Morgunblaðið - 30.06.2001, Side 6

FRÉTTIR
6 LAUGARDAGUR 30. JÚNÍ 2001 MORGUNBLAÐIÐ
GEIR H. Haarde, fjármálaráð-
herra, átti viðræður við Karl Eric
Schiøtt Petersen, fjármálaráðherra
Noregs, í Ósló í fyrradag. Þeir
ræddu um ástand efnahagsmála og
ríkisfjármála í löndunum báðum.
„Allir hans helstu samstarfs-
menn í ráðuneytinu voru viðstaddir
viðræðurnar og að þeim loknum
fórum við í Norsku kauphöllina og
var okkur kynnt starfsemi hennar.
Hún hefur verið einkavædd og
margt merkilegt átt sér stað í
tengslum við starf hennar. Kaup-
höllin er ákaflega nútímavædd og
viðskiptin öll rafræn,“ segir Geir.
Í gærmorgun átti Geir fund með
seðlabankastjóra Noregs og hans
samstarfsmönnum. Rætt var um
peningamálastjórnun Seðlabank-
ans í Noregi og ennfremur starf-
semi olíusjóðsins, sem Seðlabank-
inn annast. Norðmenn hafa
ávaxtað hagnað af olíusölu sinni er-
lendis. Geir sagði að áætlað væri
að í lok ársins verði höfuðstóll
sjóðsins farinn að nálgast 700 millj-
arða norskra kr. eða nálægt 7 þús-
und milljörðum ÍSK. Fyrr á árinu
var tekin ákvörðun um að stjórn-
völd nýttu sér raunvexti af sjóðn-
um og er reiknað með að þar sé um
20-25 milljarða norskra kr. að
ræða.
Efnahagsmál
rædd á fundi
ráðherra
Ljósmynd/Ragnheiður Árnadóttir
Geir H. Haarde fjármálaráðherra ásamt Anders Brodin, aðstoðarframkvæmdastjóra Norsku kauphallarinnar,
og Karl Eric Schiøtt Petersen, fjármálaráðherra Noregs, í skoðunarferð um kauphöllina.
Geir H. Haarde fjármálaráðherra
í opinberri heimsókn í Noregi
FORSETA Íslands, Ólafi Ragnari Grímssyni,
og heitkonu hans Dorrit Moussaief, var vel
tekið af heimafólki í færeyskum byggðar-
lögum sem hann heimsótti í gær og ljóst er
að forsetaheimsóknin skiptir Færeyinga
miklu máli. Í gær, á öðrum degi heimsóknar
sinnar, heimsótti forsetinn Runavík, þriðja
stærsta sveitarfélagið í Færeyjum, en þar
hyggjast Færeyingar byggja upp olíuhöfn í
tengslum við fyrirhugaða sjóolíuvinnslu inn-
an lögsögu sinnar. Olíumálið er í algleym-
ingi í Færeyjum þessa dagana, enda er búist
við fyrsta olíuborpallinum inn í lögsöguna í
dag, laugardag. Stefnt er síðan að því að
hefja boranir 1. júlí. Samkvæmt því sem
Lasse Borðoy, forstjóri Atlantic Supply
Base, samtaka um olíuhöfn í Runavík, segir,
munu Færeyingar ekki geta annað olíu-
vinnslunni sjálfir, þ.e. ef olían finnst. Mun
því þörf verða á aðfluttu vinnuafli. Runavík
er um 4 þúsund manna bær þar sem næga
atvinnu er að hafa, burtséð frá öllum áform-
um um olíuvinnslu. Ólafur Ragnar sagðist
við komuna til Runavíkur gleðjast yfir því ef
olíuvinnsla gæti skilað Færeyingum efna-
hagslegum árangri.
Frá Runavík var för forsetans heitið til
Nyrðri-Götu, þar sem ekki biðu hans síðri
móttökur en í Runavík. Fjöldi fólks, börn og
fullorðnir, beið komu hans og fagnaði hon-
um vel. Komið var við í Blásastofu, safnahúsi
forminjafélagsins í Götu, gamla kirkjan í
Götu skoðuð að ógleymdum Þrándargrunni,
þar sem Þrándur í Götu, á að hafa búið um
1000 og sagt er frá í Færeyingasögu. Ný
kirkja hefur verið reist í sveitarfélaginu og
beið þar eftir forsetanum Samkór Götu og
Leirvíkur sem söng nokkur sálmalög til
heiðurs gesti sínum. Forsetinn fékk einnig
frábærar móttökur í Klakksvík, næststærsta
sveitarfélagi Færeyja og í Kuney, þar sem
hann sýndi fjörleg tilþrif er hann gróður-
setti meira en mannhæðarháa alaskaösp frá
Íslandi í grónum trjálundi í Kuney.
Forsetinn hélt blaðamannafund um borð í
Brimli, nýju og glæsilegu varðskipi Fær-
eyinga síðdegis í gær með lögmanni Fær-
eyinga, Anfinn Kallsberg, og lofaði mjög
Færeyinga. „Ef ég ætti að nefna eitt orð,
sem hefur verið kjarninn í upplifun minni
hér í Færeyjum, þá er það sjálfstraust Fær-
eyinga,“ sagði Ólafur Ragnar. Hann sagðist
ekki hafa orðið var við væntingar Fær-
eyinga í þá veru að hann tæki afstöðu í full-
veldisbaráttu þeirra við Dani. Hann sagði
ennfremur að Íslendingar blönduðu sér ekki
inn í þau mál, þótt hann teldi að það væri
mjög sterk samkennd íslensku þjóðarinnar
með sérhverri tilraun Færeyinga til að
styrkja sig í sessi og efla samfélag sitt.
Aðspurður hvort heimsókn Ólafs Ragnars
skipti Færeyinga miklu máli með tilliti til
fullveldisbaráttunnar, sagðist Anfinn Kalls-
berg ekki geta talið svo vera. „Færeyingar
hafa sjálfir tekið afstöðu til þessa máls,“
sagði hann. „Hins vegar er það uppörvandi
að fá forseta Íslands í heimsókn og ég get
nefnt það að í marga áratugi hafa Íslend-
ingar stutt Færeyinga á ýmsan hátt. Ég get
nefnt sérstaklega eitt mál, þ.e. þegar fisk-
veiðilögsagan var færð út. Þá var Ísland
eina landið sem gaf Færeyingum fiskveiði-
réttindi án þess að gera mótkröfu,“ sagði
hann.
Færeyjaheimsókn Ólafs Ragnars og fylgd-
arliðs lýkur í dag, laugardag.
Ólafi Ragnari Grímssyni forseta Íslands vel tekið í Færeyjum
Morgunblaðið/Þorkell
Uppörvandi að fá for-
seta Íslands í heimsókn
Heimsókn forseta Íslands, Ólafs Ragnars Grímssonar, hefur
vakið mikla athygli í Færeyjum og hvarvetna hefur honum
verið vel fagnað. Örlygur Steinn Sigurjónsson og Þorkell
Þorkelsson fylgjast með heimsókninni til Færeyja.
Morgunblaðið/Þorkell
Brugðið á leik fyrir ljósmyndara og kvikmyndatökumenn.
Ólafur Ragnar Grímsson og Dorrit Moussaief heilsa ungum Færeyingum.