Morgunblaðið - 27.03.2001, Page 11

Steingrímur J. Sigfússon, formað-
ur vinstri-grænna, sagði ljóst eftir
skýrslu Þjóðhagsstofnunar að horfur
í efnahagsmálum væru bæði blendn-
ar og óvissar. Helsti veikleikinn fæl-
ist í hinum gríðarlega viðskiptahalla
sem ekkert lát virtist á. En um leið
bæri að hafa áhyggjur af aukningu
skulda, bæði erlendis og hér heima
fyrir sem hefði í för með sér gríð-
arlegan vaxtakostnað.
„Það tjóar ekki að lemja höfðinu
við steininn og neita að horfast í augu
við að það eru uppi viðsjárverðar að-
stæður í okkar þjóðarbúskap,“ sagði
hann.
Steingrímur gagnrýndi einnig við-
brögð forsætisráðherra við skýrsl-
unni í fjölmiðlum og fyrir að hafa op-
inberlega fundið að orðalagi í
skýrslunni. Það færi illa saman við að
ræða mikilvægi þess að stofnanir séu
sjálfstæðar og óháðar.
„Það væri fróðlegt að spyrja for-
sætisráðherra hvort til standi að gefa
út leiðbeiningar um viðeigandi orða-
lag undirstofnana forsætisráðuneyt-
isins,“ sagði hann.
Jón Kristjánsson, þingmaður
Framsóknarflokks og formaður fjár-
laganefndar, lýsti í sínu máli áhyggj-
um yfir viðskiptahallanum. Fagnaði
hann hins vegar áhuga stjórnarand-
stæðinga á því að beita ríkisfjármál-
um sem hagstjórnartæki og að kallað
yrði eftir tillögum þar að lútandi við
gerð fjárlaga. Sagði hann að til að ná
auknum afgangi á rekstri ríkissjóðs
yrði vitaskuld að draga úr útgjöldum
og þar væri ekki verið að tala um tugi
milljóna heldur einhverja milljarða,
ættu aðgerðirnar að virka sem hags-
tjórnartæki.
Sverrir Hermannsson, formaður
Frjálslynda flokksins, vísaði til þess
að aðilar vinnumarkaðarins, t.d.
Samtök iðnaðarins, hafi gagnrýnt
harðlega stefnu stjórnvalda í efna-
hagsmálunum og sagt ríkisstjórnina í
blindflugi og lítil von væri um mjúka
lendingu. Formaður samtakanna
hefði meira að segja tekið svo til orða
að segja góðærið í landinu fjármagn-
að með skuldasöfnun erlendis.
Fjármálaráðherra telur enga
ástæðu til að örvænta
Geir H. Haarde fjármálaráðherra
sagði hins vegar enga ástæðu til að
örvænta þrátt fyrir mikinn halla á
viðskiptum við útlönd. Sagði hann
ekkert nýtt að horfur væru óvissar,
slíkt væri eðlilegt enda spiluðu svo
margbreytilegir þættir inn í. Vísaði
hann til margra stórra verkefna sem
nú væri að verða lokið, svo sem vegna
stækkunar flugstöðvarinnar í Kefla-
vík, Vatnsfellsvirkjunar og verslun-
armiðstöðvar í Smáranum, og um leið
myndi skapast eðlilegra ástand í
efnahagslífinu. Margt benti til
minnkandi innflutnings og horfur
væru á auknum útflutningi.
„Það er engin ástæða til að ör-
vænta og fara í kerfi, eins og krakk-
arnir segja, eins og formanni Sam-
fylkingarinnar hættir til með
reglulegu millibili,“ sagði fjármála-
ráðherra.
Undir lok umræðunnar tóku þeir
Össur og Davíð aftur til máls og sagði
Össur þá m.a. að ekki skipti máli
hvernig stæði á viðskiptahallanum;
hann væri staðreynd sem þyrfi að
fjármagna og vinna gegn. Sakaði
hann ráðherra um skilningsleysi
gagnvart þeim mikla vanda sem væri
uppi og benti á að ekki dygði að segja
hókus pókus til að viðskiptahallinn
hyrfi.
Davíð Oddsson sagði að þetta væri
ekki í fyrsta sinn sem menn yrðu sár-
ir þegar þeir teldu hallað á ríkisstofn-
anir. Ekki megi finna að orðalagi
þeirra, líkt og um sé að ræða heilagar
kýr. Sagði hann til marks um sjálf-
stæði stofnana að ekki væri fundið að
orðalagi þeirra fyrir fram en eftir á
væri mönnum fullfrjálst að gera sínar
athugasemdir.
FRÉTTIR
MORGUNBLAÐIÐ ÞRIÐJUDAGUR 27. MARS 2001 11
Morgunblaðið/Árni Sæberg
Vel gekk að
flytja ÍR-
húsið á
Ægisgarð
GAMLA ÍR-húsið sem staðið hefur
við Túngötu í Reykjavík var flutt
niður á hafnarsvæðið á sunnudag-
inn og gekk flutningurinn vel.
Flutningabíll ók með húsið frá Tún-
götu og niður Ægisgötu, en áætlað
er að húsið muni standa við Æg-
isgarð í allt að eitt ár á meðan unn-
ið er að því að finna því nýja lóð.
Árbæjarsafn hefur sýnt áhuga á
að fá húsið til sýningarhalds en
einnig munu vera til skoðunar ýms-
ar hugmyndir um að velja húsinu
stað nær miðborginni. Meðal ann-
ars hafa verið nefndir staðir við
Tryggvagötu, neðan við Naustið, í
Grófinni, á Alþingishúsreitnum og í
Ánanaustum í tengslum við gamla
Færeyska sjómannaheimilið, sem
stendur á lóð Landhelgisgæsl-
unnar. Einnig hefur verið rætt um
staðsetningu í Hljómskálagarði og í
Laugardal.
Fyrirtækið Minjavernd, í sam-
starfi við menningarmálanefnd
borgarinnar, annaðist flutning
hússins. Fjarlægja varð húsið af
lóðinni við Túngötu í samræmi við
dóm Hæstaréttar í deilumáli ÍR-
inga við kaþólska söfnuðinn í
Reykjavík.
INGI Karl Jóhannesson,
löggiltur dómtúlkur og
skjalaþýðandi og fyrrum
framkvæmdastjóri, lést á
heimili sínu í Reykjavík
aðfaranótt 25. mars, 72
ára að aldri.
Ingi Karl fæddist 11.
september 1928 í
Hvammi, Kaldrananes-
hreppi, Strandasýslu.
Foreldrar hans voru Jó-
hannes Jónsson, fræði-
maður, kennari og versl-
unarmaður m.m. á
Drangsnesi, og sambýlis-
kona hans, Elínbjörg Sigurðardóttir,
húsfreyja og verslunarmaður. Hann
ólst upp hjá móður sinni og seinni
manni hennar, Brynjólfi Ketilssyni,
bónda og síðar vélamanni í Reykjavík.
Ingi Karl kvæntist 16. janúar 1952
Corneliu Mariu Scheffelaar-Jóhann-
esson, húsfreyju og lyfjatækni í Haag,
Hollandi, og Reykjavík, d. 3. jan. 1980
í Reykjavík, og eignuðst þau fjögur
börn. Síðari kona Inga Karls, Margr-
ét J. Jóhannsdóttir verslunarmaður,
lifir mann sinn.
Eftir stúdentspróf frá MR árið
1950 stundaði Ingi háskólanám í bók-
menntum í Vín í Austurríki og síðar
enskunám í Leeds,
Englandi. Loks stund-
aði hann háskólanám í
ensku og bókmennt-
um í Leyden, Hol-
landi. Ingi starfaði fyr-
ir hollenska flug-
félagið KLM, en árið
1957 flutti hann ásamt
fjölskyldu til Reykja-
víkur. Á Íslandi starf-
aði hann m.a. hjá
ferðaskrifstofunni Or-
lofi og pólska sendi-
ráðinu. Síðar réðst
hann til Lýsis hf. og
starfaði hjá því fyrirtæki í fimmtán
ár, gerðist svo framkvæmdastjóri
Hjálparstofnunar þjóðkirkjunnar um
eins árs skeið. Síðan stofnaði hann
eigin fyrirtæki, Evrópuviðskipti hf.
og Netasöluna hf. Samhliða þessu
starfaði hann sem dómtúlkur og
skjalaþýðandi, þulur og þýðandi fyrir
sjónvarp, auk tungumálakennslu í
kvöldskólum.
Ingi Karl var lengi virkur félagi í
Amnesty International og einnig í
Kiwanis-hreyfingunni. Hann var í
stjórn Hollensk-íslenska félagsins og
átti einnig lengi sæti í stjórn Stranda-
mannafélagsins.
Andlát
INGI KARL
JÓHANNESSON
YFIRDÝRALÆKNIR hefur
ákveðið að losa um hömlur á inn-
flutningi gæludýra til landsins með
því að heimila undanþágur frá inn-
flutningsbanni frá fjórum löndum:
Noregi, Svíþjóð, Finnlandi og
Sviss. Halldór Runólfsson yfir-
dýralæknir sagði við Morgunblaðið
að ekki væri hægt að fullyrða að
öll gæludýr frá þessum löndum
fengju að koma til Íslands.
„Þessi lönd fluttu ekki inn dýr,
okkur vitanlega, á þeim tíma sem
gin- og klaufaveikin kom fyrst upp
í Bretlandi og síðan er liðið meira
en mánuður. Við teljum öruggt að í
þessum löndum sé ekki gin- og
klaufaveiki,“ sagði Halldór. Dan-
mörk kom ekki til greina varðandi
þessar undanþágur sökum sam-
skipta við ríki á meginlandi Evr-
ópu á borð við Holland, þar sem
gin- og klaufaveikitilfellum hefur
verið að fjölga. Síðast greindist
sjúkdómurinn á fimm býlum þar í
gær. Innflutningsbann á allar kjöt-
vörur og lifandi dýr var hert á
dögunum þegar yfirdýralæknir gaf
út auglýsingu um að engar und-
anþágur yrðu veittar frá innflutn-
ingi af þessu tagi til að varna því
að gin- og klaufaveiki berist til
landsins.
Halldór sagði að hert eftirlit
með innflutningi hefði komið illa
við gæludýraeigendur sem hugð-
ust flytjast eða koma til Íslands.
Flestir hefðu þó sýnt skilning á
viðbrögðum hérlendra stjórnvalda.
Embætti yfirdýralæknis hefur haft
í nógu að snúast að undanförnu við
að koma upplýsingum um gin- og
klaufaveiki á framfæri hér á landi,
einkum til ferðamanna og bænda.
Smitleiðir með
fuglum skoðaðar
Eins og Morgunblaðið greindi
frá nýlega fékk yfirdýralæknir
ekki heimild nefndar um veiðar
villtra dýra til að skjóta tíu álftir í
tilraunaskyni til þess að kanna
hvort þær bæru með sér smitefni
gin- og klaufaveikinnar frá Bret-
landi. Halldór sagði þessi mál til
frekari skoðunar en að ekki hefði
verið tekin ákvörðun um frekari
aðgerðir í þessum efnum.
Yfirdýralæknir hefur safnað
upplýsingum um mögulegar smit-
leiðir dýrasjúkdóma landa á milli
og m.a. fengið upplýsingar frá
Noregi um fuglasjúkdóm sem
barst þangað frá Bretlandi árið
1997, svokallaðan Newcastle-sjúk-
dóm. Með útilokunaraðferðum
töldu norskir vísindamenn að sjúk-
dómurinn hefði ekki borist til
landsins með öðrum hætti en fugl-
um og þá sjófuglum. Halldór sagði
þessar upplýsingar sýna að fuglar
geta borið með sér sjúkdóma landa
á milli þótt Newcastle-sjúkdómur-
inn sé ekki sambærilegur við gin-
og klaufaveikina.
Eftirlit með innflutningi á gæludýrum endurskoðað
Fjögur lönd fá und-
anþágu frá banni
GUÐNI Ágústsson landbún-
aðarráðherra sagðist á Alþingi í
gær vel geta hugsað sér að kyssa
háhyrninginn Keiko og segja síðan
farvel, Frans. Lét ráðherrann þessi
ummæli falla við mikinn hlátur al-
þingismanna eftir að Sigríður Jó-
hannesdóttir, Samfylkingunni,
gagnrýndi þá ákvörðun hans að
leyfa tilraunaeldi með lax í Kletts-
vík aðeins örfáum dögum áður en
tekið verður til afgreiðslu laga-
frumvarp um lax- og silungsveiði
þar sem kveðið er á um hvernig
skuli standa að leyfisveitingu til
laxeldis í sjókvíum hér við land.
Sagði hún skjóta skökku við að
meðan unnið væri að yfirferð frum-
varpsins hefði landbúnaðarráð-
herra afgreitt þrjár umsóknir með
jákvæðum hætti.
„Þetta kom þeim mun furðulegar
fyrir sjónir þar sem alþekkt er að í
þessari kví er í fleti fyrir hvalur
einn sem var ættleiddur hingað
með dýrlegum fögnuði fyrir fáein-
um árum og hefur hingað til ekki
viljað fara frá okkur þótt upp á
slíkt hafi verið boðið og er allt óráð-
ið með hans örlög,“ sagði Sigríður.
Guðni Ágústsson varðist fimlega
og lýsti aðstæðum þeim sem voru í
Klettsvík þegar hann tilkynnti
ákvörðun sína. „Þegar ég stóð
þarna á kassanum í Klettsvík og
fuglabjargið ómaði og þeir stóðu
þarna nokkrir við hliðina á mér
sagði ég þeim að sæi ég trýnið á
honum Keiko myndi ég kyssa á
honum trýnið og segja farvel,
Frans.“ Benti ráðherra á að Keiko
myndi halda á vit nýrra ævintýra
nú í sumar og ýmsar sérfræðistofn-
anir hefðu gefið jákvæða umsögn
um tilraunir með eldi á laxi í þeirri
miklu og góðu aðstöðu sem fyrir
hendi er í Klettsvík.
Sigríður sagðist ekki vera viss
um að koss hans dygði til þess að
Keiko hyrfi á braut. Svaraði Guðni
því þá til að alþekkt væri að Keiko
vantaði kvenkyns félaga og ein
besta leiðin til þess að losna við
hann væri að venja undir hann
kvenkynið og þá myndi hann sigla
hamingjusamur á brott.
Keiko kysstur og
farvel, Frans
98. fundur hefst á Alþingi í dag,
þriðjudag, kl. 13.30. Á dagskrá
fundarins eru:
1. Samningar um sölu á vöru milli
ríkja, stjtill., 429. mál, þskj. 690,
nál. 916. — Síðari umr.
2. Breyting á VII. viðauka við
EES-samninginn (starfs-
menntun), stjtill., 444. mál, þskj.
710, nál. 881. — Síðari umr.
3. Breyting á XI. viðauka við EES-
samninginn (fjarskiptaþjón-
usta), stjtill., 445. mál, þskj. 711,
nál. 882. — Síðari umr.
4. Breyting á XVIII. viðauka við
EES-samninginn (vinnuréttur),
stjtill., 446. mál, þskj. 712, nál.
915. — Síðari umr.
5. Samningur um öryggi starfs-
manna Sameinuðu þjóðanna,
stjtill., 498. mál, þskj. 785, nál.
917. — Síðari umr.
6. Samningur um opinber inn-
kaup, stjtill., 565. mál, þskj.
871, nál. 941. — Síðari umr.
7. Birting laga og stjórnvaldaer-
inda, stjfrv., 553. mál, þskj. 859.
— 1. umr.
8. Norðurlandasamningur um al-
þjóðleg einkamálarétt-
arákvæði, stjfrv., 554. mál, þskj.
860. — 1. umr.
9. Barnaverndarlög, stjfrv., 572.
mál, þskj. 884. — 1. umr.
10. Útsendir starfsmenn, stjfrv.,
573. mál, þskj. 885. — 1. umr.
11. Viðskiptabankar og sparisjóðir,
stjfrv., 567. mál, þskj. 873. —
Frh. 1. umr.
12. Vextir og verðtrygging, stjfrv.,
566. mál, þskj. 872. — 1. umr.
13. Viðskiptabankar og sparisjóðir,
stjfrv., 523. mál, þskj. 819. —
Frh. 1. umr.