Morgunblaðið - 26.06.2001, Síða 12

FRÉTTIR
12 ÞRIÐJUDAGUR 26. JÚNÍ 2001 MORGUNBLAÐIÐ
LÁTINN er í Reykja-
vík Þorsteinn Guð-
mundsson fv. prentari,
78 ára gamall. Hann
var fæddur 13. maí
1923, sonur Guðmundar
Matthíassonar verk-
stjóra og konu hans
Sigurrósar Þorsteins-
dóttur, Lindargötu 23 í
Reykjavík, og andaðist
eftir nokkurra daga
meðferð á Landsspítal-
anum 19. júní sl. Hann
kvæntist Margréti Jón-
asdóttur árið 1945 og
lifir hún mann sinn.
Þorsteinn hóf prent-
nám hjá Ísafoldar-
prentsmiðju árið 1942 og starfaði við
hana sem setjari fram til 1954, m.a.
að Morgunblaðinu. Það ár fluttist
hann til Winnipeg þar sem falast var
eftir honum til prentverks við ís-
lensku blöðin, en starf hans varð þó
aðallega við Winnipeg Tribune til
1956. Ætluð heimför
fjölskyldunnar lá um
Bandaríkin í kynnis-
för, en þá bauðst hon-
um starf á Los Ange-
les-svæðinu, sem var
lengst af eða í rúma
þrjá áratugi hjá South
Bay Daily Breeze
fram til 1988. Vann
hann sig þar í gegnum
allar tæknibreytingar
til tölvusetningar og
filmuskeytingar og
endaði sem verkstjóri
í stórum vinnusal.
Þau hjónin leituðu
uppruna síns og fluttu
heim árið 1995, og
hafa síðan búið á Þorragötu 9 í
Reykjavík. Börn þeirra hafa hins
vegar öll fest rætur í heimkynnum
sínum vestra, en þau eru: Haraldur,
f. 1946; Sigurrós, f. 1948; Hilmar
Páll, f. 1954 og Erick Þorsteinn, f.
1964.
Andlát
ÞORSTEINN
GUÐMUNDSSON
Þorsteinn
Guðmundsson
ÞANN 1. júlí næstkomandi mun
Blóðbankinn taka upp breytt rekstr-
arform. Magnús Pétursson, forstjóri
Landspítala – háskólasjúkrahúss,
segir að aðalbreytingin á rekstrar-
formi Blóðbankans sé falin í því að
Blóðbankinn muni starfa samkvæmt
gjaldskrá. „Blóðbankinn mun afla
tekna með útseldri vinnu og þjón-
ustu. Þá mun hann halda ársfundi,“
segir Magnús og bætir við að um-
ræddar breytingar muni engin áhrif
hafa á blóðgjafa.
Aðspurður hvers vegna ákveðið
hafi verið að breyta rekstrarforminu
segir hann að Blóðbankinn hafi verið
talinn heppileg tilraun til mynda af-
markaða einingu en gat þess þó að
hann væri engu að síður hluti af spít-
alanum.
Kostnaður um 2% af
rekstri Landspítala –
háskólasjúkrahúss
Að sögn Sveins Guðmundssonar,
yfirlæknis Blóðbankans, hefur verið
samhljómur bæði hjá stjórnendum
Blóðbankans og Landspítala – há-
skólasjúkrahúss að Blóðbankinn
starfi áfram undir regnhlíf spítalans
og er talið að stofnanirnar fái styrk af
því samstarfi. „Þjónusta Blóðbank-
ans er borguð af almannafé og sam-
kvæmt þeim greiningum sem við höf-
um verið að gera á kostnaði
starfseminnar má segja að hún kosti
milli 300 og 400 milljónir á ári og sé
þannig um 2% af rekstri spítalans.
Ekki er reyndar búið að kostnaðar-
greina þá þjónustu sem við kaupum
innanhúss eins og það að við leigjum
húsnæði af sjúkrahúsinu, kaupum
þjónustu fjármála- og starfsmanna-
deildar auk tölvuþjónustu en kostn-
aðargreining þessara þátta hlýtur að
vera á næsta leiti. Að öðru leyti er bú-
ið að kostnaðargreina alla þætti hjá
okkur og okkur finnst þetta vera
skref í þá átt að við getum séð hver
raunkostnaður starfseminnar er en
það skiptir miklu máli í dag. Kostn-
aðurinn verður þannig mjög opinn og
gegnsær fyrir okkur sem erum
ábyrg fyrir starfseminni, fyrir
stjórnendur spítalans og almenning.
Það mun því myndast aukin innsýn í
raunkostnað,“ segir Sveinn. Þá mun
þetta rekstrarform líka að sögn hans
sýna fram á það hvort Blóðbankinn
nær árangri í starfi í sinni þjónustu.
Fjarri því að vera skref í átt að
einkavæðingu starfseminnar
Með breyttu rekstarformi verður
einnig sú nýbreytni að sett verður
fram ráðgjafastjórn en markmið
hennar verður að gera Blóðbankann
eins og áður segir opnari og gegn-
særri. „Við setjum okkur alþjóðleg
viðmið og hlustum eftir því hvað heil-
brigðisyfirvöld og almenningur vilja
að við veitum góða þjónustu. Góð
þjónusta kostar sitt og við viljum
gera það opinbert hvernig við náum
okkar góða árangri. Nauðsynleg for-
senda þessa er alþjóðleg gæðavottun
sem Blóðbankinn fékk í mars árið
2000 og er gæðakerfið mikilvægur
hornsteinn þess að geta farið út í
svona tilraun af einhverju viti. Með
því er tryggt að gæði og öryggi þjón-
ustunnar verði höfð í öndvegi eftir
þessa breytingu, líkt og áður hefur
verið. Við teljum að þetta sé líka til-
raun á nýbreytni sem getur haft þýð-
ingu sem fyrirmynd annars staðar í
ríkisrekstri.“
Aðspurður segir Sveinn það fyr-
irsjáanlegt að þjónusta Blóðbankans
verði dýrari með árunum þar sem
margt í umhverfinu krefjist aukinnar
vinnslu og varúðarráðstafana. „Þá
skiptir máli fyrir fjárveitingarvald og
almenning að það sé gegnsætt kerfi
sem hægt sé að fylgjast vel með
þannig að ef blóðbankaþjónustan er
farin að krefjast meiri skattpeninga
við reksturinn þá sé þeim vel varið.
Eitt mikilvægasta mál Blóðbankans
á næstu misserum verður að leysa
mikinn húsnæðisvanda okkar og með
þessari breytingu getum við sýnt
fólki fram á hvað það kostar að reka
þjónustu Blóðbankans í viðunandi
húsnæði en það vantar mikið upp á í
dag. Þetta mun því hjálpa okkur
finna úræði.“
Að sögn Sveins er rekstrarformið
fjarri því að vera nokkurt skref í átt
að einkavæðingu starfseminnar enda
óumdeilt að blóðbankaþjónustan
verði áfram ríkisrekin og ekki rekin
sem fyrirtæki í hagnaðarskyni held-
ur skilvirk ávöxtun á dýrmætri gjöf
blóðgjafanna í þágu sjúklinga og al-
mennings. „Hins vegar mun verða
leitað eftir stuðningi einkafyrirtækja
um sameiginleg áhugamál, t.d. við
kynningu starfseminnar, fræðslu um
nauðsyn blóðgjafa og tilteknar nýj-
ungar í þjónustu, s.s. nýjan blóðsöfn-
unarbíl sem brátt verður tekinn í
notkun. Um þessa þætti getur skap-
ast sameiginlegur hagur Blóðbank-
ans og einkafyrirtækja til að styrkja
starfsemina í þágu almennings.“
Breytt rekstrarform Blóðbankans
Gefur aukna inn-
sýn í raunkostnað
SÍÐASTLIÐIN tvö ár hefur sann-
kallað golfæði staðið yfir í Eyjum.
Golfskóli fyrir krakka hefur verið
starfræktur þarna í ein ellefu ár.
Skólinn fór að vísu rólega af stað en
það hefur heldur betur ræst úr því
og nýtur golfið aukinna vinsælda.
Til að mynda voru 65 krakkar í skól-
anum í fyrra en 95 í ár. Krakkarnir í
skólanum eru frá 7 til 14 ára aldurs
og er skólinn alla daga vikunnar allt
sumarið. Leiðbeinendur eru fjórir
en svo hjálpa eldri krakkar til sem
eru orðnir sleipir í íþróttinni.
Golfævintýrið er síðan fyrstu vik-
una í júlí en þá koma krakkar ofan
af landi til Eyja. Krakkarnir spila
golf, keppa í þrautum og fara í ýms-
ar ævintýraferðir.
Morgunblaðið/Sigurgeir
Krakkarnir í golfskólanum raða sér upp fyrir framan golfskálann.
Golfæði
í Eyjum
FRAMKVÆMDIR við Norður-suð-
ur braut á Reykjavíkurflugvelli
ganga samkvæmt áætlun, en gert
er ráð fyrir að brautin verði tekin í
notkun í heild sinni þann 1. októ-
ber.
Malbikun á suðurhluta brautar-
innar er langt komin, að sögn Auð-
ar Eyvinds, verkefnastjóra fram-
kvæmdanna, en vinna þar hófst í
febrúar. Búið er að malbika neðra
lagið og er nú verið að vinna í efra
laginu, en flugbrautir eru í tveimur
lögum.
Gert er ráð fyrir að malbikun á
suðurhluta brautarinnar verði lokið
þann 7. júlí og verður suðurhlutinn,
sem er 1.000 metra langur, þá tek-
inn í notkun fyrir minni flugvélar.
Brautin verður alls 1.750 metra
löng.
Framkvæmdir við norðurendann
hófust stuttu eftir páska og verður
hafist handa við malbikun þar þeg-
ar suðurhlutinn er tilbúinn.
Samhliða malbikun er unnið að
lagnakerfum. Undir flugbrautinni
er tvöfalt rafmagnskerfi, bæði aðal-
og varakerfi, fyrir ljós meðfram
brautinni. Einnig er regnvatnskerfi
við brautina til að koma í veg fyrir
að pollar myndist. Brautin hallar út
frá miðju til beggja átta, þar eru
lagnir sem taka við rigningarvatni
og beina vatninu síðan í farveg neð-
anjarðar.
Kostnaður rúmir
1,5 milljarðar
Ístak hefur umsjón með verkinu
og er heildarkostnaður verkefnisins
áætlaður um 1.520 milljónir króna.
Í samningnum eru verðlagsákvæði,
þannig að heildarkostnaður verður
meiri þegar búið er að reikna út
áhrif verðbólgu á framkvæmdatím-
anum.
Aðeins austur-vestur braut flug-
vallarins er nú opin, en hún var lag-
færð árið 2000. Heimir Már Pét-
ursson, upplýsingafulltrúi
Flugmálastjórnar, segir að vel hafi
gengið að hafa bara eina braut
opna og að litlar truflanir hafi orðið
á áætlunarflugi. Æskilegt er að
flugvélar lendi á móti vindi og þarf
hliðarvindur að fara upp í 15 hnúta
til að flugi sé aflýst.
Framkvæmdir við Norður-suður braut
á Reykjavíkurflugvelli á áætlun
Malbikun
langt komin
BJÖRN Bjarnason menntamála-
ráðherra hefur skipað Hörð Ó.
Helgason í embætti skólameistara
Fjölbrautaskóla Vesturlands á
Akranesi til fimm ára og tók hann
við embættinu 15. júní sl.
Tvær umsóknir bárust um stöð-
una og mælti skólanefnd skólans
einróma með því í umsögn sinni til
menntamálaráðherra að Herði yrði
veitt embættið. Hann tekur við
embættinu af Þóri Ólafssyni, sem
hefur verið ráðinn til menntamála-
ráðuneytisins. Þórir hefur verið
skólamneistari frá árinu 1984 og
þar áður kennari við skólann frá
stofnun hans 1977. Þórir braut-
skráði 1590 nemendur. Í hans tíð
sem skólameistari óx og dafnaði
skólinn mjög.
Hörður Ó. Helgason hefur verið
kennari við Fjölbrautaskóla Vest-
urlands frá árinu 1980 og aðstoð-
arskólameistari þar frá árinu 1996.
Hann lauk kennaraprófi frá Kenn-
araháskóla Íslands, BA-prófi í
dönsku og ensku frá Háskóla Ís-
lands og uppeldis- og kennslufræði
frá Kennaraháskóla Íslands. Þá
hefur Hörður starfað mikið að
íþróttamálum á Akranesi. Hann
var leikmaður ÍA í knattspyrnu og
síðar þjálfari meistaraflokks. Hann
er nú formaður Knattspyrnufélags
ÍA. Kona Harðar er Sigrún Sig-
urðardóttir og eiga þau tvo syni.
Nýr skólameist-
ari Fjölbrauta-
skóla Vesturlands
Akranes
Þórir Ólafsson, fráfarandi skólameistari til vinstri, óskar Herði Ó.
Helgasyni til hamingju með nýja starfið.