið þessarar
starfsemi.
57
l