Morgunblaðið - 27.03.2001, Side 15

AKUREYRI
MORGUNBLAÐIÐ ÞRIÐJUDAGUR 27. MARS 2001 15
VEÐURGUÐIRNIR er heiti á hóp
sem í eiga sæti á þriðja tug fyrir-
tækja á Akureyri en meginmarkmið
hans er að kynna Akureyri og það
sem bærinn hefur upp á að bjóða.
Ætlunin er að kynna ýmsa viðburði
norðan heiða fyrir íbúum annars
staðar á landinu og jafnvel einnig að
stuðla að því að boðið verði upp á
nýja viðburði sem laðað gæti fólk til
bæjarins.
Forsagan er sú að síðasta sumar
réðust 10 fyrirtæki í bænum í sam-
eiginlegt auglýsingaátak sem tengd-
ist veðurfari á Akureyri og var til-
gangurinn að vekja athygli á góðu
veðri og fá fólk til að heimsækja bæ-
inn. Almenn ánægja var með þetta
kynningarátak og því var ákveðið að
halda áfram á sömu braut og auka
heldur starfsemina. Nú eru sem fyrr
segir á þriðja tug fyrirtækja af ýmsu
tagi með í átakinu og hefur hópurinn
fengið nafnið Veðurguðirnir. Auk
fyrirtækjanna taka Akureyrarbær
og Atvinnuþróunarfélag Eyjafjarðar
þátt í verkefninu með fjárframlagi.
Byggja upp nýjan stórviðburð
til að laða að fólk
Meginverkefni hópsins verður að
auka straum ferðafólks til Akureyr-
ar og verður það gert í fyrsta lagi
með því að auglýsa góða veðrið í
bænum og í öðru lagi með því að
kynna ýmsa viðburði sem efnt er til á
Akureyri eða þá afþreyingu sem í
boði er. Loks er ætlunin að byggja
upp nýjan árlegan stórviðburð á
íþrótta- og eða menningarsviðinu
sem væntanlega mun laða að sér fjöl-
marga gesti á komandi árum. Bragi
Bergmann hjá Fremri, kynningar-
þjónustu, sagði að ýmsar hugmyndir
hefðu verið ræddar en fara þyrfti
betur yfir hvað vænlegast væri á því
sviði.
Til lengri tíma litið horfir hópur-
inn einnig til þess að kynna Akureyri
sem vænlegan kost til búsetu. Bent
var á það á fundi þar sem Veðurguð-
irnir kynntu áætlanir sínar að á Ak-
ureyri væri til staðar allt það sem
fólk sæktist eftir í nútímasamfélagi,
fjölbreytt atvinnulíf, góðir skólar á
öllum skólastigum, öflugt menning-
arlíf, heilsugæsla og sjúkrastofnanir
auk fjölbreyttra möguleika til úti-
vistar.
Á þriðja tug fyrirtækja mynda hópinn Veðurguðina
Markmiðið að kynna
kosti Akureyrar
Morgunblaðið/Kristján
Á fundinum þar sem stofnun
Veðurguðanna var kynnt. Krist-
inn Svanbergsson frá Mekka-
tölvulausnum og Steingrímur
Birgisson, framkvæmdastjóri
Hölds, við líkan af Hlíðarfjalli.
HEIMASÍÐA Dalvíkurbyggð-
ar var formlega opnuð föstu-
daginn 23. mars sl. Það var
bæjarritarinn í Dalvíkurbyggð,
Guðrún Pálína Jóhannsdóttir,
sem opnaði síðuna.
Stefán Hallgrímsson, starfs-
maður Nett á Akureyri, sá um
hönnun og uppsetningu síðunn-
ar í samráði við starfsmenn
Dalvíkurbyggðar.
Heimasíðunni er ætlað m.a.
það hlutverk að auðvelda íbú-
um og öðrum sem áhuga hafa á
eða þurfa að afla sér ýmissa
upplýsinga að sækja þær sem í
boði verða á síðunni, segir í
fréttatilkynningu.
Slóðin er: www. dalvik.is.
Dalvíkur-
byggð
opnar
heimasíðu
fimm
daga
vikunnar