Frjáls verslun - 01.06.1978, Blaðsíða 9

Jóhanna Sigurðardóttir var nú í síðustu Al-
þingiskosningum kosin á þing fyrir Alþýðu-
flokkinn. Er hún fyrsta konan, sem kjörin er á
þing fyrir Alþýðuflokkinn og jafnframt eina
konan í hópi þeirra, sem setjast á þing í fyrsta
skipti, þegar Alþingi tekur til starfa í haust.
Jóhanna er fædd í Reykjavík 4.10.1942. Hún
lauk Verzlunarskólaprófi 1960. Um 8 ára skeið
starfaði hún sem flugfreyja hjá Loftleiðum, en
er nú innheimtustjóri hjá Kassagerð Reykjavík-
ur. Jóhanna var einnig þingskrifari að auka-
starfi 1962— 65 og 1969— 72.
Hún hefur starfað mikið að félagsmálum. Sat
m.a. í stjórn flugfreyjufélagsins, og var formað-
ur þess félags um skeið. Hún á sæti í stjórn
Verzlunarmannafélags Reykjavíkur og í verka-
lýðsmálanefnd Alþýðuflokksins. Hún er einn af
stofnendum félagsskaparins Svölurnar, sem er
félag fyrrverandi og núverandi flugfreyja og var
formaður félagsins um eins árs skeið.
Jóhanna sagðist hafa haft afskipti af verka-
lýðsmálum frá því hún var um tvítugt. Hún hefur
einnig verið tvisvar á lista Alþýðuflokksins fyrir
borgarstjórnarkosningar. Jóhanna hefur mest-
an áhuga á félagsmálum, en sagðist gera sér
grein fyrir að það yrði aö ganga fyrir að takast á
við þann efnahagsvanda, sem þjóðin á við að
etja, þegar Alþingi tekur til starfa. Þau mál, sem
eru efst á dagskrá hjá henni í augnablikinu eru
lífeyrissjóðsmálin og það misrétti, sem hún tel-
ur að þar sé um að ræða og málefni þroska-
heftra, sem hún álítur að skilningsleysi stjórn-
valda hafi verið of mikið gagnvart.
Guðlaugi Þorvaldssyni, háskólarektor, hefur
verið veitt staða sáttasemjara ríkisins, en hann
tekur við starfi 15. apríl á næsta ári, er rekt-
orskjör hefur farið fram.
Guðlaugur sagði, að þetta yrði vandasamt
starf sem hann tækist á hendur. Samkvæmt
nýjum lögum á starfið aö vera fullt starf allan
ársins hring, og ráða á starfslið við embættið.
Hlutverk sáttasemjara ríkisins er í stórum
dráttum að annast sáttastörf í kjaradeilum og
fylgjast með kjaramálum yfirleitt. Guðlaugur
sagðist myndu reyna að ferðast um landið og á
vinnustaði til aö reyna að vinna fyrirbyggjandi
starf þegar hann tæki viö.
Guðlaugur Þorvaldsson er fæddur 13. októ-
ber 1924 í Grindavík. Úr Flensborgarskólanum í
Hafnarfirði fór hann í Menntaskólann á Akur-
eyri og varð þaðan stúdent 1944. Haustið 1945
settist hann í viðskiptadeild Háskóla (slands.
Varð síðan fulltrúi á Hagstofu íslands og síðar
deildarstjóri til ársins 1966, en kenndi jafnframt
frá því árið 1956 í Háskóla íslands. Árið 1958
starfaði Guðlaugur á norsku og þýzku hag-
stofunum ávegum Efnahagsstofnunar Evrópu.
1966 tók hann við stöðu í fjármálaráöuneyt-
inu sem ráðuneytisstjóri og gegndi því starfi til
1967 er hann varð prófessor við Háskólann.
1968 dvaldi Guðlaugur um hálfs hárs skeið í
Bandaríkjunum á vegum Eisenhower Ex-
change Fellowship, og ferðaðist þar um og
kynnti sér ýmsa háskóla og stjórnsýslustofn-
anir, stjórnun þeirra o.fl. Var hann fyrsti (s-
lendingurinn, sem fékk styrk þessarar stofnun-
ar.
Rektor Háskóla (slands varð Guðlaugur
kjörinn 1973 og endurkjörinn 1976.