Ársrit Ræktunarfélags Norðurlands - 01.01.1987, Page 56

BJARNI E. GUÐLEIFSSON
OG
HALLDÓR ÁRNASON:
MANNANÖFN Á NORÐURLANDI
1. INNGANGUR
Hér verður kannað hvort ákveðin mannanöfn séu algengari í
sumum sveitum en annars staðar. Oft binda menn ákveðin
nöfn við ákveðin svæði. Líklega hefur héraðamunur í nafn-
giftum minnkað með bættum samgöngum og auknum áhrif-
um fjölmiðla. Okkur lék samt hugur á að kanna þetta og bera
saman sýslurnar á Norðurlandi. Má raunar segja að fremur
hafi verið borin saman búnaðarsambandssvæðin, vegna þess
að Svalbarðsstrandar- og Grýtubakkahreppar voru taldir til
Eyjafjarðar og Siglufjörður til Skagafjarðar. Þessi saman-
burður var gerður á fjóra vegu. I fyrsta lagi voru talin saman
algengustu nöfnin í símaskránni 1987, þar eru eðlilega ein-
ungis taldir símnotendur og þá mjög fá kvenmannsnöfn. I
öðru lagi eru notaðar nafnaskrár sem eru í svonefndum bú-
endatölum sem hafa komið út fyrir öll svæði á Norðurlandi,
en eru með ólíkum hætti. Sá samanburður verður nokkuð
vafasamur vegna þess að búendatölin ná mislangt aftur í
tímann og nafnaskrárnar eru unnar á mismunandi vegu. I
þriðja lagi var svo farið í þjóðskrána og tekið einungis fyrsta
nafn hvers einstaklings. Þetta var unnið í tölvu, en þessi skrá
býður upp á mikla möguleika, til dæmis að flokka nöfnin eftir
aldri. I fjórða lagi er stuðst við tvær ritgerðir um breytingar á
nafnvenjum, en þar eru hins vegar notuð bæði eða öll nöfn
einstaklinganna.
58