Frjáls verslun


Frjáls verslun - 01.09.1997, Blaðsíða 64

Frjáls verslun - 01.09.1997, Blaðsíða 64
Bragi Hannesson, forstjóri Iðnlánasjóðs, hefur í bráðum 30 ár málað ífrístundum sínum. „Þetta tvennt, starfið og listsköþunin eru tveir óskyldir heimar. I vinnunni hugsa ég ekki um listina og ekki um vinnuna við listina." FV-mynd: Kristín Bogadóttir. Við trönurnar h wnnudöpi g er dæmigerður sunnudagsmálari. Ég eyði ekki mikl- um tíma í þetta tómstundagaman mitt en geri miklar kröfur til sjálfs mín. Þess vegna hef ég ekki afkastað miklu í þessu efni," segir Bragi Hannesson, forstjóri Iðn- lánasjóðs sem hefur í bráðum 30 ár málað í frí- stundum sínum. „Ég get verið fljótur að mála eina mynd en það getur svo liðið langur tími þangað til ég lýk henni endanlega og sleppi af henni hendinni. Það eru smáatriði sem skipta miklu máli." Bragi hefur fengist við málaralist allt frá árinu 1969 þó að hann hafi ekki fengið neina hefðbundna menntun á því sviði. „Ég var lélegur í leikfimi og teikningu í gamla daga í skólan- um. Ég leysti málið að hálfu með því að fá vottorð í leikfimi en það var ekki hægt í sambandi við teikninguna." Bragi er lögfræðingur að mennt og hefur áratugum saman starfað sem forstjóri í lánastofnunum, fyrst hjá Iðnaðarbankanum og síðan hjá Iðnlánasjóði. „Þetta getur verið mjög krefjandi starf og erfitt, sérstaklega hér áður þegar ásókn í lánsfé var mikil og það þurfti að neita mörgum um lán. Að mála er sérstakur heimur og maður hugsar ekki um neitt annað á meðan. Þetta tvennt, starfið og listsköpunin, hafa alltaf verið tveir óskyldir heimar sem ekki koma hvor öðrum við. í vinnunni hugsa ég ekki um listina og ekki um vinnuna við listina." Málaralist er ekki eina listgreinin sem Bragi dáir því hann hlustar mikið á sígilda tónlist, einnig meðan hann er að mála. Hann segist sækja sér innblástur á ferðalögum um íslenska nátt- úru á sumrin, með heimsóknum á söfn og einnig á hann stórt safn listaverkabóka. „Þegar ég ferðast um landið, hvort sem er til að veiða eða gera eitthvað annað mér til skemmtunar, þá hef ég alltaf auga með landslaginu og leita að formum og myndum. Myndlist er litir og form og hvorugt er nokkurs virði án hins. Iiturinn lifnar við í samfélagi við aðra liti." Bragi málar nokkuð óhlutbundnar myndir, eða abstrakt, en ís- lensktlandslag er einnig mjög ríkur þáttur í myndum hans. Bragi segist vera íhaldssamur listamaður í leit að formum og einfald- leika. „íslenskt landslag er einstætt hvað varðar liti og form og það er, að mínu mati, með ólikindum hve marga mjög góða málara ís- land hefur alið." Hann segist halda meira upp á fortíðina en nútímann í listum. Þegar rætt er um uppá- haldsmálara nefnir hann Ásgrím Jónsson sem sinn áhrifavald og það hafi verið myndir Ás- gríms sem urðu honum innblástur til þess að hefj- ast handa. Eflaust mætti nefna Louisu Matthías- dóttur og Ragnheiði Jónsdóttur Ream sem áhrifavalda en báðar eru þær í miklu dálæti hjá Braga. Hann segist ekki safna myndum sjálfur. „Það er ef til vill með það eins og mína eigin listsköpun. Ég á fáar myndir en vil að þær séu góðar. Meðal þeirra, sem ég á myndir eftir, eru Hringur Jóhannesson, Louisa Matthíasdóttir, Gunnlaugur Scheving, Ásgrímur Jónsson, Þor- valdur Skúlason og Ragnheiður Ream." Hringur heitinn Jóhannesson skipar sérstakan sess í huga Braga. Hringur lést síðastliðið sumar fyrir aldur fram. „Þegar ég segist vera ómenntaður í myndlist er það rétt að því leyti að ég hef ekki setið á skólabekk en allt frá 1970 var Hringur minn kennari og leiðbeinandi og mikill vinur auk þess að vera mikilhæfur listamaður. Kennslan fór lengst af þannig fram að hann kom í heimsókn til mín einu sinni til tvisvar eða oftar á hverjum vetri og gagnrýndi það sem ég var að gera. Þegar ég tók þátt í sýningum með öðr- um eða hélt eigin sýningar þá aðstoðaði hann mig við að velja og hengja upp myndir. Þannig má segja að ég hafi allan minn feril verið undir handleiðslu hans og var þar mjög heppinn. Ég vissi ekkert um veikindi hans en það var sérkennilegt að þegar ég var á leið norður í land síðastliðið sumar í veiði þá datt mér í hug að koma við í Haga og heimsækja Hring þar sem hann dvaldi á sumrin. Þangað hafði ég ekki komið áður og hringdi tvis- var á leiðinni en enginn svaraði svo ég lét kyrrt liggja en þennan sama dag dó Hringur. Ég sakna hans mikið." Bragi hefur þrisvar sinnum haldið einkasýningar á verkum sínum í Gallerí Borg og auk þess tekið þátt í nokkrum samsýn- ingum frá árinu 1975 til þessa dags. Hann er fæddur árið 1932 og segist munu láta af störfum um næstu áramót. Iðnlánasjóður verður um líkt leyti hluti af hinum nýja Fjárfestingabanka at- vinnulífsins. En munu þessi umskipti þýða að Bragi fari að mála meira en áður? „Ég er ekki svo viss um það. Ég hef mörg fleiri áhugamál sem ég mun væntanlega hafa meiri tíma til að sinna en áður. Það að mála verður eflaust áfram eitt mitt helsta áhugamál en óvíst að það fái meiri tíma en hingað til. Ég hætti hins vegar aldrei að mála." 35 Tómstundir stjórnandans. Viðtal: Páll Ásgeir Ásgeirsson. 64
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64
Blaðsíða 65
Blaðsíða 66
Blaðsíða 67
Blaðsíða 68
Blaðsíða 69
Blaðsíða 70
Blaðsíða 71
Blaðsíða 72
Blaðsíða 73
Blaðsíða 74
Blaðsíða 75
Blaðsíða 76

x

Frjáls verslun

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Frjáls verslun
https://timarit.is/publication/282

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.