Morgunblaðið - 03.05.2001, Qupperneq 8

FRÉTTIR
8 FIMMTUDAGUR 3. MAÍ 2001 MORGUNBLAÐIÐ
16. landsþing ITC
Þjálfun í
samskiptum
Á MORGUN hefstsextánda lands-þing ITC (Inter-
national training in comm-
unication) í félagsheimili
Kópavogs í Fannborg 2 í
Kópavogi. Þingsetning
verður klukkan 19 en þá
mun Guðrún Olgeirsson,
forseti landssamtakanna
ITC á Íslandi, setja þingið.
Þinginu verður fram haldið
á laugardag klukkan 9. Jó-
hanna Stefánsdóttir er for-
maður landsþingsnefndar
ITC og hefur ásamt nefnd-
inni, forseta og kjörforseta
undirbúið þingið. Hún var
spurð hvað ætti að fjalla
um þar?
„Á föstudagskvöldið fer
fram kynning þinggesta.
Heiðursgestur við þing-
setningu er Rannveig Guðmunds-
dóttir alþingismaður. Að kvöld-
verði loknum flytur frú Marjorie
Brokke, varaformaður 3. svæðis,
sem einnig er heiðursgestur
þingsins, fréttir frá alþjóðasam-
tökunum og svarar fyrirspurnum.
Þá fer fram ræðukeppni.“
– Hvert er markmið starfs ITC-
samtakanna?
„Að auka persónulegan þroska
og sjálfsöryggi, að bæta samskipti
og skilning manna á milli, að efla
skipulagshæfni og forystuhæfi-
leika og veita þjálfun í fundasköp-
um, tillöguflutningi og tímastjórn-
un. Einnig er markmiðið að veita
þjálfun í raddbeitingu, upplestri
og ræðumennsku. Þá er reynt að
efla orku sem býr í hópvinnu með-
al félaga og veita hæfnismat á unn-
in verkefni. Aðferðin sem notuð er
kalla hrós-leiðbeining-hrós – eða
hlh-aðferðin. Þess má geta að mik-
ið er lagt upp úr léttleika og gleði á
fundunum.“
– Eru margir félagar í ITC á Ís-
landi?
„Deildir á Íslandi eru nú 11 víða
um landið og félagar á bilinu 200
til 250 manns. Það var hugsjón
ungrar bandarískrar konu, Ern-
estine White, að stofna samtök
kvenna sem myndu efla frjálsar og
eðlilegar þjóðfélagsumræður með
það markmið að þjálfa konur til
forystu, þátttöku í ábyrgu þjóð-
félagsstarfi, ræðu og ritlist. Hug-
sjón hennar rættist þegar ITC-
samtökin voru stofnuð í Anaheim í
Kaliforníu árið 1938. Nú eru 13
landsþing haldin víðs vegar um
heiminn. Fyrir 27 árum tóku þessi
samtök til starfa á Íslandi og hétu
þá Málfreyjur en með jafnréttis-
lögunum 1985 var nafninu breytt í
ITC. Sjö karlmenn eru í samtök-
unum og starfa þeir allir í ITC-
deild Irpu í Grafarvogi
Á þinginu á laugardaginn verða
auk venjubundinna þingstarfa
mjög spennandi fyrirlestrar. Frú
Brooke mun annast svokallaða
PEP-fræðslu „Performance En-
hancement Program“, hún flytur
fyrirlestur um þjálfun til betri
frammistöðu. Fyrirlestur dr. Sig-
urlínu Davíðsdóttur heitir: Tilfinn-
ingagreind. Gamansemi í ræðu-
flutningi er fræðsla í
höndum ITC-félaganna
Ingibjargar Vigfús-
dóttur og Ásthildar
Sigurðardóttur. Að fyr-
irlestrunum loknum
verður farin óvissuferð.
Um kvöldið verður há-
tíðarkvöldverður og skemmtidag-
skrá. Þá verða úrslit úr ræðu-
keppni tilkynnt og útbreiðslu-
verðlaun afhent. Loks verður
innsetning nýrrar stjórnar. Edda
Halldórsdóttir flytur ávarp viðtak-
andi forseta. Lokaorð þingsins
flytur Guðrún Olgeirsdóttir, nú-
verandi forseti ITC á Íslandi.“
– Hver eru tengsl frú Marjorie
Brooke við íslensku samtökin?
„Hún er tengiliður okkar við
stjórn alþjóðasamtaka ITC. Hún
situr stjórnarfundi og ber þar upp
málefni og miðlar síðan upplýsing-
um í deildirnar, m.a. hingað. Að-
dragandinn að því að Brooke gekk
í ITC í Bretlandi var að vinnuveit-
andi hennar benti henni á að fá að-
stoð. Hún var hrædd við að tala á
fundum og annast kynningar.
Hann sagði að hún yrði að breyta
þessu. „Til allrar hamingju fann ég
ITC,“ sagði frú Brooke. „Og fékk
þar stuðning og hvatningu sem ég
þurfti til að yfirstíga óttann. – Ójá,
ég breyttist heldur betur.“
Nú eru sextán ár síðan Marjorie
Brooke gekk í ITC-samtökin. Hún
er sem fyrr sagði varaforseti 3.
svæðis sem spannar svæðið frá Ís-
landi til Suður-Afríku. Hún lauk
háskólanámi í ensku og bókmennt-
um og hefur áhuga á skapandi
skrifum. Hún hefur unnið alþjóð-
lega ljóðakeppni ITC í tvígang, ár-
in 1995 og 1998. Hún er í samtök-
um sem styðja og efla íþróttir í
háskólanum Cambridge. Einnig
starfar hún í samtökum kvenna
sem skipuleggja sérverkefni á
Netinu – þjálfunarhóps sem hvet-
ur konur til að ná lengra í sínu
fagi. Frú Brooke starfar nú sem
sérfræðingur í verkefnastjórnun
og rekur eigið ráðgjafarfyrirtæki.
Hún vinnur einnig að
skipulagningu tölvu-
verkefna fyrir breska
herinn. Áður vann hún
fyrir bandaríska olíu-
iðnaðinn í 15 ár og
starfaði þá í Bandaríkj-
unum, Noregi og á
Spáni. Marjorie Brokke segir:
„Fagleg vinna mín hefur beinst að
því að láta það rétta gerast á rétt-
um tíma.“
Að lokum vil ég geta þess að
stefna ITC er að skapa betri heim í
framtíðinni með því að þjálfa
menn í samskiptum og betri
stjórnun í dag.“
Jóhanna Stefánsdóttir
 Jóhanna Stefánsdóttir fæddist
í Reykjavík 1932. Hún lauk námi
í Kvennaskólanum í Reykjavík
1950 og prófi frá Hjúkrunar-
skóla Íslands 1964. Hún lauk
hjúkrunarkennaranámi 1979 og
sérfræðinámi í geðhjúkrun 1983.
Hún hefur starfað við hjúkrun
frá 1964 með hléum og frá 1985
sem hjúkrunarframkvæmda-
stjóri á geðdeild Landspíala. Hún
hefur tekið þátt í félagsmálum,
var í handknattleiksdeild KR í
mörg og hefur tekið þátt í starfi
ITC á Íslandi, nú er hún þing-
skapaleiðari í ITC-Fífu í Kópa-
vogi. Jóhanna er gift Óttari
Kjartanssyni, fyrrverandi deild-
arstjóra Skýrr, og eiga þau tvö
börn og eitt barnabarn.
Markmiðið er
að bæta
sjálfsöryggi
og skilning
manna á milli
Stjórnarandstöðuna langar að vita hvaða sólarolíu hæstvirtur
forsætisráðherra notar og hvað lím.
BIFREIÐ fór út af veginum
rétt við Ósvör í Bolungarvík á
þriðjudagskvöld og endaði á
hvolfi í vatnsrásinni ofan vegar-
ins. Tvær stúlkur voru í bifreið-
inni en sluppu án teljandi
meiðsla.
Að sögn lögreglunnar mun
ökumaðurinn hafa farið út af
bundna slitlaginu sjávarmegin
og misst við það vald á bifreið-
inni, þannig að hún fór yfir veg-
inn og út af honum að ofanverðu.
Í fyrstu bárust lögreglunni á
Ísafirði óljósar fregnir af slysi
einhvers staðar í Óshlíð og var
sjúkrabifreið þess vegna send á
staðinn.
Fór út af
við Ósvör
ÖRYGGISVÖRÐUR kom að
þremur innbrotsþjófum sem
voru að reyna að komast inn í
flutningabifreið sem stóð við
Bíldshöfða í Reykjavík í fyrri-
nótt. Tveir þeirra sluppu af
vettvangi áður en lögreglan
kom á staðinn. Sá þriðji var lát-
inn gista fangageymslur lög-
reglunnar.
Þá voru unnin skemmdar-
verk á bifreið í vesturbæ
Reykjavíkur þar sem rúður
voru brotnar og skorið á dekk
og ennfremur brotist inn í bif-
reið sem stóð við Skúlagötu.
Innbrot í
bifreiðir
STJÓRNENDUR Íslenskra mat-
væla við Hvaleyrarbraut í Hafn-
arfirði höfðu fengið frest til 1.
febrúar 2002 til að bæta úr eld-
vörnum í fyrirtækinu eftir skoðun
forvarnardeildar Slökkviliðs höfuð-
borgarsvæðisins. Hús Íslenskra
matvæla skemmdist í eldsvoða síð-
astliðinn föstudag og nemur tjón
allt að 100 milljónum króna.
Eldvarnir fyrirtækisins voru
skoðaðar í febrúar sl. og gerðar 10
kröfur um úrbætur. M.a. voru
gerðar athugasemdir við að reyk-
losunarbúnað vantaði í þak bygg-
ingarinnar. Þá var beðið um að
björgunaropi yrði komið fyrir í
glugga á skrifstofu að austanverðu.
Rannsókn á tildrögum brunans
er í höndum rannsóknardeildar
lögreglunnar í Hafnarfirði. Sam-
kvæmt upplýsingum þaðan er ekk-
ert sem bendir til íkveikju í hús-
inu.
Fengu frest til 1. febrúar 2002
til að bæta úr eldvörnum
Ekkert bendir til
íkveikju í Íslensk-
um matvælum