Frjáls verslun - 01.12.1959, Side 46

hér reiknivélar (calculator), sem ráða við fjögur
frumatriði talnafræðinnar: samlagningu, frádrátt,
margföldun og dcilingu. Vclar þessar lesa dærnið,
sem þeim er „sett fyrir“, úr götum spjaldanna,
reikna það og gata að lokum útkomuna á auðan
stað á sama spjaldi.
Þær vélar, sem nú hefur vcrið vikið að, byggjast
allar að mestu leyti á rafmagns- (electrical-) og
aflfræðilegum (mechanical-) lögmálum eðlisfræð-
innar.
Þegar spjöldin renna gegnum vélarnar liggur leið
þeirra undir fína málmbursta og þegar gat verður
undir einhverjum burstanna, þá opnast þar leið
fyrir rafstraum inn á segulspólur, sem síðan stýra
rás aflfræðilegra atburða. A síðustu árum hafa opn-
azt nýjar leiðir á sviði reiknivélatækni. Stórþjóð-
irnar hafa lagt ofurkapp á að byggja risastórar
reiknivélar, sem almennt eru nefndar rafeindaheil-
ar, en þær eru, sem kunnugt er, notaðar til úrvinnslu
talnaheimilda, sem mönnum er ofvaxið að glíma við
án þeirra. Ávöxtur af margra ára rannsóknum, sem
liggja til grundvallar byggingu rafeindaheilanna, er
þegar orðinn mikill: nýjungar á sviði rafeinda-
tækninnar hafa þegar verið hagnýttar við smíði
reiknivélar, sem vel hentar litlum fyrirtækjum á
sviði viðskiptalífsins. Sérstaka athygli hefur vakið
reikningsútskriftarvél sú (IBM-632), sem minnzt
var á fvrir skömmu í sambandi við 25 ára afroæli
IBM-rafritvélanna.
IBM-rafeindareiknivél
Þessi vél, sem er fyrirferðarlítil, á stærð við meðal
skrifborð, hagnýtir ýmsar nýjustu uppgötvanir á
sviði rafeindafræðinnar, t. d. svokallaða transistora
og segulperlur (magnetic core). Ég ætla mér ekki
IBM-raðari
„Fáðu þór sjálíur að borða! Þú hefur fengið lausn frá störfum
og ég ætla að fá bað líka."
þá dul að lýsa þessum nýjungum svo að gagni sé,
en það dylst ekki þeim sem þekkja til skrifstofu-
véla, að slíkur útbúnaður eykur mjög hraða og
gangöryggi reikniverksins og vélarinnar í heild.
Þessi vél er furðulega einföld í meðferð, enda þótt
að hún geri allt í senn, skrifi út reikning eða skjal,
reikni og skrifi á sjálfvirkan hátt útkomuna á
reikninginn, og gati auk þess samtímis í spjöld
heimildirnar, sem skrifaðar eru út, ásamt niðurstöð-
um, sem reiknaðar eru. Hún er því allt i senn, rit-
vél, reiknivél og gatari.
IBM-632 hefur leturborð mjög hliðstætt rafrit-
vél, en mcð ýmsum sjálfvirkum útbúnaði, auk
þess 10-lykla rciknivélaborð. Upphæðir, sem færðar
eru inn á 10-lykla borð reiknivélarinnar, tekur vél-
in inn á segulperlu „minnið“ og geymir þær, þar til
óskað er eftir niðurstöðunum t. d. að kvöldi. í rit-
vélina er innbyggt „stýri-les-band“ úr plastefni,
sem gatað er, til að gefa vélinni upplýsingar um,
hvenær skal „muna“, rita, reikna eða gata. Band
þetta stýrir því þannig að öllu leyti, hvað, hvenær
og hvernig vélin vinnur.
Það er enginn vafi á því, að einmitt þcssi vél
opnar litlum fyrirtækjum leið að IBM-gatspjalda-
kerfinu, auk þess að hún er hcntug sem útskriftar-
vél. Hún á fvllilega skilið þá athygli, sem hún hef-
ur þegav vakið, einnig hér á landi.
46
FRJÁI.S VERZIiUN