Morgunblaðið - 11.01.2001, Qupperneq 64

64 FIMMTUDAGUR 11. JANÚAR 2001 MORGUNBLAÐIÐ
NÚ ÞEGAR svona kuldakast geng-
ur yfir, eins og verið hefur síðustu
daga, er ég viss um að þeir sem
ekki eiga eða hafa aðgang að bíl-
skúr hafa velt því fyrir sér hvað
þeir geti gert til að þurfa ekki að
koma út í kaldan bíl.
Ég er einn af þeim sem hef ekki
aðgang að bílskúr, er með ung börn
og konu sem finnst ekki gaman að
fara út í kaldan bíl. Ég greip því
tækifærið síðasta vetur þegar ég sá
umfjöllun um hreyfilhitara og fylgi-
hluti og fékk mér slíkan búnað í bíl-
inn minn. Ég fékk með hitara frá
DEFA.com sem Bílanaust selur.
Einnig fékk ég með ofn inn í bílinn
frá sama aðila. Þetta var síðan sett í
bílinn minn af fagmönnum og var
kostnaðurinn rétt um 50.000 kr.,
þ.e. búnaðurinn og vinnan. Núna er
það þannig að ég set bílinn minn í
samband þegar ég legg honum í
stæði og kveiki síðan á hitaranum
með rofa inni í eldhúsi klukkutíma
áður en ég ætla af stað. Þegar ég
kem út í bíl eru rúður hrímlausar,
bíllinn orðin volgur að innan og
kælivatnið orðið volgt. Gangsetning
er því áreynslulítil og hægt að aka
strax af stað. Kostirnir eru margir.
Fyrir það fyrsta er þetta umhverf-
isvænt því bíllinn mengar minna
þar sem ekki er um eiginlega kald-
ræsingu að ræða, vélin eyðir minna
eldsneyti þar sem hún er orðin volg
áður en hún fer í gang, rúður eru
hrímlausar, smurolía endist lengur,
minna álag er á startara, bíllinn er
þurrari að innan en áður og eflaust
gæti ég týnt fleira til. Kostnaðurinn
við þetta er 2 kw. stundir á dag eða
um 17 kr. Ég er með ofn sem er
1400 wött og vatnshitara sem er
800 w. Ég var reyndar svo óhepp-
inn að vera með einstakan bíl og
gat því ekki fengið einfaldasta bún-
að til að hita vélina og þurfti því að
kosta meiru til en þeir sem eiga al-
genga bíla. Tenging á þessu er ekki
mikið mál því um er að ræða venju-
legan tengil og get ég því haft
snúruna með mér þegar ég fer í
ferðalög eða heimsóknir. Tengda-
mamma leyfir mér að sjálfsögðu að
setja bílinn í samband heima hjá
henni þegar ég kem þangað í heim-
sókn með fjölskylduna.
Ég er með einfalda útgáfu af
þessum búnaði en það er hægt að fá
margs konar búnað að auki. Það er
hægt að fá hleðslutæki fyrir raf-
geyminn og klukku til að stýra
gangsetningu á hitaranum. Klukk-
an er sniðug fyrir þá sem eru með
reglulegan brottfarartíma. Það er
hægt að tengja hitamæli við sem
skynjar hitann/kuldann og setur
þetta í gang nógu tímanlega miðað
við hitastig. Það er hægt að fá
hringrásardælu á kælivatnið og
rofa á miðstöðina í bílnum þannig
að miðstöðin verði notuð til að hita
bílinn upp að innan. Þá er kjörið að
hafa hleðslutækið fyrir geyminn,
það eykur líka endingu rafgeym-
isins um 2-3 ár. Bíllinn minn eyddi
um það bil þremur lítrum meira að
vetri til en yfir sumarið. Þetta er
reyndar dísilbíll og sparnaðurinn
því minni í krónum talið en ef um
væri að ræða bensínbíl. Í hvert
skipti sem ég fer eitthvað á bílnum
er ég yfirleitt að aka 40-60 km í
hvert skipti þannig að fyrir hverja
100 km er ég að greiða ca. 50 kr. í
rafmagn en spara 150 kr. í olíu.
Þetta á að sjálfsögðu bara við um
þennan venjulega akstur í vinnu, út
í búð eða í heimsókn. Sá sem er
með bensínbíl er að spara öllu
meira. Orkuveita Reykjavíkur gaf
2.900 kr. afslátt á síðasta ári af raf-
magnsreikningi til þeirra sem létu
setja svona búnað í bíla sína en ég
bý á svæði Rafmagnsveitu Hafn-
arfjarðar og naut því ekki þessa af-
sláttar.
Það sem vantar er að maður geti
sett bílinn í samband á almennum
stæðum og greitt fyrir það eins og í
stöðumæli.
Þeir sem vilja frekari upplýsing-
ar geta sent mér tölvupóst í
e1967@islandia.is.
GUÐMUNDUR FYLKISSON
Reykjavíkurvegi 27, Hafnarfirði.
Hreyfilhitarar
Frá Guðmundi Fylkissyni:
Höfundi finnst gott að setjast inn í volgan bíl á köldum morgni,
en bíllinn hans er fjær á myndinni.






 
    
 

      

        

       

! 

!   
          "
BRÉF
TIL BLAÐSINS
Kringlunni 1 103 Reykjavík  Sími 569 1100  Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.