Frjáls verslun - 01.12.1959, Blaðsíða 32

áætlanir tilbúnar, ef völlurinn skyldi einn góðan
veðurdag afhentur þeim til fullra umráða og afnota.
Ef rétt cr á haldið af íslenzkum stjórnarvöldum
ætti að vera möguleiki til að skapa þá aðstöðu á
Keflavíkurflugvelli, að þar verði ein mikilvægasta
flug- og flutningamiðstöð á norðurhveli jarðar.
Ef íslendiugar gera ráðstafanir í tíma gætu þeir
haft áhrif á þá þróun, sem flutningar á þessum
leiðum kunna að taka. Ættu íslenzk stjórnarvöld
að fylgjast sem bezt með allri þróun þessara mála
í kringum okkur og hefja nú j)cgar undirbúnings-
ráðstafanir, að framtíðarrekstri Keflavíkurflugvall-
ar með því meðal annars að leita eftir samstarfi
við sem flest flugfélög er áhuga hafa á Keflavíkur-
flugvelli, sem viðkomu- eða bækistöð.
Skipulagsinál á vellinum ættu að vera miðuð við
framtíðarstarfsemi þessa. Ilefjast ætti handa sem
fyrst við byggingu steinsteyptrar eða malbikaðrar
akbrautar milli Reykjavíkur og Keflavíkurflugvall-
ar, jafnframt því, sem þeim er áhuga og getu hafa
til að byggja sómasamleg gistihús í Reykjavík
yrði leyft það hömlulaust. Og gera þarf áætlanir um
hagnýtingu jarðhitasvæðanna á Reykjanesi til
margvíslegra nota í sambandi við Keflavíkurflug-
völl og byggðina þar.
Er samvinna við Japani hugsanleg?
Sú þjóð hinumegin við pólinn, sem nú þegar
hefur mestra hagsmuna að gæta í sambandi við
hinar nýju samgönguleiðir eru Japanir. Endastöð
allra flugfélaganna, sem tekið hafa upp pólflug
til Austur-Asíu er Tokio. Þegar eðlilegt samband
vesturlanda og Kína hefir komizt á hlýtur flug
einnig að hefjast þessa leið til Peking.
Sérstaklega verður vikið hér á eftir að þróun
vöruflutninga í Iofti, en það er einmitt á þeim
vettvangi, sem hugsanlegt er, að stærstu mögu-
leikar okkar séu fólguir, með ]>ví að efna til sam-
vinnu við Japani og aðrar þjóðir, um lmgnýtiugu
Keflavíkurflugvallar sem vöruflutningamiðstöðvar.
Undanfarin ár liafa Japanir átt í allmiklum erf-
iðleikum í utanríkisverzlun sinni. Mjög mikil fram-
leiðsluaukning hefir átt sér stað í Japan eftir stríðs-
lok, cn þrátt fyrir aukna neyzlu innanlands, hefur
Japani skort markaði fyrir iðnaðarvörur sínar. Við-
skipti við Ivína, sem áður var þeirra aðal hráefna-
lind og markaður, hafa að mestu legið niðri og
hafa Kínverjar jafnvel hafið viðskiptasókn á hend-
ur Japönum á mörkuðum Suðaustur-Asíu.
Japanir hafa því mjög sótt á í leit sinni að nýj-
um mörkuðum til ])ess að þurfa ekki að ganga að
kostum þeim er Kínverjar setja fyrir auknum við-
skiptum. Hafa Japanir náð vaxandi ítökum á
mörkuðum í Ameríku og Evrópu. Enda hefir vöru-
val og gæði framleiðslu þeirra aukizt miðað við það,
sem áður var. Er full ástæða til að ætla, að Japanir
hafi mikinn áhuga á að geta þjónað þessum mörk-
uðum, sem bezt og hafi opin augun fyrir þeim
möguleikum, sem hinar nýju samgönguleiðir hafa
upp á að bjóða á næstu árum.
Vöruflutningar í lofti
Ilin stöðuga aukning á vöruflutningum í lofti,
undanfarin ár, gefur til kynna, hvert stefnir í þeim
þætti flugflutninga. Samkvæmt skýrslum frá Al-
þjóðaflugmálastofnuninni voru vöruflutningar í lofti
árið 1945, 75 milljón mílutonn, en árið 1958 1.145
milljón mílutonn. Skýrslan nær ckki til Ráðstjórn-
arríkjanna eða Kína. Er almennt gert ráð fyrir
stórfelldri aukningu á vöruflutningum í lofti á
næstu árum. Á hinni nýafstöðnu ráðstefnu Alþjóða-
sambands flugfélaganna í Honolulu voru sam-
þykktar mikilvægar breytingar til lækkunar á
flutningstöxtum á flugleiðinni yfir Atlant.shaf og
Kyrrahaf, og er af þeim sökum gert ráð fyrir stór-
auknum vöruflutningum í lofti á Norður-Atlants-
hafsleiðinni.
Það, sem helzt hefir skort á, til að fullnægja
hinni sívaxandi vöruflutninga])örf í lofti milli heims-
álfanna, er að ekki hefir verið um að ræða hag-
kvæmar flugvélar, er sérstaklega væru byggðar fyr-
ir vöruflutninga — þannig, að hægt væri að auka
vörumagnið og lækka flutningsgjöldin það mikið
að bæta mætti við mörgum vöruflokkum, sem hægt
væri að keppa um við flutninga á sjó.
Frá „Canadair“ flugvélaverksmiðjunum í Ivan-
ada, sem er dótturfyrirtæki General Dynamics í
Bandaríkjunum, er væntanlcg til notkunar 1901 ný
tegund vöruflutningavéla, „CL 44“, sem gcrt cr
ráð fyrir að marki verulcg tímamót í vöruflutn-
ingum í lofti. Hafa vélar þessar verið pantaðar af
stærstu vöruflutningaflugfélögum Bandaríkjanna,
„Seaboard and Western" og Flying Tiger Line“.
Vélar þessar koma til með að bera 32% tonn af
vörum, geta flogið 5000 mílur með 400 mílna hraða
á klst. Sama verksmiðja vinnur að stærri tegund
þessara véla, sem áætlað er að beri 50—00 tonn
af vörum. Samkvæmt fréttum hafa margar flug-
vélaverksmiðjur í Bandaríkjunum og Brotlandi í
athugun enn stærri flutningavélar.
32
frjáls verzlun