Frjáls verslun - 01.05.1980, Page 76

Nokkrir veiðimöguleikar
Stangarveiði er ein þeirra al-
menningsíþrótta sem á vaxandi
vinsældum að fagna. Og nú fer í
hönd sá tími sem hagstæðastur er
til ástundunar þessarar ágætu
íþróttar. íslendingar og útlend-
ingar draga bæði laxa og silunga
úr íslenskum ám og vötnum, en
fyrir „venjulegt“ fólk, er silungs-
veiðin mun aðgengilegri, einkum
og sér í lagi vegna verðlagsins.
Laxveiðin er orðin svo hrikalega
dýr, að engu tali tekur og íslensk-
ar laxveiðiár hafa hækkað um
45—100% ár hvert. Hvar það end-
ar veit varla nokkur maður. Auk
þess, er varla hægt að tala um að
laxveiðileyfi liggi á lausu á þess-
um tíma árs. Þannig er nefnilega
mál með vexti, að laxveiðiréttar-
eigendur, umboðsmenn þeirra
eða leigutakar, dreifa veiðidögum
til viðskiptavina sinna mörgum
mánuðum fram í tímann. Þó að
sama geri einstaka silungsveiði-
eigandi, þá er mjög algengt að
hægt sé að banka upp á á ein-
hverjum sveitabæ og kaupa leyfi
með engum fyrirvara.
Hringveginn
með veiðistöng
Ætlunin með þessu greinar-
korni, er að skjótast hringveginn
og benda á bæði helstu laxveiðiár
hvers landshluta og ekki síður
möguleika á silungsveiði, mögu-
leika sem almennir ferðamenn
geta fært sér í nyt, er þeir dvelja
hér og þar í sumarfríi sínu. Við
leggjum af stað í Reykjavík og
höldum norður. Tökum stefnu á
Hvalfjörðinn. j næsta nágrenni
höfuðborgarinnar eru nokkrar
hörkugóðar laxveiðiár, má þar
helst nefna „Bæjarlækinn", Leir-
vogsá og ekki síst Laxá í Kjós, sem
árlega gefur hátt í 2000 laxa. Og
Korpa er oft iðandi af laxi þó að hin
mesta spræna sé. í nágrenni
Reykjavíkur eru nokkur framúr-
skarandi silungsvötn og má þar
fyrst geta Elliðavatns og Þing-
vallavatns. Bæöi, einkum það
síðarnefnda, bjóða upp á góða
möguleika og vænan silung.
Vífilsstaðavatn er skemmtilegt og
stutt að fara. Aðeins lengra er upp
í Meðalfellsvatn, en heldur er
stundum þröngt um menn þar.
Borgarfjörðurinn er mesta lax-
veiðihérað landsins, með Hvítá
sem slagæð sveitarinnar. Þverár
hennar eru hver annarri betri,
Grímsá, Norðurá og Þverá eru
stórkostlegar veiðiár, einnig
Langá. Minni vatnsföll eru Gljú-
furá, Flóká og Reykjadalsá. Sil-
ungsvötn Borgarfjarðar eru bæði
fjölmörg og með þeim bestu sem
finnast. Fyrirofan Hvalfjörðinn má
fyrst nefna Svínadalsvötnin vin-
sælu og dálítiö norðar Skorra-
dalsvatn, sem geymir í djúpum
sínum stærri bleikjur heldur en
gengur og gerist. Fiskivötnin á
Arnarvatnsheiði eru og seiðandi,
en þangað fer ekki nokkur maður
á venjulegri bifreið og jafnvel
hörðustu jeppaeigendur hugsa sig
um tvisvar áður en þeir bjóða far-
artækjum sínum upp á þann við-
bjóðslega veg sem þangað liggur.
En veiðimöguleikarnir eru þarna
ótrúlegir, kannski einmitt vegna
þess hve erfitt er að komast þang-
að. Helstu vötnin á þessum slóð-
um eru Arnarvötnin Stóra og Litla,
Úlfsvatn og Reykjavatn. Landeig-
endur selja leyfi í öll umrædd vötn.
Nokkur mjög aðlaðandi veiði-
vötn má geta um á Mýrum og Snæ-
fellsnesi. í þau flest má snara sér
72