Morgunblaðið - 26.06.2001, Side 17

SUÐURNES
MORGUNBLAÐIÐ ÞRIÐJUDAGUR 26. JÚNÍ 2001 17
Þar sem garðáhöldin fást
BÆJARRÁÐI hafa borist erindi frá
nokkrum áhyggjufullum foreldrum
barna sem þurfa að hefja nám í
Myllubakkaskóla í stað Heiðarskóla,
samkvæmt nýsamþykktum breyt-
ingum á skólahverfum í bænum. Í
erindum foreldranna kemur m.a.
fram að þeir hafi sérstaklega haft í
huga staðsetningu Heiðarskóla þeg-
ar húsnæði var keypt og með breyt-
ingunum sé verið að senda börnin í
annan skóla frá vinum sínum. Þarna
er einkum um að ræða börn sem búa
við Heiðargarð, sem er steinsnar frá
Heiðarskóla, en þurfa samkvæmt
skiptingu skólahverfa að ganga tölu-
verðan spöl yfir í Myllubakkaskóla.
Móðir sex ára drengs, sem býr við
Heiðargarð, segir hann hafa verið
farinn að hlakka til að ganga í Heið-
arskóla og þau hafi þegar æft hann í
að ganga í skólann. Það hafi tekið
rúma mínútu á hans hraða en hins
vegar taki það hann rúman hálftíma
að ganga í Myllubakkskóla. Þau
hjónin keyptu hús við Heiðargarð
fyrst og fremst vegna nálægðar við
skólann til þess að stutt yrði fyrir
börnin að ganga þangað og hægt
væri að fylgjast með þeim á leiðinni.
Þá segir móðir drengsins að besti
vinur hans búi í næsta húsi handan
Vesturgötunnar og þeir hafi verið
orðnir spenntir að fara saman í skól-
ann.
Börnin ekki leikföng sem færa
má til eftir hentisemi
Önnur móðir við Heiðargarð tekur
í svipaðan streng vegna dóttur sinn-
ar sem á að hefja skólagöngu í haust.
Hún segist hafa fjárfest sérstaklega
í dýrara húsnæði til að vera nálægt
Heiðarskóla þar sem dóttir hennar
nyti einnig nálægðar við ömmu sína
og afa, og fer fram á að stúlkan fái að
ganga í Heiðarskóla.
„Stendur ekki einhvers staðar að
barn eigi að ganga í skóla sem er
næst heimili þess, það er Heiðar-
skóli. Að hverju er verið að hverfa-
skipta Reykjanesbæ ef hann er alls
ekki tilbúinn í það? Kaupum kálfa
(skólastofur) og hugsum um velferð
barna okkar. Þau eru ekki leikföng
sem við færum bara til þegar það
hentar hverju sinni,“ segir í erindinu
til bæjarráðs.
Foreldrar annarrar sex ára telpu
við Heiðargarð hafa jafnframt óskað
eftir að þeirra barn fái að ganga í
Heiðarskóla í stað Myllubakkaskóla
og segjast ráðalaus gangi það ekki
eftir. Jafnframt segjast þau ekki
sætta sig við að stúlkan fái ekki að
ganga í þann skóla sem næstur er
þeirra heimili.
„Ég veit ekki hvernig ég á að fara
að því að segja dóttur minni frá því
að hún fái ekki að fara í skólann
hérna við hliðina, heldur verði að
fara í skóla sem er a.m.k. 20 mín.
gangur frá okkar heimili og þá verð-
ur hún að fara yfir tvær stórar um-
ferðargötur. Einnig að hún fái ekki
að vera í bekk með sinni perluvin-
konu, en eins og allir vita er mikið
stökk að fara úr leikskóla í skóla og
það væri mjög gott að geta haft
bestu vinkonu sína sér við hlið.“
Skóla- og fræðsluráð tekur
ekki afstöðu til erindanna
Önnur hjón sem búa við Hamra-
garð segja val á framtíðarhúsnæði
þegar þau fluttu til Keflavíkur hafa
grundvallast á framtíð barnanna og
Hamragarður orðið fyrir valinu þar
sem ákveðið hafi verið að byggja nýj-
an skóla í hverfinu sem verða myndi
skóli barnanna í framtíðinni. Þau eru
ósátt við að þurfa að senda börnin í
Myllubakkaskóla.
„Það er lagt fyrir okkur að næstu
12 árin skulum við búa við það að
börnin okkar verði í skóla sem er í
miðbæ Keflavíkur. Það er ekki hægt
að finna skóla í Keflavík sem er
lengra frá okkar heimili en sá skóli.“
Á fundi sínum 14. júní sl. vísaði
bæjarráð erindunum til skóla- og
fræðsluráðs en á fundi sínum á
fimmtudag komst ráðið að þeirri nið-
urstöðu að það væri ekki í verka-
hring þess að fjalla um fyrrgreind
erindi. Bæjarstjórn hafi samþykkt
einróma tillögur um breytt skóla-
hverfi í Reykjanesbæ og í þeim komi
fram að skólaskrifstofa í samráði við
skólastjóra grunnskóla annist skipt-
ingu nemenda í grunnskóla bæjar-
ins.
„Að framansögðu má ljóst vera að
það er ekki lengur í höndum skóla-
og fræðsluráðs að afgreiða mál sem
þessi heldur ofangreindra aðila sem
þó verða að miða ákvarðanir sínar
við ákveðnar reglur sem fylgdu til-
lögunum.“
Mesta fjölgun nemenda
á svæði Heiðarskóla
Tilgangur breytinganna er að
jafna fjölda nemenda í skólum bæj-
arins og nýta þannig betur húsnæði
og aðra aðstöðu skólanna. Mesta
fjölgun nemenda er á svæði Heið-
arskóla og að óbreyttu yrðu nemend-
ur þar 480 næsta vetur á meðan þeir
yrðu aðeins 390 í Myllubakkaskóla,
sem er fámennasti skóli bæjarins.
Skóla- og fræðsluráð lagði til að
nemendum yrði skipt niður á skóla
þannig að Holtaskóli og Njarðvíkur-
skóli yrðu á sama skólasvæði og
Myllubakkaskóli og Heiðarskóli á
öðru svæði og nemendur sem flyttu á
nýtt skólasvæði yrðu að jafnaði
skráðir í þann skóla sem hefur færri
nemendur í viðkomandi árgangi.
Tekið er fram í tillögunum að nem-
endur sæki að jafnaði þann skóla
sem er styttra frá heimili þeirra.
Óánægðir foreldrar vegna breytinga á skólahverfum
Fjárfestu í hús-
næði nálægt
Heiðarskóla




















 






 
  
  
  
 
 

   
Reykjanesbær
GALLERÍ Björg er félagsskapur
tæplega 50 kvenna og karla sem
vinna ýmsar nytjavörur í höndum
og selja í aðstöðu sinni við Hafn-
argötu 2 í Reykjanesbæ. Þar hefur
verið opin verslun síðan 1995, en þó
segir Harpa Jóhannsdóttir, gjald-
keri Gallerís Bjargar, að ennþá séu
að koma inn í verslunina við-
skiptavinir sem ekki hafi haft hug-
mynd um tilurð hennar. Hún segist
ekki vita ástæðu þess að Gallerí
Björg sé svo hulin fólki, en bendir
þó á að Fischerhús, sem stendur við
Hafnargötu 2, standi nokkuð frá
öðrum verslunum bæjarins og því sé
ekki jafnmikil umferð þar af fólki.
Þá er húsið einnig friðað, þannig að
lítið hefur verið hægt að gera við
það til að vekja á því athygli.
Gallerí Björg flutti inn í húsnæðið
við Hafnargötu árið 1995 en upp-
hafið má rekja til átaks vegna at-
vinnuleysis nokkru fyrr. Að sögn
Hörpu hefur þetta síðan undið upp
á sig og er nú orðið áhugamál
þeirra sem þar starfa. Um tíu konur
sjá um daglegan rekstur og halda
versluninni opinni allt árið um
kring á milli klukkan 13 og 18.
Félagar eru á bilinu 40-50 og þar af
eru um 6 karlar. Þá hittist hópurinn
alltaf á fimmtudagskvöldum og
geta þá gestir og gangandi jafn-
framt kíkt í heimsókn.
Í versluninni kennir margra
grasa af handunnum vörum en mest
er búið til af nytjavörum þó ein-
hverjir minjagripir fylgi með. Mikið
er um fatnað, allt frá vettlingum
upp í lopapeysur, en einnig eru
handsmíðaðir lampar úr rekaviði,
tölur úr hreindýrahornum, gler-
englar og handsaumuð kort, svo
eitthvað sé nefnt. Að sögn Hörpu
gengur þetta ennþá þokkalega, þó
það sé ekki meira en svo. „Það er
enginn gróði af þessu, því við notum
það sem inn kemur upp í kostnað
við húsnæðið, það sem við þurfum
að gera til að hafa þetta þokkalegt.“
Harpa segir að fyrir nokkru hafi
komið inn í galleríið hópur af skóla-
börnum frá Bandaríkjunum. Far-
arstjóri þeirra var búinn að spyrjast
fyrir um verslun með lopapeysur í
bænum, en hafði fengið þau svör að
slík verslun væri ekki fyrir hendi.
Þá rambaði hann inn í Gallerí
Björgu og tók hópinn með sér þang-
að.
„Ég held að flestallir krakkarnir
hafi keypt peysu. Ef þær voru ekki
til var því bjargað á tveimur sólar-
hringum með því að prjóna bara
peysur, og það var ma. farið með
tvær peysur upp í flugstöð rétt áður
en þau fóru,“ segir Harpa.
Morgunblaðið/Eiríkur P.
Jóhanna Guðjónsdóttir og Harpa Jóhannsdóttir við vinsælar, hand-
prjónaðar lopapeysur hjá Gallerí Björg.
Gallerí Björg í Fischerhúsi
Fjölbreytt úrval
af nytjavöru
Reykjanesbær