Ársrit Ræktunarfélags Norðurlands - 01.01.1987, Qupperneq 98

efaðist um gildi þess að setja alla þjónustu undir sama hatt, efla
þyrfti einstaklingsframtakið á leiðbeiningasviði. Taldi hann að
nýting fjármgns í landbúnaði þyrfti að vera betri.
Bjarni E. Guðleifsson ræddi hversu ólík sjónarmið væru um þessi
mál milli manna á fundinum. Tók hann undir hugmyndir Egils um
skipulagsbreytingar innan leiðbeiningaþjónustunnar norðanlands.
Sveinn Jónsson fagnaði auknum áhrifum Eyfirðinga og taldi til
nokkra formenn í máttugum samtökum innan bændastéttarinnar.
Jóhann Guðmundsson taldi báknið innan landbúnaðarins vera
of mikið. Gagnrýndi hann Hólakenningu Egils Bjarnasonar, kom
inn á fosfórmálin og lauk máli sínu á vélasviðinu.
Ævarr Hjartarson fjallaði um málið vítt og breitt. Nefndi meðal
annars brögð sem þarf að beita til að fá lán hjá Húsnæðisstofnun.
Taldi Ævarr að héruðin ættu að hafa fullvirðisrétt í fjármagni frá
Stofnlánadeild.
Jón Viðar Jónmundsson sagði markmið sem stefnt er að í land-
búnaði stangast á við ýmsa hagsmuni, því eru sjónarmiðin misjöfn.
Mestu hættuna fyrir landbúnaðinn taldi Jón vera misgengi milli
neytenda og framleiðenda. Sagði Jón að fjármagn sem notað hefði
verið í landbúnaði hefði skilað miklu, jafnvel alltof miklu og leitt af
sér offramleiðslu. Jón benti á að besta skipulag væri ekki til en
landbúnaðurinn þarf að aðlagast aðstæðum hverju sinni. Jón var-
aði við mikilli gjaldtöku fyrir þjónustu, taldi hann það geta ýtt
undir skammtímasjónarmið. Jón taldi endurmenntun ráðunauta
afar nauðsynlega og væri dvöl erlendis við nám án efa af hinu góða.
Jón Viðar kom inn á byggðaþróunina og taldi hættu á félagslegri
óeiningu sem síðar myndi ganga milli bols og höfuðs á samfélaginu.
Jón benti á að tillögur um uppbyggingu atvinnutækifæra þyrftu að
koma frá íbúum viðkomandi byggða. Taldi ræðumaður að fagleg
og félagsleg sjónarmið yrðu að haldast í hendur. Meginmáli fyrir
öllu skipulagi landbúnaðarmála taldi Jón skipta hversu öflugt
landbúnaðarráðuneytið á að vera. Jón sagði að samvinna milli
búnaðarsambanda mætti aukast án þess að veruleg skipulags-
breyting kæmi til og bylting í samgöngumálum auðveldar slíkt
samstarf.
Fundarstjóri lagði fram tillögu er hér var komið fundi, þess efnis að
skipuð verði millifundanefnd til að fjalla um þessi mál. Nefnd þessa
skipi eftirtaldir menn: Jón Bjarnason skólastjóri, Jóhannes Sigvaldason
tilraunastjóri, Ævarr Hjartarson ráðunautur, Aðalbjörn Benediktsson
ráðunautur og Sigtryggur Vagnsson bóndi.
Tillaga þessi var samþykkt.
V Lögð fram fjárhagsáætlun fyrir árið 1988. Bjarni E. Guðleifsson fylgdi
henni úr hlaði.
100