Frjáls verslun - 01.02.1968, Page 69

FRJÁLS VERZLUN
69
vióskiptaheimurinn
AFRlKA Japanir herða mjög fjárfestingu sína í Afríku. Aðstaða þeirra í ný- frjálsu ríkjunum er góð. Þeir áttu aldrei nýlendur í álfunni og eru þar að auki ekki hvítir á hörund. Meðan Belgar flýja Kongó, hafa Japanir nýverið náð þar námuréttindum og iðnaðarítökum.
ARABALÖND Var heimurinn á barmi kjarnorkustyrjaldar í sex daga stríðinu? Rússar eru sagðir hafa sent boð gegnum Hvíta húsið, um að ísraels- menn yrðu að draga her sinn til baka. Sovétríkin skærust að öðrum kosti í leikinn. Bandaríkjamenn héldu uppi málþófi við Kreml, meðan 6. floti þeirra hraðaði sér til ófriðarsvæðisins. Rússar kiknuðu.
BANDARÍKIN 74% bandarísku þjóðarinnar lýsa nú yfir fylgi við Víetnam-stefnu Johnsons. Kommúnistar misreiknuðu sig alvarlega, því að Bandaríkja- menn þjappa sér fastar saman á neyðartímum en flestar þjóðir gera. Nixon sækir á í prófkjöri repúblikana. í N.-Hampshire, þar sem fyrsta prófkjörið er haldið, eru yfirburðir hans gegn Romney 3:1. Romney var nýlega í Víetnam og fékk hörmulega útreið í blöðum vegna misheppnaðrar framkomu og ummæla.
KÍNA Skömmu fyrir töku njósnaskipsins Pueblo gerðu Kínverjar tilraun til töku skips sömu gerðar. Kínverskir fallbyssubátar skipuðu skipstjór- anum að sigla í kjölfarið. Hann neitaði, og bátarnir eltu skipið um stund. Ekkert varð úr töku. Þessi atburður er sagður skýringin á drætti Pueblo-manna við að senda út neyðarkall.
KÓREA Taka Pueblo sýndi alvarlegan veikleika í hernaðarmætti Banda- ríkjanna. Víetnam hefur sogað til sín svo mikinn herafla, að þeir eru ófærir um að heyja meiri háttar átök annars staðar. Aðeins þrjár flug- vélar höfðu vegna nálægðar möguleika á að koma Pueblo til hjálpar. Þær kom aldrei til greina að senda. Ástæðan: flugvélarnar, vopnaðar kjarnorkusprengjum, voru aðeins ætlaðar til flugs, ef heimsstyrjöld væri skollin á.
NORÐURLÖND Svíþjóð er eitt Norðurlandanna eftir undir stjórn sósíaldemókrata. Borgaraflokkarnir gætu sigrað þar í næstu þingkosningum, ef þeim tækist að sannfæra kjósendur um samstöðu sína við stjórnarmyndun. í Noregi og Danmörku réði þetta atriði úrslitum. Sigur róttækra (flokks Baunsgaards) hefur ekki áhrif á aðildina að NATO. Hægri flokkarnir og sósíaldemókratar standa saman um utanríkisstefnuna og eru í yfirgnæfandi meirihluta á þingi.
ÞYZKALAND Enginn samdráttur hér á næsta ári. Spáð er 7% aukningu í fjár- festingunni.