Frjáls verslun - 01.10.1993, Side 51

90 þúsund dollara á ári í fasteigna-
skatta.
HÁGJALDAFARÞEGAR
I Fort Lauderdale búa einnig þús-
undir manna og kvenna sem hafa
mjög háar tekjur og ferðast töluvert
starfs síns vegna. Þessi staðreynd,
ásamt því að ekkert flugfélag flýgur
áætlunarflug á milli Fort Lauderdale
og Evrópu, varð til þess að Flugleiðir
hf. ákváðu að sækja um leyfi til áætl-
unarflugs þangað.
Félagið fékk mikinn stuðning frá
aðilum í viðskiptalífinu og ferðaþjón-
ustuaðilum í Broward sýslu og Fort
Lauderdale, sem þrýstu á yfirvöld að
veita leyfið. Bruce G. Budd, einn af
framkvæmdastjórum Broward Econ-
omic Development Council, sagði við
blaðamann Frjálsrar Verslunar að
stjórnvöld Broward sýslu og Fort
Lauderdale litu svo á að áætlunarflug
Flugleiða gæti fært borginni umtals-
verðar tekjur af ferðamönnum frá
Skandinavíu og íslandi. Þar að auki
væri mikið hagræði af því fyrir íbúa
sýslunnar að geta flogið beint til
Evrópu með Flugleiðum frá alþjóða-
flugvellinum í Fort Lauderdale. „Þess
vegna fannst okkur mikilvægt að
Flugleiðir fengju leyfið,“ sagði Bruce
G. Budd.
51