Morgunblaðið - 12.07.2001, Síða 8

FRÉTTIR
8 FIMMTUDAGUR 12. JÚLÍ 2001 MORGUNBLAÐIÐ
Háskólinn í Reykjavík
Mikil aðsókn í
viðskiptadeild
UMSÓKNIR umnám við viðskipta-deild Háskólans í
Reykjavík hafa rösklega
tvöfaldast á milli ára. Í ár
eru umsóknirnar 600 en
voru í fyrra um 240. Agn-
ar Hansson, deildarforseti
viðskiptadeilarinnar, var
spurður hvað hann teldi
orsaka þetta?
„Við erum mjög ánægð
með þann meðbyr sem við
finnum bæði frá einstak-
lingum og frá atvinnulíf-
inu. Um þúsund manns
sóttu um skólavist í Há-
skólanum í Reykjavík fyr-
ir komandi vetur en mesta
aukningin skýrist af nýrri
námsleið sem við köllum
háskólanám með vinnu og
er sú námsleið innan við-
skiptadeildar. Nálega 350 manns
sóttu um þessa nýju námsbraut
og skiptist hún í fjögur svið.
Annars vegar þrjár 45 eininga
diploma-gráður með áherslu á
fjármál og rekstur, markaðs-
fræði og alþjóðaviðskipti og
stjórnun og starfsmannamál.
Hins vegar er um að ræða fullt 90
eininga BS-nám þar sem nem-
endur ljúka prófi á þremur árum.
Þar er gert ráð fyrir að fólk komi
inn í dagskóla síðasta árið.“
– Hvernig er þetta nýja 45 ein-
inga nám þá skipulagt?
„Það er skipulagt með þeim
hætti að við kennum þrjá eftir-
miðdaga í hverri viku, þriðju-
daga, miðvikudaga og fimmtu-
daga frá kl. 16 til 19 og nemendur
taka þrjú námskeið á hverri önn.
Kenndar eru þrjár annir á ári –
haustönn, vorönn og sumarönn,
þar sem þó er gefið sumarfrí í
júlí. Segja má að þetta nýja nám
sé með nokkrum hætti millistig
milli staðarnáms og fjarnáms.
Þannig mun rík áhersla verða
lögð á notkun Netsins við miðlun
fyrirlestra og ítarefnis, auk þess
sem nemendur munu með raf-
rænum hætti geta skilað inn
verkefnum, lagt inn fyrirspurnir
og tekið þátt í umræðum á innra
neti skólans. Námskeiðin eru að
fullu sambærileg við það sem
kennt er í dagskóla og verða
nemendur látnir gangast undir
sömu próf. Við sjáum fyrir okkur,
að þeir einstaklingar sem boðin
verður innganga í háskólanám
með vinnu, séu að öllu jöfnu ein-
staklingar með þó nokkra starfs-
reynslu. Þannig treystum við því
að fólkið hafi yfir að ráða þroska
og góðum sjálfsaga til þess að
stýra sínum tíma og nýta hann
sem best.“
– Hvernig ætlið þið að velja úr
þessum mikla fjölda umsókna?
„Við horfum á menntun og ár-
angur í námi en ekki síður á
starfsreynslu, fyrri störf og
reynslu almennt. Allir sem kom-
ast inn þetta árið hafa að minnsta
kosti fimm ára starfsreynslu.
Enginn nemandi sem fær inn-
göngu er því yngri en 25 ára.“
– Hafið þið fyrirmyndir að
þessu námi?
„Já við höfum það og
erum þar sérstaklega
að horfa til þeirra
skóla sem við erum í
samstarfi við núna, þar
ber hæst þá skóla sem
eru með okkur í hinu
svokallaða GEM-samstarfi, en
tilgangur þess er að bjóða upp á
alþjóðlegt MBA-nám. Ellefu há-
skólar víða um heim eru þátttak-
endur í þessu samstarfi. Sérstak-
lega höfum við horft til þeirra
skóla sem standa okkur næst, svo
sem Viðskiptaháskólann í Kaup-
mannahöfn.“
– Er þessi viðbót ekki mikið
álag á skólastarfið hjá ykkur?
„Þessi viðbót eykur tvímæla-
laust álagið hjá okkur en hún gef-
ur okkur jafnframt kost á því að
skapa fjárhagslegan grundvöll til
að ráða enn fleiri hæfa kennara
og byggja þannig upp sterkari
heild sem aftur veitir okkur ýmis
sóknarfæri í þátttöku í alþjóðleg-
um rannsóknarverkefnum og
öðru samstarfi.“
– Hvað kostar svona nám?
„Það kostar nú 79 þúsund
krónur á hverri önn og er láns-
hæft hjá LÍN.“
– Eruð þið með fleiri nýjungar
á döfinni?
„Við erum í sífellu að skoða
leiðir sem hentað gætu fólki og
atvinnulífinu. Nýverið var ákveð-
ið að fara af stað á nýjan leik með
MBA-námið um næstu áramót og
vera þá í samstarfi við Við-
skiptaháskólann í Aþenu, Fylk-
isháskólann í Georgíu, Við-
skiptaháskólann í Bergen og
Háskólann í Pretoríu í Suður-
Afríku. Þetta er eins og fyrr get-
ur alþjóðlegt MBA-nám þar sem
áhersla er lögð á rafræna við-
skiptahætti og stjórnun. Þarna er
um að ræða almennt viðskipta-
og stjórnunarnám fyrir stjórn-
endur úr atvinnulífinu sem hugs-
anlega hafa háskólagráðu af ein-
hverju öðru sviði en viðskiptum
og vilja styrkja almenna við-
skiptaþekkingu sína og getu sem
stjórnendur.“
– Hvað er þetta
langt nám?
„Þetta er fimmtán
mánaða nám og er að
mestu leyti kennt hér á
Íslandi, þrjá daga í
viku aðra hvora viku,
en síðan eru þrjár al-
þjóðlegar ráðstefnur þar sem
hittast fyrir nemendur frá öllum
þeim skólum sem taka þátt.“
– Hvað kostar MBA-námið?
„Reiknað er með að náms-
kostnaður með ferðalögum og
bókakostnaði verði um tvær
milljónir króna. Þetta nám er
lánshæft hjá LÍN.“
Agnar Hansson
 Agnar Hansson fæddist í
Reykjavík 1965. Hann lauk stúd-
entsprófi frá Menntaskólanum í
Reykjavík 1985 og kandídats-
prófi í stærðfræði og hagfræði
frá Háskólanum í Árhúsum í
Danmörku árið 1994. Hann staf-
aði við háskólakennslu í Árhús-
um og síðar við Háskóla Íslands.
Eftir heimkomu vann hann við
Íslandsbanka og Fjárfesting-
arbankann en er nú deildar-
forseti viðskiptadeildar Háskól-
ans í Reykjavík. Agnar er
kvæntur Guðrúnu Kjartans-
dóttur lyfjafræðingi og eiga þau
þrjú börn.
Nýtt við-
skiptanám –
millistig milli
fjarnáms og
staðarnáms
Solla er líka hrekkjusvín.
Í UNDIRBÚNINGI er ráðstefna
hér á landi í haust um umhverfis-
væna orkugjafa framtíðarinnar, með
áherslu á sérstöðu Íslands. Ráð-
stefnan fer fram að frumkvæði orku-
málanefndar Evrópuþingsins og
nokkurra erlendra stórfyrirtækja og
hefur ríkisstjórnin samþykkt að
styrkja ráðstefnuhaldið um 1,5 millj-
ónir króna. Gert er ráð fyrir að hing-
að komi um 20 háttsettir fulltrúar
vegna ráðstefnunnar.
Að sögn Valgerðar Sverrisdóttur,
iðnaðar- og viðskiptaráðherra, sem
kynnti málið í ríkisstjórn á þriðju-
dag, kemur ráðstefnan í kjölfar ann-
arrar svipaðrar sem haldin var í
Brussel sl. haust á vegum íslenskra
stjórnvalda um orkumál.
Undirbúningsfundur fyrir ráð-
stefnuna í september var í Brussel í
síðasta mánuði en fyrir hönd Íslands
sátu fundinn Tómas Ingi Olrich
þingmaður, Hjálmar Árnason þing-
maður og Þorsteinn Ingi Sigfússon
prófessor. „Við finnum fyrir miklum
áhuga í Evrópu á okkar orkumálum,
ekki síst vetninu sem orkugjafa, og
að þessi ráðstefna skuli vera haldin
sannar það,“ sagði Valgerður.
Fjölþjóðleg ráðstefna á Íslandi í haust
Fjallað um umhverfisvæna
orkugjafa framtíðarinnar
BORGARRÁÐ Reykjavíkur sam-
þykkti á þriðjudag að taka tilboði
Jarðborana hf. í borun 10 vatnskönn-
unarhola á Hellisheiði. Tilboðið
hljóðar upp á rúmlega 28 milljónir
króna en Innkaupastofnun hafði áð-
ur hafnað tilboði Jarðborana í verkið
sem hljóðaði upp á rúmlega 34 millj-
ónir.
Jarðbornir voru hins vegar eina
fyrirtækið sem sýndi verkinu áhuga
og var gengið til viðræðna við fyr-
irtækið þar sem náðist samkomulag
um breytingu á samningsupphæð-
inni.
Samið við
Jarðboranir
um boranir
á Hellisheiði
♦ ♦ ♦
ELDUR gaus upp í sjónvarpi í íbúð í
fjölbýlishúsi á Selfossi um miðnætti í
fyrrakvöld.
Húsráðandi mun hafa verið að
dytta að sjónvarpinu þegar eldurinn
kviknaði. Brást hann snöggt við og
kastaði sjónvarpinu út á svalir. Lítið
tjón varð en eitthvert þó af völdum
reyks. Íbúum í nærliggjandi íbúðum
mun þó hafa brugðið nokkuð við að-
farirnar, að sögn lögreglunnar á Sel-
fossi. Slökkviliðið reykræsti íbúðina.
Logandi
sjónvarp
♦ ♦ ♦