Morgunblaðið - 30.06.2001, Side 17

SUÐURNES
MORGUNBLAÐIÐ LAUGARDAGUR 30. JÚNÍ 2001 17
Sveitamottur
Nýkomið mikið úrval
Mörkinni 3 - 108 Reykjavík - Sími 568 7477
virka@virka.is - www.virka.is
Gefið heimilinu notalegan blæ
Opið alla virka daga frá kl. 10-18.
Lokað á laugardögum í sumar.
VEL heppnuðu vinabæjamóti í
Reykjanesbæ lauk í fyrrkvöld þar
sem þátt tóku vinabæir sveitar-
félagsins á Norðurlöndunum; Krist-
iansand í Noregi, Hjörring í Dan-
mörku, Kerava í Finnlandi og
Trollhattan í Svíþjóð. Hátt í eitt
hundrað unglingar og fararstjórar
mættu til bæjarins en slík mót hafa
verið haldin óslitið frá árinu 1973.
Stefán Bjarkason, íþrótta- og tóm-
stundafulltrúi Reykjanesbæjar, seg-
ir að mótið hafi gengið mjög vel og
veðrið hafi leikið við mótsgesti, að
því undanskildu að svartaþoka skall
á í kvöldsiglingu þar sem freista átti
þess að skoða hvali. Á hverju móti er
keppt í einni íþróttagrein og í þetta
sinn var keppt í badminton. Ákveðið
var að leika stutta leiki til þess að
sem flestir þátttakenda fengju að
spila sem mest, en lokastaðan varð
sú að Reykjanesbær vann mótið.
Búið er að ákveða í hverju verður
keppt á næstu fimm mótum. Á næsta
ári verður keppt í sundi í Kerava í
Finnlandi og þar á eftir verður keppt
í körfubolta og hefur Reykjanesbær
því góða möguleika á að vinna bik-
arinn til eignar eftir tvö ár. Vinni
bær þrisvar í röð eða fimm sinnum
alls fær bærinn bikarinn til eignar
og segist Stefán telja möguleikana
góða á að sigra sundið og körfubolt-
ann. Annars segir Stefán að aðalat-
riðið sé að vera með og allir fái þátt-
tökupening og séu þar með
sigurvegarar.
Erlendu krakkarnir og þjálfararn-
ir gistu í Holtaskóla ásamt íslensku
þátttakendunum sem gistu þar líka
og voru með þeim allan tímann. Á
miðvikudagskvöld var skemmtidag-
skrá sem krakkarnir voru sjálfir
með og hver þjóð þurfti að vera með
skemmtiatriði. Að sögn Stefáns var
það einn af hápunktum mótsins og
mikill spenningar meðal krakkanna
að koma fram. Ánægjan var hins
vegar mikil og eru þessa uppákomur
fastur liður í hverju vinabæjamóti.
Mótinu lauk síðan formlega á
fimmtudagskvöld þegar bæjarstjórn
Reykjanesbæjar bauð öllum þátt-
takendum í kvöldverð og verðlauna-
peningar voru afhentir.
Vel heppn-
að vina-
bæjamót
Karen Sæmundsdóttir og Stefanía Kristinsdóttir einbeittar á svip í
badmintonkeppninni.
Reykjanesbær
Ljósmynd/Hilmar Bragi
Þátttakendur í vinbæjamótinu að loknum kvöldverði með bæjarstjórn Reykjanesbæjar.
NÝ mynd mánaðarins verður sett
upp í Kjarna við Hafnargötu 57 á
mánudag en listamaður júlímán-
aðar er Jófríður Jóna Jónsdóttir.
Hér um að ræða kynningarverk-
efni markaðs- og atvinnumála-
skrifstofu Reykjanesbæjar á mynd-
listarmönnum bæjarins.
Jófríður er fædd 18. júlí 1932 að
Reykjanesvita og ólst þar upp til 15
ára aldurs. Þá flutti hún til Kefla-
víkur og hefur búið þar síðan. Hún
hefur stundað list sína árum saman
og sótt námskeið víða, m.a. hefur
hún verið félagi í myndlistardeild
Baðstofunnar frá árinu 1985.
Hennar helstu leiðbeinendur hafa
verið Eiríkur Smith listmálari og
synir hennar, myndlistarmennirnir
Jón Ágúst Pálmason og Kristinn
Már Pálmason. Jófríður hefur tekið
þátt í mörgum samsýningum, m.a.
á vegum Baðstofunnar í Keflavík.
Jófríður
listamaður
júlímánaðar
Reykjanesbær
JÚLÍUS Samúelsson opnar
myndlistarsýningu í Glóðinni,
Hafnargötu 62, sunnudaginn 1.
júlí milli klukkan tvö og sex, en
sýningin stendur til 28. júlí.
Þetta er þriðja einkasýning Júl-
íusar sem hefur jafnframt tekið
þátt í tveimur samsýningum.
Júlíus er borinn og barnfæddur
Keflvíkingur og hóf að mála fyr-
ir nokkrum árum en myndir
hans þykja nokkuð frumlegar.
Sýning í
Glóðinni
Reykjanesbær
ÁRLEGUM námsstyrkjum í Náms-
mannaþjónustu Sparisjóðsins í
Keflavík hefur verið úthlutað. Eft-
irtaldir námsmenn fengu styrk að
upphæð kr. 125.000 í ár:
Bryndís María Leifsdóttir en hún
lauk meistaragráðu í viðskiptafræði
frá Háskóla Íslands, Guðrún Guðna-
dóttir sem lauk cand. pharm. gráðu í
lyfjafræði frá Háskóla Íslands,
Haukur Ragnarsson sem útskrifað-
ist með B.Sc.-gráðu í tölvunarfræði
frá University of South Alabama og
Þorgerður Kjartansdóttir en hún út-
skrifaðist sem leikskólakennari frá
Kennaraháskóla Íslands.
Dómnefndin sem sá um valið á
styrkþegum er skipuð Ólafi Arn-
björnssyni, skólameistara Fjöl-
brautaskóla Suðurnesja, sem er for-
maður, Guðjóni Guðmundssyni,
framkvæmdastjóra Sambands sveit-
arfélaga á Suðurnesjum, og Ólafi
Kjartanssyni frá markaðs- og at-
vinnumálaskrifstofu Reykjanesbæj-
ar.
Frá vinstri talið eru Daði Þorgrímsson og Baldur Guðmundsson frá
Sparisjóðnum, Eygló Alexandersdóttir sem tók við styrknum fyrir
Hauk Ragnarsson, Bryndís María Leifsdóttir, Guðrún Guðnadóttir, Þor-
gerður Kjartansdóttir og Geirmundur Kristinsson sparisjóðsstjóri.
Sparisjóðurinn
styrkir námsmenn
Reykjanesbær
LANDIÐ
SIV Friðleifsdóttir umhverfisráð-
herra átti erindi á Snæfellsnes sl.
fimmtudag. Hún opnaði þjóðgarð á
Snæfellsnesi og þar á eftir var haldið
til Stykkishólms og þar opnaði hún
Náttúrustofu Vesturlands. Auk
hennar voru viðstaddir opnunina
Sturla Böðvarsson samgönguráð-
herra og Páll Pétursson félagsmála-
ráðherra, þingmenn kjördæmisins
og aðrir gestir.
Við það tækifæri sagði umhverf-
isráðherra að staðsetning stofunnar
væri mjög heppileg með tilliti til lag-
anna um vernd Breiðafjarðar. Nátt-
úra svæðisins væri einstök, ekki að-
eins á landsvísu heldur einnig á
hnattrænan mælikvarða. Lög um
Náttúrufræðistofnun Íslands heim-
ila umhverfisráðherra að stofnsetja
átta náttúrustofur, eina í hverju
kjördæmi. Náttúrustofa Vestur-
lands er fimmta stofan sem hefur
starfsemi.
Rúnar Gíslason forseti bæjar-
stjórnar flutti ræðu við opnun stof-
unnar. Þar kom fram að Guðmundur
Bjarnason gaf út reglugerð árið 1997
um starfsemi Náttúrustofu Vestur-
lands í Stykkishólmi. Hlutverk stof-
unnar er m.a. að stunda vísindalegar
rannsóknir á náttúru Vesturlands.
Þá skal stofan safna gögnum og
varðveita heimildir um náttúrufar á
svæðinu og stuðla að æskilegri nátt-
úrunýtingu, náttúruvernd og
fræðslu um umhverfismál bæði fyrir
almenning og í skólum á Vestur-
landi. Þá hefur stofan gert þjónustu-
samning við Breiðafjarðarnefnd, þar
sem Náttúrustofan tekur að sér að
sjá um ákveðna vinnu og þjónustu
fyrir Breiðafjarðarnefnd.
Náttúrustofa Vesturlands er í
eigu Stykkishólmsbæjar. Það er von
eigenda að með tímanum komi sem
flest sveitarfélög á Vesturlandi inn
sem eignaraðilar.
Náttúran er úti á landi
Rúnar Gíslason var mjög ánægður
með að fá Náttúrustofuna til Stykk-
ishólms. Hann lýsti ánægju sinni
með að færa verkefni út á land. „Því
er ekki að leyna að okkur lands-
byggðarmönnum finnst ekki rétt að
langstærstum hluta vísindalegra
rannsókna á náttúru landsins sé
stýrt frá Reykjavík og unnar af fólki
þaðan. Í þessu sem fleiru teljum við
okkur þurfa aukið vægi. Það er nú
einu sinni svo að náttúran sjálf er að
mestu úti á landi,“ sagði Rúnar.
Náttúrustofa Vesturlands er stað-
sett í Ráðhúsinu í Stykkishólmi.
Húsnæði stofunnar er á miðhæð
hússins, auk þess mun stofan fá til
umráða húsnæði í kjallara hússins,
en endurbygging þess er enn ólokið.
Forstöðumaður Náttúrustofu
Vesturlands hefur verið ráðinn
Ragnar Arnar Stefánsson náttúru-
fæðingur og er hann fluttur með fjöl-
skyldu sína til Stykkishólms. Auk
hans hefur Sigríður Elísabet Elís-
dóttir verið ráðin að stofunni í hluta-
starf. Heimir Kristinsson hefur verið
ráðinn í tímabundið verkefni sem
felst í því að rannsaka minkastofninn
á Snæfellsnesi.
Morgunblaðið/Gunnlaugur Árnason
Rúnar Gíslason, stjórnarmaður Náttúrustofu Vesturlands, Siv Friðleifs-
dóttir umhverfisráðherra, Ragna Ívarsdóttir, formaður stjórnar Nátt-
úrustofu Vesturlands, og Ragnar Arnar Stefánsson forstöðumaður.
Fjölmenni var við opnun Náttúrustofu Vesturlands í Stykkishólmi
fimmtudaginn 28. júní. Stofan er til húsa í Ráðhúsinu í Stykkishólmi.
Náttúrustofa
Vesturlands opnuð
Stykkishólmur