Frjáls verslun - 01.06.1978, Blaðsíða 52

Vilja íslendingar semja beint
um orkuframkvæmdir?
— spyrja fulltrúar
CGEE Alsthom
„Við höfum verið óheppnir í
viðskiptum okkar við íslendinga
að undanförnu. Við urðum undir í
samkeppninni um Sigöldu og
Hrauneyjarfossvirkjum, því að
aðrir komu með lægri tilboð. Samt
vonumst við til að geta áfram átt
ánægjuleg samskipti við ísland
og tekið þátt í framtíðarorkufram-
kvæmdum þar“.
Það var Michel Renon hjá út-
flutningsdeild CGEE Alsthom í
Frakklandi, sem sagði þetta í sam-
tali við F.V. í París, en hann ræddi
við okkur eina kvöldstund ásamt
starfsbróður sínum Michel Cazes,
sem einnig starfar að útflutnings-
málum Alsthom. Renon hefur oft-
sinnis komið til (slands og hefur átt
samskipti við marga íslendinga,
sem að orkumálum starfa. Hann
fór hinum mestu viðurkenningar-
orðum um þessa aðila, einkanlega
forsvarsmenn Landsvirkjunar.
Renon sagði, að þótt aðrir hefðu
boðið lægra í Sigöldu og Hraun-
eyjarfoss hefði Alsthom þó gert
viðskipti við ísland á undanförnum
árum. Árið 1973 var samið um
búnað fyrir Mjólkárvirkjun vestra
fyrir eina milljón franka. Renon
sagði, að það myndi hafa verið í
fyrsta skipti sem Rafmagnsveitur
ríkisins fengu tæki í orkustöðvar
sínar afhent á réttum tíma. Þá seldi
Alsthom hluta af búnaði til Kröflu-
virkjunar.
Þeir Renon og Cazes létu í Ijós
þá von, að Alsthom fengi í fram-
tíðinni tækifæri til að vinna heilan
samning um orkuver á íslandi í
stað þess að verkefnum væri skipt
jafnmikið niður á einstaka fram-
leiðendur og gert hefði verið upp á
síðkastið. Þá vörpuðu þeir fram
þeirri spurningu, hvort ekki væri
tímabært fyrir íslenzk yfirvöld aö
íhuga þann möguleika að semja
beint við framleiðendur og.verk-
taka á sviði orkuframkvæmda í
stað þess að bjóða öll vérk út.
Reynslan hefði sýnt, að tilboð
stæðust ekki, afhending drægist
úr hömlu og verkin yrðu sízt ódýr-
ari en ef samið væri beint.
Þeir fullyrtu að Alsthom gæti t.d.
boðið mun betri skilmála ef af slík-
um samningum gæti orðiö og
myndi njóta til þess tilstuðlunar
franskra peningastofnana, sem þá
lánuöu til lengri tíma og á lægri
vöxtum. Annars tóku þeir fram, að
forvinna af íslendinga hálfu vegna
útboða væri mjög góð og hefði vel
tekizt til um útboðslýsingar sem
Electrowatt og fleiri verkfræðifyr-
irtæki hefðu samið.
CGEE Alsthom er eitt af fyrir-
tækjunum í samsteypunni
Compagnie Générale d’Electricité
en það er meðal þekktustu fyrir-
tækja í framleiðslu á alls kyns
búnaði til orkuframleiðslu. f þess-
ari samsteypu eru um 100 fyrirtæki
og á vegum hennar starfa 130 þús.
manns. CGEE Alsthom er stærsta
verktakafyrirtæki í orkuiðnaðinum
í Evrópu og starfa hjá því 14 þús.
manns. I meir en hálfa öld hefur
Alsthom byggt rafaflsstöðvar í
meira en 100 löndum heims. Nýjar
stöövar erlendis eru nokkuð á
annað hundrað árlega en verk-
smiðjur fyrirtækisins starfa í 15
löndum. Alsthom tekur að sér
uppbyggingu orkuvera á virkjun-
arstað og annast framleiðslu á öll-
um nauðsynlegum tækjum í verk-
smiöjum sínum, þar á meðal túr-
bínum, raflínum og dreifikerfum.
Þeir Renon og Cazes sögðu, að
þrátt fyrir aukna kjarnorkuvæð-
ingu væru vatnsvirkjanir í fullum
gangi víða um heim. Stórátak er
gert í þeim efnum í S.-Ameríku,
sérstaklega Brasilíu og ennfremur
Afríku. Alsthom er nú að Ijúka við
gerö orkuvers í Aqua Vermelha í
Brasilíu, sem er 6X250 megavött.
Verður það afhent í september n.k.
Þá hefur fyrirtækið gert stærsta
samning sinn til þessa einnig við
Brasiliumenn en hann er um nýtt
orkuver 8X250 megavött og á
fyrsta áfanga að verða lokið 1982.
Þó Alsthom sé þannig að byggja
stórvirkjanir vildu þeir Renon og
Cazes þó minna á að fyrirtækið
hefði mikla reynslu í gerð minni
orkuvera, þar sem svokallaðar
„míkró-hydró“-stöðvar hafa leyst
dísilrafstöðvar af hólmi. Er hér um
að ræða staðlaða framleiðslu á
500 kílóvatta upp í tveggja mega-
vatta stöðvum og hafa þær verið
sérstaklega sniðnar fyrir staði utan
aðalveitukerfis.
Hreyflll (túrbínu frá Alsthom.
52