Morgunblaðið - 03.05.2001, Blaðsíða 13

FRÉTTIR
MORGUNBLAÐIÐ FIMMTUDAGUR 3. MAÍ 2001 13
KJARASAMNINGUR Félags há-
skólakennara felur í sér sambærilega
launahækkanir og fólust í kjarasamn-
ingi ríkisins og framhaldsskólakenn-
ara sem gerður var í byrjun þessa árs.
Hækkanirnar eru mismiklar en laun
þeirra sem mest fá hækka um tugi
prósenta. Meðaldagvinnulaun há-
skólakennara verða rúmlega 200 þús-
und á mánuði í upphafi samnings en
þau eru 180 þúsund í dag. Aukin
áhersla er lögð á virkni í rannsóknum
og hækka þeir mest sem eru afkasta-
miklir á sviði rannsókna.
Framhaldsskólakennarar sömdu
um 6,9% upphafshækkun en auk þess
var samið um 6,12% hækkun vegna
upptöku nýrrar námskrár. Raun-
veruleg upphafshækkun var því rúm-
lega 13%. Auk þess var samið um röð-
un í nýtt launakerfi og tilfærslu úr
yfirvinnu í dagvinnutaxta.
Í samningi háskólakennara eru að
nokkru leyti farnar svipaðar leiðir.
Fært er úr yfirvinnu í dagvinnu og
teknar eru upp nýjar skilgreiningar
og ný röðun á störfum fyrir einstaka
hópa félagsmanna sem færir þeim
umtalsverðar launahækkanir til við-
bótar við upphafshækkunina.
Samningurinn gerir ráð fyrir að frá
og með 1. apríl sl. hækki öll laun um
6,9% en til viðbótar hækka greiðslur
fyrir einstaka vinnuþætti, þ.e.
kennslu og rannsóknir.
Laun háskólakennara hafa miðast
við A, B, C og D-ramma. Samkvæmt
nýja samningnum er D-ramminn
felldur brott sem hefur í för með sér
ávinning fyrir allmarga. Að auki er
launabil milli flokka hærra í C-ramma
en í hinum römmunum tveimur. Mik-
ill meirihluti allra félagsmanna í
Félagi háskólakennara er í B og C-
ramma.
A-rammi hefur að geyma störf sem
ekki krefjast hæfisdóms. Í B-ramma
eru lektorar, sérfræðingar og fleiri og
í C-ramma eru dósentar og fleiri.
Samkvæmt launatöflu eru dagvinnu-
laun í A-ramma á bilinu 110–190 þús-
und krónur á mánuði. Laun í B-
ramma eru 141–255 þúsund á mánuði.
Dagvinnulaun í C-ramma eru 159–
334 þúsund á mánuði. Ofan á þessi
laun bætist 10% álag fyrir kennslu-
þáttinn sem er 57% af starfi háskóla-
kennara og álag fyrir rannsóknir sem
getur verið á bilinu 5–20%. Miðað við
10% álag á grunnkaup eru launatöl-
urnar í römmunum því á bilinu 120–
368 þúsund krónur á mánuði.
Tveggja mánaða
rannsóknarleyfi
Kjarasamningurinn hefur að
geyma það nýmæli að félagsmenn
eiga rétt á rannsóknar- eða endur-
menntunarleyfi í tvo mánuði á fjög-
urra ára fresti. Þeir sem það vilja geta
lengt leyfið um hálfan mánuð á ári
með því að fresta töku þess.
Greidd verða atkvæði um samning-
inn í næstu viku og er vonast eftir að
niðurstaða talningar liggi fyrir í lok
vikunnar.
Veruleg hækkun launa háskólakennara með nýjum kjarasamningi
Sambærileg hækkun
framhaldsskólakennara
ALÞJÓÐAÞING Saving the Children Alliance
er haldið í fyrsta sinn hér á landi dagana 1.–4.
maí. Á bilinu 70–80 manns sækja þingið frá 30
löndum en samtökin eru stærstu barnaréttar-
samtökin í heiminum. Framkvæmdastjóri al-
þjóðasamtakanna er Austurríkismaðurinn
Burkhard Gnärig.
„Börn, hvar sem þau eru og hvað sem for-
eldrar þeirra hafa gerst sekir um, þarfnast
verndar og umhyggju og það verður að virða
réttindi þeirra. Þessari hugsun hefur vaxið fisk-
ur um hrygg í áttatíu ára sögu alþjóðasamtak-
anna. Nú eru aðildarfélög í 30 löndum, þar á
meðal á Íslandi. Aðildarfélögin starfa í eigin
löndum en einnig á erlendum vettvangi. Alls
starfa þessi 30 aðildarfélög í um 120 löndum um
allan heim.
Starf okkar felst m.a. í því að veita götubörn-
um skjól og menntun, finna útgönguleiðir úr
vændi fyrir götubörn og hjálpa þeim að öðlast
eðlilegt líf á ný. Við reynum að ná stöðugleika í
fjölskyldulíf barna og vinnum með yfirvöldum á
hverjum stað að eflast að dáð svo þau geti ann-
ast börn sín. Við teljum ekki að Vestur-Evr-
ópubúar eigi að segja Afríkumönnum hvernig
þeir eigi að bregðast við. Við teljum að þeir viti
betur en að við getum stutt við bakið á þeim.
Vestur-Evrópubúar búa við efnahagslega vel-
sæld og samtökin hafa allt frá upphafi hvatt til
þess að efnameiri þjóðirnar deili auð sínum með
þeim fátækari. Samtökin hafa hvatt þær til að
annast sín eigin börn en jafnframt
börn annarra þjóða. Allar Norð-
urlandaþjóðirnar hafa þurft að
taka til í sínum eigin garði og stað-
reyndin er sú að ríkustu þjóðirnar
hafa ekki að öllu leyti staðið sig vel
að þessu leyti. Samtökin þurfa því
stöðugt einnig að minna ríkustu
þjóðirnar á skyldur sínar við börn-
in,“ segir Gnärig.
Hann segir að meginhluti starfs
samtakanna eigi sér engu að síður
stað í fátækum löndum þar sem
þjáningar eru miklar meðal barna
vegna stríðsástands eða náttúru-
hamfara. „Samtökin eru með að-
ildarfélög í öllum heimsálfum og
nauðsynlegt er að halda utan um
starfið á skipulegan hátt. Við höldum uppi mál-
stað þeirra á alheimsvísu hjá Sameinuðu þjóð-
unum, Alþjóðabankanum og öðrum alþjóðlegum
stofnunum. Við viljum tala einni röddu og bera
fram sterk skilaboð sameinaðs afls. Á hinn bóg-
inn þurfum við einnig að sjá til
þess að unnið sé að verkefnum hjá
aðildarfélögum í jafnólíkum lönd-
um og Íslandi, Máritíus og Kóreu.
Þarna er því um fjölbreytileg
verkefni að ræða og við verðum að
tryggja að aðildarfélögin séu
nægilega sjálfstæð og skapandi til
aðhrinda í framkvæmd nauðsyn-
legum úrbætum í þeirra eigin um-
hverfi. Það er ögrandi verkefni í
sjálfu sér að stjórna samtökum
sem eru í senn alþjóðleg en eru um
leið sveigjanleg og beina sjónum
að vandamálum einstakra þjóða.“
Fimm ára áætlun
Samtökin halda alþjóðaþing
einu sinni á ári og þetta er í fyrsta sinn sem
þingið er haldið hér á landi. Gnärig segir að
meginverkefni þessa alþjóðaþings sé gerð
fimmáraáætlunar samtakanna. Lykilatriðið í
áætluninni er stóraukin kynning á markmiðum
samtakanna á alþjóðlegum vettvangi og meiri
stuðningur við aðildarfélögin svo þau geti jafn-
framt fylgt fram sínum málum við stjórnvöld í
hverju landi fyrir sig. Gnärig bendir á að í sept-
ember næstkomandi verður haldin ráðstefna á
vegum Sameinuðu þjóðanna um stöðu og rétt-
indi barna. „Við viljum að fulltrúar íslensku
samtakanna gangi á fund sinnar ríkisstjórnar og
ræði t.a.m. undirbúning fyrir ráðstefnu SÞ í
haust. Við viljum að íslenska ríkisstjórnin, rétt
eins og allar aðrar ríkisstjórnir aðildarfélag-
anna, láti í sér heyra um réttindi barna og tryggi
að á Íslandi verði réttindi barna að fullu og öllu
virt.“
Annar liður fimmáraáætlunarinnar er sam-
ræming í neyðaraðstoð. Gnärig segir að til-
hneigingin sé sú að tíðni styrjalda sé að aukast
og sömuleiðis tíðni umhverfisslysa. „Við getum
ekki verið alls staðar en með því að snúa bökum
saman og með betri samræmingu getum við lát-
ið enn meira að okkur kveða. Við höfum það for-
skot að aðildarfélög okkar eru á flestum þeim
stöðum þar sem neyðarástand ríkir. Við getum
því sent neyðaraðstoð og neyðarbúnað á þessa
staði því uppbyggingin er til staðar.“
Fjárhagsáætlun aðildarfélaganna 30 er um
400 milljónir Bandaríkjadalir á ári. Fjármagnið
kemur úr ýmsum áttum. Félögin eru öll frjáls
félagasamtök en stór hluti fjármagnsins kemur
frá ríkisstjórnum aðildarfélaganna þótt stærsti
hlutinn sé í formi frjálsra framlaga almennings.
Alþjóðaþing stærstu barnaréttarsamtaka í heiminum haldið í fyrsta skipti á Íslandi
Starfsemi aðildar-
félaga í 120 löndum
Burkhard Gnarig
NÆTURVERÐI á Radisson SAS
Hótel Sögu tókst með samstarfsfólki
sínu að ráða niðurlögum elds sem
kviknaði í gluggatjöldum í hliðarsal
inn af Súlnasal hótelsins um klukkan
2 aðfaranótt miðvikudags. Eldsupp-
tök eru til rannsóknar hjá lögregl-
unni í Reykjavík og er grunur um
íkveikju. Allar slökkistöðvar höfuð-
borgarsvæðisins voru ræstar út
vegna tilkynningar um eldinn og
mætti slökkviliðsmönnum mikill
reykur úr innanverðum Súlnasaln-
um.
Jóni Gesti Ófeigssyni næturverði
hafði þá með snarræði tekist að
slökkva allan eld. Afskipti hans af
eldinum hófust er brunaboð bárust
frá Súlnasalnum og varð hann fljót-
lega var við reyk sem kom á móti
honum. Hann lét kalla á slökkvilið og
fór síðan inn í salinn. „Þegar ég kem
inn í hliðarsalinn sé ég að gardínurn-
ar standa í björtu báli,“ sagði Jón
Gestur. „Ég hljóp niður í gestamót-
töku og sótti þangað tvö slökkvitæki
og tæmdi úr þeim á eldinn. Síðan
tæmdi ég úr þriðja tækinu sem ég
sótti í eldhúsið. Í því komu þjónar
neðan úr Skrúð og sóttu með mér tvö
slökkvitæki til viðbótar úr eldhúsinu.
Við tæmdum úr þeim á eldinn og í
sameiningu tókst okkur að slökkva
hann.“
Ekkert var um að vera í salnum
þegar eldurinn kom upp. Að loknu
slökkvistarfi Jóns Gests og þjónanna
komu lögregla og slökkvilið á vett-
vang. Jón Gestur var sendur í athug-
un á sjúkrahús vegna hugsanlegrar
reykeitrunar en ekkert amaði að
honum. Hann er 26 ára gamall og
hefur unnið á hótelinu síðan hann
var unglingur.
400 gestir ekki taldir í hættu
Að sögn Hrannar Greipsdóttur
hótelstjóra stafaði hótelgestum, sem
voru 400, ekki hætta af eldinum þótt
hann væri tekinn mjög alvarlega.
„Þegar brunaboð bárust upp á
hæðir kom fólk niður í gestamóttöku
eða hringdi,“ sagði Hrönn. „Við
rýmdum herbergin á neðstu hæðun-
um en 10–15 mínútum seinna gaf
slökkviliðið grænt ljós á að það fólk
færi aftur upp á herbergi. Þannig að
sem betur fer var truflun sem gestir
urðu fyrir lítil þó að það sé alltaf
skelfilegt að fá svona um miðja nótt.
Starfsfólkið stóð sig alveg sérstak-
lega vel og þau hafa komið sér vel
eldvarnarnámskeiðin og neyðarnám-
skeiðin. Starfsfólkið tók vel á móti
öllum gestunum sem komu niður,
bauð þeim upp á kaffi og djús. Það
greip engin hræðsla um sig og
slökkviliðið stóð sig líka alveg frá-
bærlega í því að hjálpa gestum upp á
herbergi aftur og róa alla niður.
Þá má segja að eldvarnir hótelsins
virkuðu mjög vel, það fór eiginlega
allt eins og átti að gera. Viðvörunar-
kerfi kviknaði fyrst niðri í gestamót-
töku og þá fór næturvörður upp og
sá að kviknað var í. Eftir smátíma,
eina til eina og hálfa mínútu, fóru svo
viðvörunarbjöllur í gang á öllum
hæðum og alls staðar í húsinu. Á
þeim tíma náði næturvörðurinn að
biðja gestamóttöku að hringja á
slökkviliðið og slökkva eldinn.“
Næturverði á Hótel Sögu tókst að afstýra stórbruna í fyrrinótt
Tæmdi úr fimm
slökkvitækjum
Morgunblaðið/Kristinn
Salnum inn af Súlnasalnum verður lokað á meðan viðgerðir fara fram.
Á myndinni er Sigurður Jónsson við vinnu sína í gær.
HINRIK Þór Sigurðsson úr Hafn-
arfirði sigraði í keppninni um Morg-
unblaðsskeifuna á Hólum og hlaut
hann 9,17 í einkunn, sem líklega er
hæsta einkunn sem nemandi hefur
náð til þessa í skeifukeppni á Hólum.
Hann gerði gott betur því auk þessa
hlaut hann ásetuverðlaun Félags
tamningamanna. Þá kórónaði hann
sigur sinn í skeifukeppninni með því
að sigra í fjórgangi, síðasta verklega
prófinu af sjö sem reiknuð eru til
stiga í keppninni en auk þess eru tvö
bókleg próf tekin með inn í dæmið.
Heimir Gunnarsson frá Akureyri
varð annar með 8,54 og Ragnheiður
Þorvaldsdóttir þriðja með 8,32 en
danska stúlkan Bertha Elise Krist-
iansen hlaut Eiðfaxabikarinn sem
veittur er fyrir best hirta hestinn.
Athygli vakti hversu atkvæða-
miklir piltarnir voru en síðustu árin
hafa stúlkurnar að heita má einokað
efstu sætin á flestum sviðum og þar á
meðal skeifukeppnina sjálfa.
Morgunblaðið/Valdimar Kristinsson
Hinrik Þór
með met-
einkunn
Skeifukeppnin á Hólum
♦ ♦ ♦
SAMTÖK atvinnulífsins hafa beint
þeim tilmælum til aðildarfyrirtækja
að ráða ekki verkfallsmenn til starfa,
þar sem félagsmönnum sé óheimilt
að ráða til sín launþega í verkfalli eða
verkbanni. Þeir sem hafa ráðið verk-
fallsmenn til vinnu eru hvattir til að
láta þá hætta störfum. Samtökin
segja fregnir hafi borist af því að sjó-
menn í verkfalli hafi ráðið sig til ann-
arra starfa og hafi þannig getað aflað
sér tekna í verkfallinu á sama tíma
og útgerðirnar eru tekjulausar
vegna verkfallsins.
Fyrirtæki ráði
ekki fólk í verk-
falli til starfa