Morgunblaðið - 11.01.2001, Síða 20

AKUREYRI
20 FIMMTUDAGUR 11. JANÚAR 2001 MORGUNBLAÐIÐ
Innköllun hlutabréfa í Samherja hf.
vegna rafrænnar skráningar
Mánudaginn 12. febrúar 2001 verða öll
hlutabréf í Samherja hf. skráð rafrænt hjá
Verðbréfaskráningu Íslands hf. Þann dag
verða viðskipti með hlutabréf í Samherja hf.
stöðvuð á Verðbréfaþingi Íslands.
Hlutabréfin hafa verið innkölluð með birt-
ingu auglýsingar í Lögbirtingablaðinu í sam-
ræmi við lög um rafræna eignarskráningu
verðbréfa. Athygli hluthafa er vakin á að hin
áþreifanlegu hlutabréf félagsins verða
ógild sjálfkrafa og því er ekki þörf á að skila
þeim til félagsins.
Þeir, sem eiga takmörkuð réttindi í hluta-
bréfum Samherja hf., svo sem veðréttindi,
skulu koma rétti sínum á framfæri við við-
skiptabanka sinn, sparisjóð eða verðbréfa-
fyrirtæki, sem gert hefur aðildarsamning við
Verðbréfaskráningu Íslands hf.
Hluthöfum er bent á að koma að athuga-
semdum, ef þeir telja að eignarhald þeirra sé
ekki réttilega skráð. Athugasemdir berist
hlutaskrá Samherja hf., Glerárgötu 30,
600 Akureyri, eða í síma 460 9000.
SIV Friðleifsdóttir umhverfisráðherra
og Vilhjálmur Þ. Vilhjálmsson formað-
ur Sambands íslenskra sveitarfélaga
skrifuðu undir nýjan samning um
verkefnið Staðardagskrá 21 í skíða-
skálanum Strýtu í Hlíðarfjalli í gær.
Staðardagskrá 21 er áætlun ein-
stakra sveitarfélaga um það hvernig
þau hyggist nálgast markmið um
sjálfbæra þróun á 21. öldinni, en sam-
kvæmt samþykkt Heimsráðstefnu
Sameinuðu þjóðanna um umhverfi og
þróun í Ríó árið 1992 ber sveitar-
stjórnum um allan heim skylda til að
gera slíka áætlun. Siv sagði að verk-
efnið hefði hafist hér á landi síðari
hluta árs 1998 og var fyrsti samning-
ur milli ráðuneytisins og Sambands
íslenskra sveitarfélaga gerður í kjöl-
farið, en hann var til 18 mánaða og
rann út um síðustu áramót. Ákveðið
var að halda samstarfinu áfram og
samningurinn sem undirritaður var í
gær nær til 5 ára eða til loka árs 2005.
Umhverfisráðherra sagði samning-
inn um Staðardagskrá 21 hafa skilað
meiri árangri en margir gerðu sér
grein fyrir. Upphaflega hefði 31 sveit-
arfélag tekið þátt í henni, en þau eru
nú um 40 talsins og ná til um 250 þús-
unda manns. Siv sagði Íslendinga æ
meðvitaðri um umhverfismál, áhugi á
þessum málefnum væri mikill og al-
mennur sem væri gleðilegt. Hún
nefndi einnig að á umhverfisþingi í lok
þessa mánaðar yrðu kynnt drög að
áætlun um sjálfbæra þróun. Þau yrðu
sett á Netið og almenningi gæfist
kostur á að skila þar inn tillögum, en
endanlega yrði gengið frá áætluninni,
sem nær til 20 ára, næsta haust.
Vilhjálmur Þ. Vilhjálmsson sagði
um tímamótasamning að ræða. Verk-
efnið væri mikilvægt í sveitarfélögun-
um og það næði til nær allra mála-
flokka sem þau væru að sinna. Hann
sagði kostnað sveitarfélaganna vegna
þessa verkefnis mismikinn, en hann
kvaðst sannfærður um að verkefnið
skilaði árangri í betra umhverfi. Vil-
hjálmur sagðist vonast til að fleiri
sveitarfélög í landinum myndu senn
bætast í hóp þeirra 40 sem þegar taka
þátt í verkefninu. Íslendingar væru
nú í forystuhlutverki hvað þessi mál
varðar á norðurheimskautssvæðinu,
þ.e. hér á landi, í Grænlandi og á Sval-
barða og nytu til þess stuðnings Nor-
rænu ráðherranefndarinnar en að
auki hefði Færeyingum og íbúum
Litháen verið veitt aðstoð.
Verkefni á sviði Staðardagskrár 21
eru fjölmörg, en Stefán Gíslason
verkefnisstjóri gerði grein fyrir
helstu viðfangsefnum. Þar má nefna
ráðgjöf fyrir sveitarfélög, ráðstefnur,
gerð vefsíðu, kynnisferðir, norrænt
samstarf og kynningarfundi um
hreinni framleiðslutækni.
Góð reynsla
Guðmundur Sigvaldason fram-
kvæmdastjóri Staðardagskrár 21 á
Akureyri fjallaði um verkefnið og
sagði reynslu bæjarins af þátttöku
góða. Pétur Bolli Jóhannesson, sveit-
arstjóri í Hrísey, sagði frá reynslu
eyjarskeggja af verkefninu en Hrís-
eyinga sagði hann umhverfissinna að
eðlisfari. Hann nefndi að þar væri
griðland fugla, m.a. rjúpunnar, þar
færi fram verkefni sem miðaði að
framleiðslu á rafmagni með heitu
vatni og þá hefði framleiðsla á vist-
vænum fiskafurðum lengi verið í
eynni. Hann sagði mengun í eynni
litla, en þar væru fáir bílar. Fráveitu-
mál væru í góðum farvegi og allt sorp
hefði í áraraðir verið flokkað og sent í
land.
Umhverfisráðuneytið og Samband íslenskra sveitarfélaga endurnýja samning um Staðardagskrá 21
Morgunblaðið/Kristján
Stefán Gíslason verkefnisstjóri kynnti verkefni Staðardagskrár 21.
Vilhjálmur Vilhjálmsson, formaður Sambands íslenskra sveitarfélaga,
og Siv Friðleifsdóttir umhverfisráðherra undirrituðu samning um
framhald verkefnisins Staðardagskrá 21 í Strýtu í Hlíðarfjalli.
Það var farið að hvessa nokkuð í Hlíðarfjalli í lok blaðamannafundarins
í Strýtu. Hér berjast þau gegn vindinum, Guðmundur Karl Jónsson, for-
stöðumaður Skíðastaða, Hugi Ólafsson í umhverfisráðuneytinu og Siv
Friðleifsdóttir umhverfisráðherra.
Um 40 sveitarfélög
með um 250 þúsund
íbúa taka þátt
FÍKNIEFNABROTUM á Akureyri
fækkaði mikið á síðasta ári miðað við
árið á undan, samkvæmt málaskrá
lögreglunnar fyrir árið 2000. Í fyrra
komu upp 52 fíkniefnabrot í bænum,
eða 43 færri en árið 1999 en það ár
komu voru fíkniefnabrotin 95 eða
fleiri en nokkru sinni fyrr. Árin tvö
þar á undan voru fíkniefnabrotin
rúmlega 40 hvort ár.
Ólafur Ásgeirsson, aðstoðaryfirlög-
regluþjónn á Akureyri, sagð að helsta
ástæða fækkunar fíkniefnabrota milli
ára tengdist hátíðinni Halló Akureyri
um verlsunarmannahelgina. Árið
1999 komu upp fjölmörg mál í
tengslum við hátíðina en á síðasta ári
var staðan allt önnur og betri. Ólafur
sagði að auk þess hafi orðið almenn
vakning meðal bæjarbúa, sem létu í
mun meiri mæli heyra í sér varðandi
fíkniefnamál. Einng hafi almenn um-
ræða um þessi mál í bænum í fyrravor
og borgarfundur í kjölfarið haft áhrif.
Þá sagði Ólafur að þrjú fyrirtæki á
Akureyri, Íslensk verðbréf, Kaup-
félag Eyfirðinga og Samherji, hefðu
lagt baráttunni gegn fíkniefnum lið
með fjárstuðningi. Sá stuðningur
hefði þýtt að hægt var að bæta við
aukamanni í fíkniefnamálin sl. sumar
og það hefði skipt miklu máli í þeirri
baráttu.
Alls komu 6.383 mál til kasta lög-
reglunnar á Akureyri á síðasta ári eða
um 300 fleiri en árið áður og rúmlega
1.100 málum fleiri en árið 1998. Um-
ferðarlagabrot voru nokkuð fyrirferð-
armikil að vanda, þar sem flest mál
tengdust of þungum bensínfótum
ökumanna. Á síðasta ári komu upp
1.638 mál vegna hraðaksturs og þar af
voru um 750 ökumenn teknir fyrir of
hraðan akstur í nágrenni Akureyrar.
Árið 1999 komu upp 1.783 mál vegna
hraðaksturs en fjöldinn árið 1998 var
svipaður og í fyrra.
Ólafur sagði að meðalsekt vegna
hraðaksturs væri um 10 þúsund krón-
ur. Í fyrra hafi ökumenn því greitt
rúmar 16 milljónir króna í sektar-
greiðslur vegna hraðaksturs, sem
samsvarar rúmum 1.000 krónum á
hvert mannsbarn á Akureyri.
Færri teknir fyrir ölvun
við akstur
Mun færri ökumenn voru teknir
fyrir ölvun við akstur á síðasta ári en
árið á undan, eða 81 á móti 136 árið
1999. Ólafur sagði að stöðugt væri
fylgst með ölvunarakstri og því væri
ekki önnur haldbær skýring á þessari
fækkun milli ára en að eftirlitið skilaði
árangri.
Heldur fleiri voru sektaðir fyrir að
nota ekki öryggisbelti í fyrra en árin
tvö þar á undan, eða 462. Ólafur sagði
að lögreglumenn sýndu enga mis-
kunn gagnvart öryggisbeltunum.
„Við erum hættir að veita mönnum
tiltal og það eru allir kærðir sem ekki
nota öryggisbelti og það gerum við í
þágu þeirra sem í hlut eiga.“
Færri kynferðisbrot
Alls komu upp rúmlega 1.300 mál í
fyrra þar sem ökumenn höfðu ekki
fært bíla sína til aðalskoðunar, árið
áður komu upp 790 mál en aðeins 74
árið 1998.
Hegningarlagabrotum vegna lík-
amsárása, innbrota, þjófnaða og eign-
arspjalla fjölgaði nokkuð á milli ára.
Alls komu upp 62 mál sem tengdust
líkamsárásum en 48 árið áður, mál
vegna innbrota voru 66 í fyrra, eða 10
færri en árið áður, þjófnaðarmál voru
404 en 357 árið áður. Ólafur sagði
mörg þjófnaðarmál tengdust stuldi á
farsímum. Þá komu upp 262 mál
vegna eignarspjalla í fyrra og var um
minniháttar skemmdarverk að ræða í
257 málum. Mál vegna kynferðisbrota
voru 13 á síðasta ári eða þremur færri
en árið 1999.
Ólafur sagði að yfirleitt hafi lög-
gæsla gengið vel í bænum. Hann
sagði að allir lögreglumenn í liðinu
væru menntaðir sem slíkir og að eft-
irspurn eftir starfi í lögreglunni væri
mikil. „Ég tel að lögreglumenn hér
hafi staðið sig frábærlega vel á síð-
ustu árum og ástundað öguð og góð
vinnubrögð.“
Málaskrá lögreglunnar á Akureyri fyrir síðasta ár
Fíkniefnabrotum fækkaði
um rúmlega 40 á milli ára