Frjáls verslun - 01.06.1978, Blaðsíða 58
Strangar kröfur um gæfli
franskra vína
Landið fullræktað og
litlir möguleikar til
aukningar miðað við
núverandi gæðakröf-
ur
SOPEXA eru frönsk samtök
landbúnaðarins, sem vinna að
þróunarmálum atvinnuvegarins
og hafa innan sinna vébanda
framleiðendur í greinum eins og
ávaxta- og grænmetisrækt, kjöt-
framleiðslu og vínyrkju. Það er
síðasti þátturinn, sem við gerum
nánar að umtalsefni.
Patric Le Chene ferðast víða um
lönd til að kynna framandi þjóðum
franska vínmenningu. Þegar við
hittum hann að máli var hann ný-
kominn úr fyrirlestrarferð í Banda-
ríkjunum, þar sem hann kom fram í
sjónvarpsþáttum og hélt námskeið
fyrir þjóna og veitingafólk á hótel-
um. Næsta ferð var fyrirhuguð til
Tókíó, þar sem svipuð dagskrá
hafði verið undirbúin.
Le Chene starfar á vegum sér-
stakrar nefndar franska landbún-
aðarráðuneytisins, sem gegnir því
hlutverki að afla frönskum vínum
markaðar erlendis og jafnframt aó
viðhalda þekkingu heimamanna á
þessum þjóðardrykk. Það er ekki
ráð nema í tíma sé tekið, því að
tölur sýna að dregið hefur úr
neyzlu vína í Frakklandi hin síð-
ustu ár. Fyrir 50 árum nam neyzlan
150 lítrum á hvert mannsbarn á ári
en núna er hún komin niður í 100
lítra og er spáð enn meiri sam-
drætti.
4 milljónlr hafa atvinnu af vín-
framleiðslu
Það er nú starfandi um ein
milljón vínyrkjufólks í landinu, en
ef allar hliðargreinar eru meðtald-
Vínræktarhéruð Frakklands.
ar er talið að um 4 milljónir Frakka
hafi atvinnu af vínframleiðslunni.
Vínekrurnar eru 1 milljón hektara
eða 2,8% af öllu Frakklandi.
Árleg framleiðsla vína nemur um
70 milljónum hektólítra og í fyrra
var tæplega einn fimmti af því flutt
út. Vín og konjak er 14% af heild-
arútflutningi landbúnaðarvöru,
næst á eftir fóðurtegundum, og af
þessum fljótandi útflutningsvörum
hafa Frakkar 7 milljarða franka í
tekjur og gera vínin 5 milljarða þar
af.
Þjóðverjar, Bretar, Bandaríkja-
menn og Belgar eru helztu kaup-
endur franskra vína erlendis.
Gæðakröfurnar í Frakklandi eru
svo strangar að sögn Le Chene,
að það eru litlir möguleikar tl að
auka framleiðsluna og sölu til
annarra landa. Landið leyfir ekki
meiri ræktun svo aö öll aukning
yrði á kostnað gæðanna.
Óttast samkeppni að sunnan
„Franskirvínbændureru þekktir
af gæöum afuröa sinna", sagði Le
Chene. „Þeir myndu ekki standast
samkeppni við aðra um sölu á lé-
legri vínum". Frakkar óttast hins
vegar, að aðild Grikklands, Spánar
og Portúgals að Efnahagsbanda-
lagi Evrópu, myndi skapa harðari
samkeppni við þeirra eigin vínteg-
undir, bæði í Frakklandi sjálfu og í
öðrum löndum EBE. Spánverjar
eru t.d. að koma vínframleiðslu
sinni í betra lag en áöur meö tilliti
til væntanlegrar aðildar, og setja
sér nýjar reglur um gæðaeftirlit,
byggðar á þeim frönsku.
58