Morgunblaðið - 29.05.2001, Síða 23

VIÐSKIPTI
MORGUNBLAÐIÐ ÞRIÐJUDAGUR 29. MAÍ 2001 23
HREIN erlend verðbréfakaup í apríl námu 1,1
milljarði króna en voru 5,7 milljarðar króna í apríl
í fyrra. Kaup á erlendum verðbréfum námu námu
um 7,6 milljörðum króna og sala/innlausn um 6,6
milljörðum. Í apríl í fyrra voru kaup á erlendum
verðbréfum töluvert hærri, eða um 9,3 milljarðar
króna, en þá nam sala/innlausn um 3,8 milljörðum
króna. Það sem af er árinu nema hrein erlend við-
skipti 5,7 milljörðum króna en voru 21,4 milljarðar
króna á sama tímabili í fyrra.
Í ½5 fréttum Búnaðarbankans í gær kemur
fram að meginskýringin á þessum umskiptum sé
sú að nettókaup á hlutdeildarskírteinum í erlend-
um verðbréfasjóðum hafi dregist verulega saman.
Í apríl í fyrra námu hrein viðskipti með verðbréf
um 4,9 milljörðum króna en voru um 0,6 milljarðar
króna nú í apríl.
Heildarviðskipti með hlutdeildarskírteini í verð-
bréfasjóðum hafa dregist saman milli ára, eða úr
6,0 milljörðum króna í apríl í fyrra í 2,3 milljarða
króna í apríl á þessu ári. Viðskipti með hlutabréf
hafa hins vegar aukist, en velta þeirra viðskipta
nam um 6,7 milljörðum króna í apríl 2000 en var
nú um 11,9 milljarðar króna. Í ½5 fréttum Bún-
aðarbankans segir að ástæða þess sé trúlega sú að
kauptækifæri hafi skapast á erlendum hlutafjár-
mörkuðum eftir lækkanir síðustu mánaða.
„Mikil sala/innlausn á hlutabréfum erlendra
fyrirtækja helst þó í hendur við kvika markaði, en
sem dæmi um það má nefna að Nasdaq-vísitalan
náði í byrjun apríl sínu lægsta gildi síðan 1998 en
hafði í lok mánaðarins hækkað um rúmlega 30%
frá botngildinu. Gengi íslensku krónunnar féll
verulega í aprílmánuði eða um 6,3% sem hefur lík-
ast til haft einhver áhrif á viðskipti með erlend
verðbréf,“ segir í ½5 fréttum Búnaðarbankans.
Hrein erlend verðbréfa-
kaup dragast saman
STUTTFRÉTTIR
● Bresku læknasamtökin telja að
gera þurfi rannsóknir á því hvort
SMS-textaskilaboð úr farsíma
kunni að valda heilsutjóni, ekki síst
meðal barna. Samtökin benda á í
nýlegri skýrslu að símarnir séu oft-
ast geymdir í mittishæð og geislun
af völdum símanna gæti haft mis-
munandi áhrif eftir því hvaða lík-
amshlutar eru næstir símanum.
Haft er eftir talsmanni samtak-
anna á fréttavef BBC að gera þurfi
frekari rannsóknir á því hvaða áhrif
SMS-skilaboðin geti haft á líffæri,
eins og æxlunarfæri og nýru. Tals-
maðurinn sagði að börn og ungling-
ar gætu einkum orðið fyrir heilsu-
tjóni vegna útvarpsbylgna frá
GSM-símum enda nýttu þau SMS-
skilaboð meira og til lengri tíma
heldur en fullorðnir. Hafa samtökin
hvatt GSM-notendur til þess að
hafa slökkt á símum þegar þeir eru
ekki í notkun og takmarka lengd
símtala til þess að komast hjá
hugsanlegu heilsutjóni.
Breska heilbrigðisráðuneytið hef-
ur lofað einum milljarði ísl. króna í
rannsóknir á hugsanlegum skaða
farsíma á notendur þeirra. Talið er
að um 40 milljónir manna noti far-
síma á Bretlandseyjum og er áætl-
að að um 900 milljón textaskila-
boð hafi verið send milli far-
símanotenda í Bretlandi í janúar á
þessu ári.
Rannsóknir á
áhrifum SMS
● LÍNA.NET hefur gert samning við
BreezeCOM, fyrirtæki sem sérhæf-
ir sig í þráðlausum lausnum, um
stækkun á burðarkerfi Loftlínunnar
og mun stækkunin hefjast næstu
daga. Loftlína Línu.Nets er þráð-
laus sítenging við Internetið fyrir
fyrirtæki og einstaklinga.
Ákveðið hefur verið að fara út í
þessa stækkun vegna mikillar eft-
irspurnar eftir Loftlínu Línu.Nets,
að því er fram kemur í frétta-
tilkynningu frá fyrirtækinu. Icecom,
þjónustuaðili Línu.Nets á Loftlín-
unni, mun annast uppsetningu og
stækkun kerfisins.
Dreifisendar Loftlínunnar á höf-
uðborgarsvæðinu eru nú á sex
stöðum í borginni og munu þeir
verða styrktir verulega með stækk-
uninni, sem mun leiða til enn
meiri afkasta í kerfi Loftlínunnar.
Auk stækkunarinnar verður gerð
hugbúnaðaruppfærsla sem gerir
Loftlínunni kleift að flytja hágæða
IP-símtöl yfir kerfið.
Loftlínan er í boði á höfuðborg-
arsvæðinu, Akureyri, Selfossi og í
Hveragerði.
Burðarkerfi Loft-
línu stækkað
● HEILDARKOSTNAÐUR Landsvirkj-
unar af Vatnsfellsvirkjun, sem verð-
ur tilbúin í haust, er 6,7 milljarðar
króna. Þar af er verktakakostnaður
allra verktaka 5,5 milljarðar króna en
1,2 milljarðar eru vegna vinnu Lands-
virkjunar, þ.á m. vegna hönnunar.
Meðal stærstu verktaka sem
komu að verkinu eru annars vegar Ís-
lenskir aðalverktakar hf., sem sjá
um byggingu stíflu, inntaks og stöðv-
arhúss. Hins vegar eru þrjú erlend
fyrirtæki. Kanadíska fyrirtækið GE
Hydro og hið franska Clemessy sjá í
sameiningu um framleiðslu og upp-
setningu á vél- og rafbúnaði virkj-
unarinnar. Þá er franska fyrirtækið
Alstom Hydro með framleiðslu og
uppsetningu á stállokum og fall-
pípum.
Framkvæmdir hófust við Vatns-
fellsvirkjun sumarið 1999 að und-
angengnum útboðum. Áformað er að
stöðin verði um 90 MW að afli. Fall-
hæðin verður 65 metrar. Með til-
komu virkjunarinnar mun orkugeta
raforkukerfisins aukast um 430
GWst á ári.
Vatnsfellsvirkjun
kostar 6,7 millj-
arða króna