Morgunblaðið - 27.03.2001, Qupperneq 18

VIÐSKIPTI
18 ÞRIÐJUDAGUR 27. MARS 2001 MORGUNBLAÐIÐ
Aðalfundur 2001
Aðalfundur Tryggingamiðstöðvarinnar hf. verður
haldinn miðvikudaginn 28. mars 2001 í Sunnusal,
Radisson SAS Saga Hótel, Reykjavík og hefst kl. 16:00.
Dagskrá
1. Venjuleg aðalfundarstörf samkvæmt
samþykktum félagsins.
2. Tillaga um heimild til kaupa á eigin
hlutabréfum.
3. Önnur mál, löglega upp borin.
Reikningar félagsins og tillögur liggja frammi á
aðalskrifstofu hluthöfum til sýnis en verða síðan
afhentir ásamt fundargögnum til hluthafa á fundarstað.
TRYGGINGA-
MIÐSTÖÐIN HF
VEGNA þess sem fram kom í
sunnudagsblaði Morgunblaðsins um
olíuviðskipti Flugleiða segir Guðjón
Arngrímsson, upplýsingafulltrúi hjá
Flugleiðum, að grundvallarstefna
Flugleiða sé sú að nota útboð til að
ná sem hagstæðustum innkaupum á
geymslu og flutningi eldsneytis og
það sé gert reglulega. „Þær aðstæð-
ur geta þó skapast á markaði þar
sem verðsveiflur eru jafnan nokkrar
að fyrirtækið telji það betri kost að
framlengja gildandi samninga eða
breyta þeim með öðrum hætti.“
Guðjón segir að Flugleiðir hafi
boðið út eldsneytiskaup um árabil.
Um tíu ára skeið, frá 1988 til 1998,
hafi félagið skipt við ESSÓ, lengst af
eftir útboð, en í árslok 1997 hafi
Skeljungur náð þessum viðskiptum í
útboði. Í fyrra hafi 30% magnsins,
nálægt 30 milljónum lítra, verið boð-
in út í þeim tilgangi að kanna mark-
aðinn, öll olíufélögin hafi boðið í og
Skeljungur átt lægsta tilboð. Það
verð sem með þessum aðferðum hafi
náðst hér á landi sé viðunandi að
mati félagsins í samanburði við verð
sem Flugleiðir greiði fyrir sömu
þjónustu á flugvöllum erlendis.
Þessi viðskipti með geymslu og
flutning séu síðan aðeins örlítill hluti
heildarviðskipta Flugleiða með elds-
neyti, þar sem verslað sé á heims-
markaði.
„Það er fráleitt að þessi viðskipti
séu afhent á silfurfati. Þvert á móti
njóta Flugleiðir þess að um þau er
hörð samkeppni.“
Tilboð Skeljungs hagstæðast
Kristinn Björnsson, forstjóri
Skeljungs, segir að árið 1998 hafi
Skeljungur verið lægstbjóðandi í
innflutning, geymslu og keyrslu á
flugsteinolíu til Keflavíkur. „Frá 1.
janúar 1999 nást síðan samningar á
milli Skeljungs og Flugleiða um allt
það magn er Flugleiðir þurfa að nota
í Keflavík. Sá samningur er síðan
endurnýjaður fyrir árið 2000.
Síðastliðið haust bjóða Flugleiðir
síðan út 30% af eldsneytisþörf sinni í
Keflavík. Það ár hafði flugsteinolía
hækkað um ca 70%, og einnig hafði
flutningskostnaður hækkað veru-
lega. Því var ljóst að verið gat að
Flugleiðir fengju lakara tilboð í elds-
neytið en samningur sá er í gildi var
kvað á um. Öll olíufélögin buðu í
þetta magn og var tilboð Skeljungs
hagstæðast. Einnig var það betra en
gildandi samningur. Á grundvelli
þess sömdu síðan Flugleiðir og
Skeljungur um allt magnið.“
Um viðskipti Skeljungs við ÚA
segir Kristinn að það sé ekki rétt að
Esso hafi um margra ára skeið verið
með viðskipti við ÚA á grundvelli út-
boðs. „Hið rétta er að ÚA hefur
aldrei farið í formlegt útboð með ol-
íuvörur. ÚA hefur hins vegar gert
óformlega verðkönnun á olíuvörum
og eldsneyti hjá olíufélögunum og á
grundvelli hennar hefur verið geng-
ið til samninga við eitthvert olíu-
félaganna.“
Kristinn segir að á meðan Akur-
eyrarbær var stærsti hluthafinn hafi
viðskiptin að langmestu eða öllu
leyti verið við Esso. Frá 1993 hafi
Skeljungur selt smurolíur og aðrar
rekstrarvörur til ÚA að undangeng-
inni óformlegri verðkönnun hjá ol-
íufélögunum.
„ÚA gerði óformlega verðkönnun
hjá olíufélögunum með eldsneyti á
skip sín árið 1991. Þá voru tvö skip
ÚA í viðskiptum við Skeljung. Nið-
urstaða forráðamanna ÚA var sú að
semja við ESSÓ og heldur ESSÓ
samningnum til ársloka 1994. Þá er
samið við Olís til tveggja ára með
sama hætti. Í janúar 1998 er síðan
aftur samið við ESSÓ og nú í janúar
2001 er samið við Skeljung.“
Guðbrandur Sigurðsson, fram-
kvæmdastjóri ÚA, segir að það sé
alveg rétt sem komi fram í grein
Morgunblaðsins að ÚA hafi fengið
mjög hagstætt tilboð frá Skeljungi í
þessi viðskipti. „Á grundvelli þess
ákváðum við að færa viðskipti okkar
til Skeljungs. Við töldum að við hefð-
um ekki fengið betra tilboð með út-
boði að þessu sinni.“ Guðbrandur
segir samninginn ekki hafa neitt for-
dæmisgildi og segi ekki til um
hvernig ÚA muni hátta þessum við-
skiptum í framtíðinni.
Olíuviðskipti Flugleiða við Skeljung
Viðskiptin ekki
afhent á silfurfati
BANKASTJÓRI Landsbanka Ís-
lands og forstjóri Íslandssíma skrif-
uðu í gær undir samning sem kveð-
ur á um að Landsbanki Íslands
færir öll símaviðskipti sín til Ís-
landssíma. Samningurinn er til
þriggja ára og áætlað verðmæti
hans á samningstímanum er nærri
200 milljónir króna, að því er fram
kemur í fréttatilkynningu frá Ís-
landssíma.
Samningurinn er einn sá stærsti
sem Íslandssími hefur gert um al-
hliða símaþjónustu fyrir fyrirtæki.
Auk fastlínusímaþjónustu felur
hann í sér að Landsbanki Íslands
kaupir farsímaþjónustu af Íslands-
síma og í fyrstu er um að ræða 200
farsímaáskriftir og síma sem fyr-
irtækið leigir af Íslandssíma. Þá er
samið um GPRS-þjónustu þannig
að starfsmenn bankans eru alltaf
tengdir við Netið. Þá hefur Íslands-
sími hafið tengingar og yfirfærslu
símaumferðar Landsbankans á
fastalínu inn á kerfi fyrirtækisins.
Þegar því verður lokið mun Ís-
landssími sjá um símaþjónustu að-
albanka og annarra starfsstöðva
Landsbankans á höfuðborgarsvæð-
inu og yfir 50 afgreiðslustaða bank-
ans um allt land. „Samningurinn
felur í sér lægri símagjöld á milli
starfsstöðva Landsbanka Íslands.
Hann felur einnig í sér lægri síma-
gjöld milli farsíma Íslandssíma og
loks lægstu símagjöld sem bjóðast
á markaði milli farsíma og fastl-
ínusíma innan fyrirtækisins,“ segir í
fréttatilkynningunni.
Meðal stórfyrirtækja og stofnana
sem flutt hafa fjarskipti sín til Ís-
landssíma eru Reykjavíkurborg,
Garðabær, Seltjarnarnes, VISA Ís-
land og Íslandspóstur.
Færir símaviðskipti
til Íslandssíma
BONUS Dollar Store-verslunarkeðj-
an, sem er að 70% í eigu Baugs hf.,
hefur gert kauptilboð í bandarísku
verslunarkeðjuna Bill’s Dollar Store.
Verði af kaupunum mun fyrirtækið
alls reka um 440 verslanir víðs vegar
um Bandaríkin og velta rúmum 26
milljörðum íslenskra króna. Þetta
kom fram á aðalfundi Baugs sem
haldinn var í gærdag. Jafnframt var
kynnt þar áætlun Baugs um að eign-
ast 20% eignarhlut eignarhalds-
félagsins A-Holding í bresku sérleyf-
iskeðjunni Arcadia.
Skráningu á Nasdaq frestað
Jim Schafer, meðeigandi Baugs í
Bonus Dollar Stores og forstjóri
félagsins, greindi frá því á fundinum
að félagið hefði gert tilboð um kaup á
bandarísku verslunarkeðjunni Bill’s
Dollar Stores. Keðja þessi hefur átt í
verulegum rekstrarerfiðleikum og
verið í greiðslustöðvun síðan í janúar
sl. Það skýrist í vikunni hvort tilboð-
inu verður tekið en annað tilboð hefur
verið gert í keðjuna og er það frá
stóru bandarísku fyrirtæki.
Bonus Dollar Stores reka í dag 18
verslanir á Flórída en verði af kaup-
unum á Bill’s munu umsvifin aukast
verulega, verslanirnar yrðu um 440
talsins og veltan næmi um 300 millj-
ónum dollara eða rúmum 26 milljörð-
um íslenskra króna.
Kaupin hefðu einnig í för með sér
frestun á skráningu fyrirtækisins á
Nasdaq Small Caps, en að óbreyttu er
áætlað að útboðsferli skráningarinn-
ar hefjist í apríl.
Baugur stærsti hluthafi Arcadia
Þá skýrði Jón Ásgeir Jóhannesson,
forstjóri Baugs, frá áætlunum félags-
ins um að auka hlut sinn í bresku sér-
leyfiskeðjunni Arcadia sem Baugur
hefur verið í samstarfi við um opnun
verslana á Norðurlöndum. Hann
sagði að Baugur hygðist eignast 20%
hlut eignarhaldsfélagsins A-Holding
SA í Arcadia og verða með því stærsti
einstaki hluthafinn í Arcadia en hlut-
hafar A-Holding eru Baugur, Kaup-
þing, Íslandsbanki-FBA, Gilding og
Gaumur.
Baugur hefur fengið, að sögn Jóns
Ásgeirs, heimild annarra hluthafa til
að kaupa öll bréf þeirra í A-Holding
og greiða fyrir að tveimur þriðju hlut-
um með hlutabréfum í Baugi en að
einum þriðja með yfirtöku skulda.
Hann sagði jafnframt að miðað yrði
við að gengi bréfanna í Baugi yrði við
uppítökuna á bilinu 12–13 og að hinir
nýju hluthafar mættu ekki selja stór-
an hluta bréfanna fyrr en að 12 mán-
uðum liðnum.
Endurskipulagning í
kjölfar rekstrarerfiðleika
Arcadia samanstendur af 1800 sér-
verslunum og 600 verslunum sem eru
reknar sem deildir inni í öðrum versl-
unum, s.s. Dorothy Perkins-kvenfata-
deildin í Hagkaupi í Kringlunni. Í dag
eru vörumerki Arcadia 13 talsins,
þ.á m. þekkt merki á borð við Burton,
Dorothy Perkins, Evans, TopShop og
Miss Selfridge.
Jón Ásgeir sagði Arcadia hafa
gengið í gegnum erfiðleika á síðustu
árum og í kjölfarið hefði það farið í
endurskipulagningu. Hann sagði nýj-
an og öflugan hóp stjórnenda hafa
tekið við stjórn fyrirtækisins sem
hefði reynslu af að snúa rekstri sem
þessum til betri vegar. Meðal annars
væri gert ráð fyrir að innan skamms
yrði tilkynnt um fækkun vörumerkja
fyrirtækisins, enda væri velta þeirra
mjög mismikil.
„Markaðsvirði félagsins var orðið
mjög lágt miðað við innra virði þess
og sáum við tækifæri í því. Auk þess
eru mörg vörumerkjanna þeirra mjög
sterk og við teljum að þau eigi heil-
mikið inni þegar farið hefur verið í
gegnum endurskipulagningu,“ sagði
Jón Ásgeir um áhuga Baugs á Arc-
adia og bætti við að þrátt fyrir rekstr-
arerfiðleika hefði fyrirtækið skilað
ágætum hagnaði fyrir skatta og af-
skriftir, EBITDA, eða um 13,5 millj-
örðum króna og áætlun fyrir árið
2001 hljóðaði upp á 17,5 milljarða
króna.
Hlutdeild Baugs rúmur
milljarður á næsta ári
Áætlaður hagnaður Arcadia á
árinu 2001 er 4,1 milljarður króna og
5,7 milljarðar árið 2002, sem þýðir að
hlutdeild Baugs yrði 820 milljónir
króna árið 2001 og færi í 1.140 millj-
ónir á árinu 2002. Arðgreiðslur yrðu
samkvæmt þessu 450 milljónir króna
fyrir árið 2001 og 700 milljónir fyrir
árið 2002.
Á móti þessi kæmu 200 milljóna
króna árlegar vaxtagreiðslur af yfir-
teknum skuldum A-Holding sem
nema um 2 milljörðum króna.
Jón Ásgeir fullyrti að kaup hlutar-
ins í Arcadia gætu styrkt efnahag
Baugs verulega, enda væri kaupverðið
mun lægra en bókfært verð fyrirtæk-
isins. Hann telur að með þessu skapist
sterkari grunnur fyrir starfsemi
Baugs á erlendum markaði og tæki-
færi á enn nánara samstarfi um upp-
byggingu á vörumerkjum Arcadia.
Hinn 5. apríl birtir Arcadia uppgjör
fyrir fyrri helming fjárhagsárs síns
og í kjölfarið mun stjórn Baugs taka
ákvörðun um hvort af kaupunum
verður. Til þess að af þeim gæti orðið
sóttist stjórn Baugs eftir heimild hlut-
hafa til aukningar hlutafjár félagsins
um allt að 500 milljónir króna að nafn-
verði og var heimildin veitt á aðal-
fundinum.
Morgunblaðið/Árni Sæberg
Jim Schafer, forstjóri Bonus Dollar Stores, greindi frá því á aðalfundi Baugs hf. að Bonus Dollar Stores, sem er
dótturfélag Baugs, hefði gert kauptilboð í verslunarkeðjuna Bill’s Dollar Stores.
Baugur í stórsókn
á erlenda markaði
Undirbýr kaup á auknum hlut í Arcadia auk kaupa á
bandarískri lágvöruverðsverslunarkeðju