Morgunblaðið - 12.07.2001, Síða 1

156. TBL. 89. ÁRG. FIMMTUDAGUR 12. JÚLÍ 2001 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 12. JÚLÍ 2001
RANNSÓKNARMENN fram-
kvæmdastjórnar Evrópusambands-
ins réðust til inngöngu í höfuðstöðv-
ar allra farsímafyrirtækja Bretlands
og Þýskalands í gær til að leita að
gögnum vegna rannsóknar á meintu
verðsamráði í tengslum við svokall-
aða reikisamninga.
Talsmaður framkvæmdastjórnar-
innar staðfesti að rannsóknarmenn
ESB og fulltrúar breskra og þýskra
samkeppnisyfirvalda hefðu gert
skyndileit á skrifstofum fimm
breskra og fjögurra þýskra farsíma-
fyrirtækja.
Embættismennirnir eru að rann-
saka gjöld sem farsímanotendur
greiða fyrir að nota síma sína er-
lendis samkvæmt svokölluðum
reikisamningum sem farsímafyrir-
tækin gera sín á milli. Talsmaður
Evrópusambandsins, Michael
Tscherny, sagði að þessi gjöld virt-
ust ekki endurspegla kostnað far-
símafyrirtækjanna. „Við viljum
sannreyna hvort fyrirtækin hafi haft
leynilegt samráð um ólöglega verð-
frystingu.“
Talsmaðurinn bætti við að rann-
sóknarmennirnir hefðu ákveðið að
einbeita sér að farsímafyrirtækjun-
um í Bretlandi og Þýskalandi þar
sem komið hefðu í ljós „veruleg
vandamál“ í þessum löndum í viða-
mikilli könnun á reikisamningunum.
Embættismennirnir hefðu áhyggjur
af efnahagslegum áhrifum hins
meinta verðsamráðs vegna þess að
Bretland og Þýskaland væru tvö af
stærstu hagkerfum Evrópusam-
bandsins.
Að sögn CNN-sjónvarpsins eru
gjöldin samkvæmt reikisamningun-
um allt að tíu sinnum hærri í Evr-
ópu en í Bandaríkjunum.
ESB rannsakar samninga farsímafyrirtækja
Grunuð um ólög-
legt verðsamráð
Brussel. AFP.
ÞÚSUNDIR Bosníu-múslíma komu
saman í gær við nýtt minnismerki
sem reist hefur verið til minningar
um fjöldamorð hersveita Bosníu-
Serba á múslímum í borginni Srebr-
enica í júlí 1995. Talið er að um 8.000
manns, karlar og drengir, hafi verið
myrtir. Margir kröfðust hefnda og
sögðu að Slobodan Milosevic, fyrrver-
andi forseti Júgóslavíu, væri slátrari.
„Strengjabrúður hans, Radovan
Karadzic og Ratko Mladic, eru líka
ábyrgir og verða að fá makleg mála-
gjöld fyrir það sem þeir gerðu hér,“
sagði Zineta Mujic, fimmtug kona
sem missti son og 13 aðra ættingja.
Æðsti maður samfélags múslíma í
borginni, Mustafa Efendi Ceric, sagði
að ekki væri ætlunin að kveða upp
dóm en heldur ekki að sýkna neinn.
„Við biðjum þess að sorg verði von,
hefnd verði réttlæti og tár móður
verði áminning svo að atburðir eins og
í Srebrenica gerist aldrei nokkurs
staðar,“ sagði hann.
Mikill fjöldi lögreglumanna var á
staðnum, einnig hundruð bandarískra
friðargæsluliða, búnir skriðdrekum
og þyrlum. Moska múslíma í borginni
Banja Luka var endurreist og kom til
harðra átaka vegna þeirra atburða í
maí, tugir slösuðust og einn féll, að
sögn BBC. Var því lögð áhersla á að
kæfa öll átök í fæðingunni að þessu
sinni.
Friðargæslulið Sameinuðu þjóð-
anna lýsti því yfir 1993 að Srebrenica,
sem er á svæði Bosníu-Serba, væri
verndarsvæði og treystu íbúarnir því
að þeir væru því óhultir þar. Hinn 11.
júlí réðust sveitir Bosníu-Serba á
borgina og lögðu hana undir sig, um
23.000 manns voru flutt á brott á rúm-
um sólarhring. Karlmenn á aldrinum
12–77 ára voru teknir frá, sagt að þá
ætti að yfirheyra. Nokkrum dögum
síðar bárust fregnir af því að þeir
hefðu nær allir verið teknir af lífi.
Búið er að grafa upp líkamsleifar
um 4.800 manna en aðeins hefur tek-
ist að bera kennsl á um 100 þeirra. Er
búist við að hægt verði að hraða verk-
inu með því að nota DNA-prófanir við
að greina sýni í líkunum.
Reuters
Múslímskar konur gráta við minnismerki um fjöldamorð Bosníu-Serba á múslímum í borginni Srebrenica.
Sex ár frá harmleiknum í bosnísku borginni Srebrenica
Fjöldamorða á 8.000
múslímum minnst
Srebrenica. AP.
TYRKINN Ethem Sahin varð fyr-
ir því óláni að fá kú í höfuðið
þegar hann var að tefla við vini
sína á kaffihúsi í borginni Nevs-
ehir í Tyrklandi, að sögn þar-
lendra fjölmiðla í gær. Tyrkinn
rotaðist við höggið og fótbrotn-
aði, auk þess sem sauma þurfti
sjö spor á ennið.
Kýrin var á beit í brattri hlíð
og fór upp á þak kaffihússins sem
var byggt inn í hlíðina.
„Ég trúði því ekki þegar þeir
sögðu mér að kýr hefði fallið á
hausinn á manninum mínum,“ var
haft eftir eiginkonu Sahins. „Ég
hélt að þeir væru að grínast.
Megi guð vernda okkur frá verri
slysum.“
Kúnni varð ekki meint af fall-
inu. Ethem Sahin er hér á sjúkra-
húsi í Nevsehir.
Fékk kú
í höfuðið
AP
Getnaðarvarnir
Ígræðsla
fyrir karla
London. AFP.
BRESKIR sérfræðingar eru
nú að gera tilraunir með nýja
tegund af getnaðarvörnum fyr-
ir karlmenn, hormónaígræðslu
sem komið yrði fyrir undir húð
á handlegg. Verði þær árang-
ursríkar mun ígræðslan virka í
allt að þrjú ár.
Er búist við niðurstöðum til-
raunanna í árslok og gæti
tæknin verið komin á markað
eftir fjögur ár. Að sögn The
Daily Telegraph er notað
hormónið etongestrel til að
koma í veg fyrir sæðismyndun.
Sama hormón er notað í svo-
nefnda karlapillu sem enn er
verið að gera tilraunir með.
Karlar sem taka pilluna eða
fá ígræðsluna munu að sögn
BBC þurfa að sprauta sig með
hormóninu testosteron á nokk-
urra vikna fresti til að halda
getu sinni.
Samning-
um Micro-
soft breytt
Seattle. AP.
BANDARÍSKA stórfyrirtækið
Microsoft tilkynnti í gær að það hygð-
ist breyta samningum sínum við
tölvuframleiðendur til að gera þeim
kleift að fjarlægja flýtivísanir á forrit
Microsoft af skjáborði Windows-
stýrikerfisins. Þannig brást fyrirtæk-
ið við nýlegum úrskurði bandarísks
áfrýjunardómstóls um að það hefði
brotið samkeppnislög.
Microsoft sagði að tölvuframleið-
endur gætu haldið áfram að bæta við
myndtáknum forrita frá öðrum fyrir-
tækjum á skjáborðið. Samkvæmt
samningunum hafa tölvuframleiðend-
ur mátt bæta við slíkum myndtáknum
en þeim hefur verið bannað að fjar-
lægja myndtákn Microsoft-forrita,
svo sem Internet Explorer. Dómstóll-
inn úrskurðaði í síðasta mánuði að
slíkir samningar væru ólöglegir.
Afríka
Vona að
nýtt banda-
lag stuðli
að hagsæld
Lusaka. AP.
SÍÐASTA leiðtogafundi Einingar-
samtaka Afríku lauk í Lusaka í gær
og leiðtogarnir lofuðu að láta af deil-
um sínum og stuðla að hagsæld í álf-
unni í nýju bandalagi sem fengið hef-
ur nafnið Afríkusambandið.
Einingarsamtök Afríku voru
stofnuð fyrir 38 árum til að stuðla að
einingu í álfunni, efla efnahags- og
þjóðfélagsþróun í aðildarríkjunum
og losa þau undan áhrifum nýlendu-
kúgunar. Afríkusambandið hefur
svipuð markmið en leiðtogarnir vona
að það verði öflugra en Einingarsam-
tökin og betur til þess fallið að stuðla
að einingu og hagsæld í Afríku.
Stefnt að sameiginlegri
mynt og afrísku þingi
Evrópusambandið er að nokkru
leyti fyrirmynd Afríkusambandsins.
Fredrick Chiluba, forseti Zambíu,
sagði að leiðtogarnir hefðu sam-
þykkt að stofna sameiginlegt þing og
seðlabanka en Afríkusambandið
myndi fyrst einbeita sér að því að
koma á fót ráði þjóðhöfðingja, ráð-
herraráði, embætti framkvæmda-
stjóra og fastanefnd sendiherra. Í
stofnskrá sambandsins er einnig
kveðið á um sameiginlega mynt og
dómstól.
Ræðumenn á fundinum lýstu
stofnun Afríkusambandsins sem
tímamótum í sögu álfunnar. Margir
sérfræðingar í málefnum Afríku eru
þó enn vantrúaðir á að nýja banda-
lagið leiði til verulegra breytinga því
þeir efast um að ríkin geti eða vilji
leggja nógu mikið fé af mörkum til að
byggja upp öflugt bandalag.