Frjáls verslun - 01.06.1978, Blaðsíða 94
Gófiur markaður fyrir
nýjar íbúfiir á Skaganum
— Spjallaö viö for-
ráðamenn Húsverks
„Þetta er okkar fyrsta fjölbýlis-
hús. Viö höfum þegar gengið frá
helmingnum og afhent íbúðirnar
kaupendum, og síðari helmingn-
um eigum við að skila í september
næstkomandi", sagði Ársæll
Jónsson, einn af eigendum Hús-
verks hf. á Akranesi, er blaðamaö-
ur hitti hann að máli við 24 íbúöa
fjölbýlishús sem fyrirtækiö er að
koma upp þar. Eigendur Húsverks
eru auk Ársæls þeir Þröstur Krist-
jánsson og Hallgrímur E. Árnason.
Hefur Húsverk unnið við aðrar
stórframkvæmdir hér á staðnum?
„Ja, það má kannski segja það,
við byggðum meðal annars Gagn-
fræöaskólann hérna".
Hvað kosta íbúðir í þessu húsi,
sem þið eruð að koma upp hér?
„Þessar íbúðir kosta fullfrá-
gengnar um 8.7 milljónir. Þá miöa
ég við 90 fermetra 3ja herbergja
íbúð, teppalagða, málaða, með
eldhúsinnréttingu og skápum.
Fólkið getur sem sagt flutt beint
inn. Auk þess fylgir hverri íbúð
geymsla í kjallara. Þessar geymsl-
ur eru nokkuð stórar og lofthæð
höfö það mikil aö auðveldlega má
breyta þeim í íbúðarhæf her-
bergi".
Nú telst þetta verð líklega í
lægra lagi fyrir íbúð sem þessa.
Hvað er það aðallega sem veldur?
„Líklega má þakka það ýmissri
hagræðingu sem við höfum unnið
að í sambandi við bygginguna.
Steypumótin, sem við notum, eru
af sérstakri gerð, svokölluð metri-
form-mót, sem við keyptum frá
Hamrinum í Hafnarfirði. Þessi mót
hafa sannað ágæti sitt víða um
land, en ég held að við séum þeir
einu sem notum þau hér á Akra-
nesi. Með þessi mót nýtum við
mannskapinn mjög vel og lækkar
það að sjálfsögðu byggingar-
kostnaö. Annað atriði er, að við
höfum tekið í notkun tilbúin járn-
bindingarnet frá Timbri og Stál í
Hafnarfirði. Þessi net hafa sparað
okkur mikla vinnu og gera einnig
sitt til að flýta fyrir. Viö erum sann-
færðir um að ýmislegt fleira gætu
íslenzkir byggingarmeistarar til-
einkað sér sem til aukinnar hag-
ræðingar horfði og lækkað gæti
byggingarkostnaðinn".
Við inntum Ársæl eftir hver hefði
gert teikningu af fjölbýlishúsi Hús-
verks. Hann sagði þaö vera
Kjartan Sveinsson, og þættust þeir
hafa verið einstaklega heppnir
meö þaö samstarf. Bæöi væri
mjög gott að vinna eftir þessum
teikningum og svo eru íbúðirnar
einkar skemmtilegar. Sem fyrr
sagði eru þær þriggja herbergja
auk geymsluherbergis í kjallara.
Þá fylgir hverri íbúð lítið þvottahús
sem er inn af íbúðinni sjálfri og auk
þess lítiö búr. „Fólkiö er mjög
ánægt með þessa tilhögun", sagði
Ársæll.
Víða um land kvarta byggingar-
fyrirtæki um skort á byggingarlóð-
um. Við inntum forráðamenn Hús-
verks eftir því hvernig ástandið
væri á Akranesi. Þeir létu vel af
þessum málum á Skaganum. „Hér
er alltaf séð fyrir nægum lóðum,
svo ekki þurfum við að kvarta".
En hverjir eru viðskiptavinir
Húsverks. Hvernig fólk er það sem
kaupir íbúðir í þessu fjölbýlishúsi?
„Fyrst og fremst er þetta ungt
fólk. Mikill hluti þeirra, sem fest
hafa kaup á íbúðum í þessu húsi
eru sjómenn. Unga fólkið flytzt
ekki burt hér af Skaganum. Hér
eru þeim búin góð tækifæri og því
sezt það hér að“.
Framtíðin virðist sem sé blasa
við byggingarfyrirtækjum á Akra-
nesi?
„Það má kannski segja það. Við
höfum í það minnsta hug á að
halda áfram þegar þessu húsi er
lokið. Við höfum þegar fengið út-
hlutað annarri lóð og eftirspurn
eftir húsnæði bendir ekki til annars
en hér sé góður markaður fyrir
nýjar íbúöir".
Nýtt húsnæðl handa ungum Skagamönnum.
94