Frjáls verslun - 01.02.1968, Side 12

12
FRJÁLS VERZLUN
SÝNINGAR
HEIMSSÝNINGIN
í OSAKA 1970
EXPOTO
Eftir því sem næst tvö ár, eða
nánar tiltekið sunnudaginn 15.
marz árið 1970, verður fyrsta
heimssýningin opnuð í Asíu. Hún
verður haldin í borginni Osaka í
Japan og mun standa til 13. sept-
ember það sama ár, en ekki er
enn vitað, hve margar þjóðir taka
þátt í sýningunni. Rúmlega 20
þjóðir hafa þó þegar tilkynnt þátt-
töku sína, þar á meðal Bandarík-
in, Sovétríkin, Frakkland, Bret-
land, Kanada, Holland og Belgía.
Norðurlöndin hafa enn ekkiákveð-
ið, hvort þau taka sameiginlega
þátt í þessari heimssýningu eða
hvert í sínu lagi. Sennilegra þykir,
að þau reisi þar sameiginlegan
skála, eins og á síðustu heimssýn-
ingu í Montreal í Kanada, en
vegnaslæms atvinnu- og efnahags-
ástands mun ísland að öllum lík-
indum ekki taka þátt í sýning-
unni.
Mikill
undirbúningur.
Strax á árinu 1965 var hafinn
undirbúningur að sýningu þessari,
skipuð sýningarnefnd og sýning-
unni ákveðinn staður. Á næsta
ári þar á eftir var flestum þjóðum
boðin þátttaka og þeim sendar
upplýsingar varðandi tilhögun
sýningarinnar. Tilkynntu þegar á
því ári þrjár þjóðir um þátttöku
sína, en það voru Kanada, Alþýðu-
lýðveldið Kórea og Bandaríkin.
Seint á árinu 1966 var lokið við
heildarskipulag sýningarsvæðis-
ins í stórum dráttum og þar hafn-
ar byrjunarframkvæmdir. Á síð-
astliðnu ári var svo unnið að því
að ryðja land, þar sem sýningar-
svæðið á að vera, gengið frá nán-
ari skipulagningu og niðurröðun
hinna ýmsu sýningardeilda, en á
þessu ári er ráðgert, að byggingar-
framkvæmdir verði hafnar og full-
gengið frá lagningu vega um sýn-
ingarsvæðið. Auk sýningarskála
hinna ýmsu þátttökuþjóða, verða
á sýningarsvæðinu ýmsar bygging-
ar fyrir starfslið, upplýsingaþjón-
ustu og annað, sem sýningunni til-
heyrir. Áætlað er, að sýningargest-
ir verði nálægt 30 milljónum, og
er öll skipulagning miðuð við
þann fjölda.
Sýningarstaðurinn.
Eins og áður segir, verður þessi
heimssýning 1970 í borginni
Osaka. Hún er önnur stærsta borg
Japans og telur nokkuð á fjórðu
milljón íbúa og er miðpunktur
allra viðskipta og iðnaðar i land-
inu. Þar er einn stærsti flugvöllur
heims og ferðir til og frá öllum
heimsálfum, en vegalengdin milli
Osaka og Tokyo, höfuðborgar Jap-
ans, er ekki meiri en svo, að ný-
tízku hraðlestir fara þar á milli á
tæpum þrem stundum og þotur á
50 mínútum.
Sýningarsvæðið sjálft er um 10
kílómetra frá miðborg Osaka og
er um 330 hektarar að stærð. Það
í Osakaborg eru fjölmörg síki og skurðir og þúsundir nýtízkulegra brúa,
sem setja sérkennilegan svip á þessa austrænu borg.