Morgunblaðið - 12.07.2001, Qupperneq 12
FRÉTTIR
12 FIMMTUDAGUR 12. JÚLÍ 2001 MORGUNBLAÐIÐ
HVALBÁTARNIR eru einmanaleg-
ir á að líta þar sem þeir liggja í
lygnum sjónum í Reykjavíkurhöfn á
góðviðrisdegi.
Morgunblaðið/Sigurður Jökull
Einir og yfirgefnir
SAMTÖK eigenda sjávarjarða voru
stofnuð í síðustu viku. Á stofnfund-
inum voru flutt erindi um aðdrag-
anda að stofnun samtakanna og hver
helstu hlunnindi sjávarjarða séu auk
þess sem lög voru sett fyrir félagið.
Megintilgangur félagsins að því er
segir í fréttatilkynningu er: „Að fá
útræðisrétt sjávarjarða virtan á ný
og staðfestan í gildandi lögum um
stjórn fiskveiða. Að auki að vinna að
því að eignarréttindi sjávarjarða,
innan netlaga, sem og tiltöluleg eign-
arhlutdeild í sjávarauðlindinni í heild
verði virt og í heiðri höfð.“
Kosið var í stjórn félagsins á fund-
inum og eru það Ómar Antonsson frá
Horni í Hornafirði, Björn Erlends-
son úr Reykjavík og Jónas Jóhann-
esson frá Öxney á Breiðafirði sem
skipa stjórnina.
Dr. Ole Lindquist, sagnfræðingur,
flutti erindi um frumnorrænan rétt
sjávarjarða til auðlinda við strendur
Íslands en hann hefur stundað rann-
sóknir á þessu sviði undanfarin ár.
Samtök eigenda
sjávarjarða stofnuð
Í ÁLITI umboðsmanns Alþingis,
sem greint var frá í Morgunblaðinu
á þriðjudag, er komist að þeirri nið-
urstöðu að dómsmálaráðuneytið og
Fangelsismálastofnun hafi brotið
andmælarétt á fanga sem vísað var
af áfangaheimili Verndar og færður
til afplánunar í fangelsi. Fanginn var
talinn hafa brotið gegn útivistar-
reglum heimilisins.
Björn Friðfinnsson, ráðuneytis-
stjóri í dómsmálaráðuneytinu, sagði
við Morgunblaðið að kæmi slíkt mál
upp á ný yrðu vinnubrögð í samræmi
við þær úrbætur sem umboðsmaður
lagði til í áliti sínu. Atvikið átti sér
stað í júlí 1999 en Björn segir að síð-
an þá hefði eftirliti hjá áfangaheimili
Verndar verið breytt og það sett í
fastari skorður. Björn á því ekki von
á að slíkt mál komi upp á ný.
Hann hafði ekki upplýsingar um
hvort fanginn hefði leitað eftir end-
urupptöku málsins. Það væri þó ljóst
að maðurinn hefði ekki farið eftir
reglum áfangaheimilsins. „Skrif-
finnskan var ekki í lagi en brotið var
hið sama,“ sagði Björn.
Guðgeir Eyjólfsson, forstjóri
Fangelsismálastofnunar, telur ólík-
legt að stofnunin eða áfangaheimilið
Vernd þurfi að breyta vinnubrögð-
um sínum í kjölfar álits umboðs-
manns Alþingis. Það verði þó kannað
nánar.
Guðgeir segir að um ár sé liðið síð-
an eftirlit var bætt á áfangaheim-
ilinu. Þá séu ákvarðanir um hvort
föngum sé vísað af heimilinu nú
teknar formlega af Fangelsismála-
stofnun. Þær ákvarðanir eru kæran-
legar til dómsmálaráðuneytisins.
„Í þeim tilfellum sem föngum er
vísað af Vernd er það venjulega
vegna þess að þeir hafa neytt áfengis
eða fíkniefna,“ sagði Guðgeir. Slíkt
sé yfirleitt auðsannanlegt. Hann tek-
ur þó fram að ekki sé algengt að
föngum sé vísað af Vernd, þó komi
alltaf upp einhver tilvik á hverju ári.
Þegar starfsfólk Verndar telur að
fangar hafi brotið reglur áfanga-
heimilisins eru fyllt út sérstök eyðu-
blöð með atvikalýsingu. Fangarnir
geta komið að sínum athugasemdum
á blöðin sem síðan eru send Fangels-
ismálastofnun. Stofnunin tekur síð-
an formlega ákvörðun um hvort
ástæða sé til að vísa fanganum frá
áfangaheimilinu.
„Þá fer það eftir atvikum hvort
fanganum er veittur andmælaréttur
eða ekki,“ sagði Guðgeir. Í áliti um-
boðsmanns kemur fram að and-
mælaréttur eigi ekki alltaf við. Liggi
rök hlutaðeigandi aðila fyrir í málinu
eða að það sé augljóslega ekki þörf á
því að hann tjái sig þarf ekki að veita
andmælaréttinn.
Fangelsismálastofnun um niðurstöðu umboðsmanns
Vinnubrögðum hef-
ur þegar verið breytt
SKIPUÐ hefur verið stjórn
Blóðbankans samkvæmt samn-
ingi um rekstur hans sem tók
gildi 1. júlí síðastliðinn, að því
er fram kemur á fréttavef
Landspítala – háskólasjúkra-
húss, LSH. Samkvæmt samn-
ingnum heyrir Blóðbankinn
undir forstjóra og fram-
kvæmdastjórn spítalans og ber
hann ábyrgð á starfsemi hans.
Rekstur
Blóðbank-
ans hefur
um leið verið
aðskilinn
fjárhagslega
frá öðrum
rekstri spít-
alans.
Forstöðu-
maður Blóð-
bankans
verður
Sveinn Guðmundsson sem hef-
ur verið yfirlæknir stofnunar-
innar.
Forstjóri LSH, Magnús Pét-
ursson, hefur skipað tvo af
fimm stjórnarmönnum Blóð-
bankans, þau Friðrik Pálsson,
viðskiptafræðing og stjórnar-
formann Símans og SÍF, sem
er formaður stjórnar, og Önnu
Lilju Gunnarsdóttur, fram-
kvæmdastjóra fjárreiðna og
upplýsinga LSH.
Landlæknir hefur skipað
Harald Briem sóttvarnarlækni
í stjórnina og Halldór Jónsson,
forstjóri FSA, er skipaður af
Landssambandi sjúkrahúsa.
Loks hefur Sigrún Árnadóttir,
framkvæmdastjóri Rauða
kross Íslands, verið skipuð af
Rauða krossinum í stjórnina.
Hlutverk stjórnarinnar er að
vera forstöðumanni Blóðbank-
ans til aðstoðar um mótun
stefnu í málefnum bankans, svo
og að tryggja að sjónarmið
hagsmunaaðila og almennings
um starfsemi Blóðbankans fái
komist að. Stjórnin hefur verið
skipuð til tveggja ára frá 22.
júní sl. og kemur væntanlega
saman í fyrsta sinn í næsta
mánuði, samkvæmt upplýsing-
um frá Landspítalanum.
Breytt
rekstrarform
Blóðbankans
Friðrik
stjórnar-
formaður
Friðrik
Pálsson
FRJÁLSLYNDI flokkurinn undir-
býr nú framboð í sveitarstjórnar-
kosningunum næsta vor. Ákveðið er
að bjóða fram lista í Reykjavík og
segir Margrét K. Sverrisdóttir,
framkvæmdastjóri flokksins, að
einnig sé framboð á Ísafirði í burð-
arliðnum. Sömuleiðis að reiknað sé
með framboði á Sauðárkróki, suður
með sjó og á Norðurlandi.
Aðallega sé stefnt á framboð í
sjávarbyggðum og að framboð sé í
undirbúningi á fimm, sex stöðum.
Hún segir þó að það gæti breyst þeg-
ar nær dregur, hugsanlega gæti
flokkurinn farið í samstarf við aðra
flokka í smærri byggðum.
Margrét segir að stillt verði upp á
lista. Prófkjör sé of dýrt og erfitt fyr-
ir lítinn flokk. Hún segir að nokkrir
hafi þegar ákveðið að gefa kost á sér
til framboðs í Reykjavík, en vill ekki
segja hversu margir það eru. Sjálf
ætlar hún að gefa kost á sér.
„Það er ekki búið að ákveða að ég
verði í fyrsta sætinu en ég myndi
ekki skorast undan ef menn teldu
það fýsilegan kost,“ segir Margrét.
„Ég kæri mig ekki um að fara sér-
staklega út í baráttumálin, við erum
búin að vinna drög að málefnahand-
bók og það er ekki fyrr en hún er
fullsmíðuð sem við gætum farið að
kynna sérstakar áherslur úr henni,“
segir Margrét. Hún segir borgar-
málaráð flokksins í sumarfríi en
næsta haust verði aftur hafist handa
við undirbúning framboðs.
Sjávarútvegsmálin verða ekkert
sérstaklega sett á oddinn, að sögn
Margrétar. „Mér finnst hálffurðu-
legt þegar ég er spurð að því. Þá
mætti alveg eins spyrja hvort Fram-
sóknarflokkurinn, sem oft hefur ver-
ið kallaður bændaflokkur, eigi bara
að sinna bændum og ekki bjóða fram
í borginni,“ segir hún.
Margrét segist telja að framboð
flokksins eigi mikla möguleika í
Reykjavík. Hún segist telja að Reyk-
víkingar séu ekki eins tryggir R-list-
anum og Sjálfstæðisflokki og oft er
með flokka á landsvísu.
„Ég held að fólk sé orðið dálítið
þreytt á þessum tveimur fylkingum
og að nýr listi gæti alveg náð ein-
hverju fylgi. Ég veit að við höfum
höfðað talsvert til sjálfstæðismanna
en ég held að við gætum náð fylgi frá
báðum,“ segir Margrét.
Frjálslyndir undirbúa framboð í
sveitarstjórnarkosningunum 2002
Ekki áhersla á
sjávarútveg
BORGARRÁÐ samþykkti með
þremur atkvæðum á fundi sínum í
fyrradag tillögu leikskólaráðs að
hækka gjaldskrá Leikskóla Reykja-
víkur 1. ágúst nk. um 10%. Sem
dæmi um gjaldskrárhækkunina
hækkar almennt gjald fyrir eitt barn
í átta tíma vistun, að meðtöldum há-
degisverði, úr 22.500 kr. á mánuði í
25 þúsund krónur. Námsmannagjald
fyrir sömu vistun verður 18.900 kr.
Í bókunum fulltrúa Reykjavíkur-
listans í leikskólaráði segir að
rekstrarskostnaður hafi hækkað
umtalsvert vegna nýgerðra kjara-
samninga og gjaldskrárhækkun því
verið óumflýjanleg. Sú regla hefur
verið viðhöfð að Reykjavíkurborg
greiðir 67% rekstrarkostnaðar að
jafnaði en foreldrar 33%. Í bókuninni
segir að væri þessari reglu fylgt út
árið þyrfti að hækka leikskólagjöld
um tæp 16% á þessu ári og um rúm
3% næsta ár. „Í ljósi þess ástands
sem nú ríkir í samfélaginu þykir ekki
æskilegt að halda sig við áðurnefnda
reglu og er þess þá að gæta að svo
mikil hækkun kemur illa við marga
foreldra og að ekki er vert að velta
henni út í verðlagið eins og málum er
háttað nú,“ segir m.a. í bókuninni.
Sjálfstæðismenn í minnihluta bók-
uðu á móti og bentu á að gjaldskrá
Leikskóla Reykjavíkur hefði hækk-
að um allt að 44% frá 1996. Þrátt fyr-
ir þessar hækkanir hefðu biðlistar
lengst jafnt og þétt og hefðu aldrei
verið lengri. „Ef að ná á þeim mark-
miðum að minnka biðlistana verður
að leggja áherslu á fjölbreyttari leið-
ir en nú er gert,“ segir í bókun full-
trúa Sjálfstæðisflokks.
Leikskólagjöld
hækka um 10%