Frjáls verslun - 01.06.1978, Blaðsíða 33
Tíundi hver bíll I heiminum
er franshur að uppruna
Franskar bílaverk-
smiðjur flytja út meira
en helming af fram-
leiðslu sinni
Frakkland er fjórða mesta bíla-
framleiðsluland í heimi og annar
mesti útflytjandi bifreiða. Fransk-
ar bílaverksmiðjur flytja út meira
en helminginn af því sem þær
framleiða. Áttatíu verksmiðjur f 41
landi setja saman bíla undir
frönskum merkjum, smíða bíl-
hluta eða framleiða samkvæmt
frönskum leyfum. Samkvæmt
þessu er einn bíll af hverjum tíu,
sem smíðaður er í heiminum,
franskur að uppruna. Það eru meir
en 15,5 milljónir bíla í umferðinni í
Frakklandi. Með 295 bíla á hverja
1000 íbúa eru Frakkar í öðru sæti
af Evrópuþjóðum, hvað bílaeign
varðar og sjöttu í röðinni á al-
þjóðlegan mælikvarða.
Tvennt er það, sem fyrst og
fremst hefur einkennt stöðu
franska bílaiðnaðarins að undan-
förnu. í fyrsta lagi hefur sala á
fólksbílum aukizt mikið eftir al-
gjöra lægð um nokkurn tíma. Hins
vegar hefur þróunin verið niður á
við í sölu vörubíla, almennings-
vagna og annarra bifreiða sem
notaðar eru í atvinnurekstri. Þá
hefur farið fram veruleg upp-
stokkun stjórnunarlega hjá tveim
stærstu bílaframleiðendunum
Renault og Citroén.
Bílaverksmiðjur sameinaðar
Þannig hefur Renault tekið við
rekstri dótturfyrirtækis Citroén,
Berliet og sameinaö sínu eigin fyr-
irtæki Saviem, en bæði höföu
keppt um markaðinn fyrir vörubíla
og aðrar tegundir þjónustubíla.
Þetta var gert með aðstoð franska
ríkisins. Renault-fyrirtækin náðu
síðan meira en helmingi af sölu á
almenningsvögnum og vörubílum
yfir 6 tonnum.
Fólksbílaframleiðsla Citroén
hefur nú ennfremur verið samein-
uö Peugeot-verksmiðjunum fyrir
milligöngu stjórnvalda. Þetta
hjónaband var ekki auðvelt.
Citroénmenn voru mjög stoltir af
tæknikunnáttu sinni og hefðum í
bílaframleiðslu. Þeir áttu erfitt með
að laga sig að ólíku andrúmslofti,
sem ríkti innan Peugeot. Fyrirtæk-
in tvö hafa haldið auðkennum sín-
um og það er stefnan að fara mjög
rólega ífulla sameiningu þeirra. Til
forstöðu í hinu nýja sameinaða
fyrirtæki, var valinn maður um
fertugt, Jean-Paul Parayre, sem
hafði getið sér gott orð fyrir
frammistöðu sína í franska stjórn-
arráðinu, þar sem hann fjallaði
sérstaklega um málefni bílaiðnað-
arins. Hann varð síðan forstjóri hjá
Peugeot árið 1974. Hann verður
einn af þriggja manna fram-
kvæmdanefnd ásamt Pierre
Peugeot, sem gætir hagsmuna
fjölskyldunnar. Þriöji aðilinn er
stjórnandi framleiðslunnar í verk-
smiöjum beggja fyrirtækjanna.
Aukin tengsl við Renault
Áður en Jean-Paul Parayre kom
til Peugeot og starfaði enn fyrir
frönsku stjórnina, átti hann sæti í
stjórn Renault-verksmiðjanna,
sem eru ríkisreknar og þeir, sem til
þekkja, segja að Parayre muni ef til
vill leita eftir sterkari tengslum við
ríkisverksmiðjur Renault.
Renault hefur að undanförnu
náð metsölu á fólksbílum. Það
hefur veriö venja Frakka að óska
eftir endingargóöum og traustum
fjölskyldubílum án þess aö gera
stórkostlegar kröfur til hæfni
þeirra. Frá fornu fari hefur Renault
Vinsælasta gerðin af Renault hér á landi cr Renault 12. Verð á Renault-bfl-
unum er 2—4 milljónir. Alls var seldur hér 91 blll f fyrra. Það sem af er þessu
ári hafa verið seldir 66 Renault-bflar hérlendis.
33