Morgunblaðið - 18.08.2001, Blaðsíða 20

VIÐSKIPTI
20 LAUGARDAGUR 18. ÁGÚST 2001 MORGUNBLAÐIÐ
BÚNAÐARBANKI Íslands hf. sendi
Morgunblaðinu í gær eftirfarandi yf-
irlýsingu vegna ákvörðunar stjórnar
Verðbréfaþings Íslands hf. varðandi
viðskipti Búnaðarbanka Íslands hf.
með hlutabréf í Útgerðarfélagi Akur-
eyringa hf. þann 29. júní síðastliðinn:
„Með ákvörðun Verðbréfaþings Ís-
lands í dag (þ.e. föstudaginn 17.
ágúst; innskot Mbl.) um að aðhafast
ekki frekar varðandi viðskipti Búnað-
arbanka Íslands hf. með hlutabréf
Útgerðarfélags Akureyringa hf. hef-
ur stjórn Verðbréfaþings Íslands
staðfest að viðskipti bankans þann 29.
júní sl. hafi ekki brotið gegn reglum
fjármálamarkaðarins og að hags-
muna viðskiptavina hafi verið gætt.
Búnaðarbanki Íslands hf. fagnar
þessari niðurstöðu. Bankinn bendir
jafnframt á að þróun verðs hlutabréfa
Útgerðarfélags Akureyringa hf. í júlí
og ágúst staðfestir að það verð sem
myndaðist í viðskiptum bankans þann
29. júní sl. var í samræmi við mark-
aðsaðstæður.
Búnaðarbanki Íslands hf. fagnar
einnig þeirri ákvörðun Verðbréfa-
þings Íslands hf. að senda þingaðilum
leiðbeiningar um viðskipti með skráð
verðbréf nálægt þeim dagsetningum
sem skipta máli varðandi uppgjör
skráðra fyrirtækja. Slíkt er til þess
fallið að skýra betur leikreglur fjár-
málamarkaðarins. Þannig munu slík-
ar reglur gera starfsfólki fjármálafyr-
irtækja ljósara hvernig haga beri
viðskiptum. Þá munu slíkar reglur
einnig skýra hvernig Verðbréfaþingi
ber að haga afskiptum sínum af þeim
viðskiptum sem það telur ástæðu til
að taka til skoðunar.
Búnaðarbanki Íslands hf. þakkar
Verðbréfaþingi Íslands hf. fyrir gott
samstarf við athugun þessa máls.
Bankinn minnir jafnframt á mikil-
vægi þess að mál af þessu tagi séu
tekin til meðferðar hratt og afstaða
eftirlitsaðila liggi fljótt fyrir þar sem
tafir geta skaðað hagsmuni þeirra
sem að máli koma.“
Yfirlýsing Búnaðarbanka
vegna ákvörðunar VÞÍ
Í NIÐURFELLINGU viðskipta
Búnaðarbankans með hlutabréf Út-
gerðarfélags Akureyringa 29. júní
síðastliðinn, við ákvörðun á loka-
verði þess dags, felst engin afstaða
Verðbréfaþings til þess hvort þar
hafi verið um brot á reglum að ræða
eða ekki, segir Ólafur Arinbjörn
Sigurðsson, lögfræðingur þingsins.
Hann segir mjög mikilvægt að
menn hafi skilning á þessu. Þingið
þurfi að bregðast hratt við, því ekki
sé hægt að breyta verði hlutabréfa
langt aftur í tímann.
Stjórn Verðbréfaþings Íslands
ákvað á fundi í fyrradag að aðhafast
ekkert í máli einstakra þingaðila
vegna viskipta þeirra með hlutabréf
í lok síðasta ársfjórðungs. Þingið
mun hins vegar senda öllum þing-
aðilum bréf á næstunni, þar sem
fjallað verður um viðskipti í lok dags
og lok uppgjörstímabils.
Refsing ekki markmið
Verðbréfaþings
Ólafur segir að hjá Verðbréfa-
þinginu hafi þótt ástæða til að fylgj-
ast með verðbréfaviðskiptum á við-
kvæmum tímapunktum á árinu, þar
sem svo virtist sem ákveðið við-
skiptamynstur hefði komið fram.
Grunur hafi leikið á að reynt hafi
verið að hafa áhrif á lokaverð hluta-
bréfa félaga. Nokkur viðskipti hafi
verið skoðuð vegna þessa, ekki ein-
göngu þau sem nefnd hafa verið á
opinberum vettvangi, samanber við-
skipti Búnaðarbankans með hluta-
bréf Útgerðarfélags Akureyringa.
Viðskipti Búnaðarbankans með
hlutabréf ÚA hinn 29. júní síðastlið-
inn hafi þó verið einu viðskiptin sem
Verðbréfaþingið felldi niður.
„Við teljum að þau mál sem við
höfum verið að skoða gefi tilefni til
þess að gera þingaðilum á mark-
aðinum betur grein fyrir því hvað
það er sem þingið telur vera óeðli-
lega verðmyndunarumræðu á við-
kvæmum tímapunktum. Það er sam-
eiginlegt verkefni þeirra sem að
þessum málum koma að verðbréfa-
markaðurinn sé eins trúverðugur og
unnt er. Það er hins vegar ekki
markmið Verðbréfaþings að refsa
einum eða öðrum en fullkomlega
eðlilegt að þingið taki viðskipti til
skoðunar. Hins vegar beitir þingið
viðurlögum í þeim tilvikum þegar
ljóst er að reglur þingsins hafa verið
brotnar. Hafi þingið hins vegar
ástæðu til að ætla að lög á verð-
bréfamarkaði hafi verið brotin er
því skylt samkvæmt kauphallalög-
um að senda mál áfram til Fjár-
málaeftirlitsins.“
Ólafur segir að niðurfærsla á
verði hlutabréfa Útgerðarfélags Ak-
ureyringa hafi verið eðlileg á sínum
tíma en ítrekar að í henni felist ekki
afstaða til þess hvort brot hafi verið
framin. „Við lítum á eftirlit Verð-
bréfaþingsins sem þjónustu við
verðbréfamarkaðinn í þeim tilgangi
að gera hann betri,“ segir Ólafur.
Engin afstaða
VÞÍ til hugsan-
legra brota
HAMPIÐJAN hf. skilaði 91 millj-
ón króna hagnaði á fyrri hluta árs-
ins en hagnaður sama tímabils í
fyrra nam 162 milljónum króna.
Hagnaðurinn dróst því saman um
tæp 44% á milli ára. Mestu munaði
um nær áttfalda aukningu fjár-
magnsgjalda sem stafar fyrst og
fremst af gengislækkun krónunn-
ar.
Hagnaður samstæðunnar fyrir
afskriftir og fjármagnsliði,
EBITDA, hefur aukist um 74% á
milli ára, er nú 262 milljónir króna
en 150 milljónir króna í fyrra.
Rekstrarhagnaður félagsins nam
206 milljónum króna fyrstu sex
mánuði ársins og er það tæpum
94% hærra en árið áður. Fjár-
magnsgjöld námu hins vegar 205
milljónum í ár og hagnaður fyrir
óreglulega liði nemur því tæplega
einni milljón króna.
Söluhagnaður eigna nemur 117
milljónum, þar af eru 16 milljónir
króna vegna sölu hlutabréfa en 99
milljónir króna eru tekju- og eign-
færðar vegna byggingar skrif-
stofu- og verslunarhúsnæðis.
Eigið fé hefur aukist lítillega en
eiginfjárhlutfall reyndist 29% í lok
júní og hefur lækkað úr 34% frá
áramótum en það var 40% í lok
júní í fyrra. Veltufé frá rekstri er
193 milljónir króna sem er nær
69% aukning frá sama tíma árið
áður.
Salan hefur gengið vel, að því er
segir í tilkynningu frá félaginu,
verkefnastaða er góð og framlegð-
in hefur batnað mikið. Þá segir að
samkeppnisstaða félagsins í út-
flutningi hafi batnað verulega í
kjölfar lækkunar krónunnar og
horfurnar séu þokkalegar á síðari
hluta ársins. Þó beri að hafa í huga
að hagnaður félagsins hafi jafnan
verið meiri á fyrri hluta árs.


  

 






  
  
       
 
  

 
       
  
  
  



   
 


!
 
 
 
   " ! 
#!$ %
 
!"##
!$%&
 '(#$


)
#

'((
'&

!"
*!(%$
!&+#
(+


%*
'"$
(% #,
&'()
&&((
!"#
*')
$!
'+'
,-
%&'
*).
*/


&--)
&+0/
&..

&&.
*&0'
.(1(2
'()%*
'')(*
(&)+*
#($)%*
,(()'*
,'()#*
,'()(*
,'&)#*
'$)"*
-')-*
-)+*
$!)%*
'$)"*
#$)#*
,'')"*

 


   
 .  
 .  
 .  


 
   *#!#+! *#!#+!
  
    


Hagnaður Hampiðjunnar 91 milljón króna á fyrri hluta árs
Fjármagnsgjöldin átt-
földuðust á tímabilinu
HAGNAÐUR Jarðborana hf. á
fyrstu sex mánuðum ársins 2001
nam rúmum 12 milljónum króna sem
er 72% minni hagnaður en á sama
tímabili í fyrra. Rekstrarhagnaður
var þó svipaður og í fyrra, fór úr 64 í
63 milljónir. Hins vegar námu fjár-
magnsgjöld nú 39 milljónum króna
miðað við 2 milljóna króna fjármuna-
tekjur árið áður. Jafnframt hefur
arðsemi eigin fjár minnkað, úr 13% í
fyrra í 3% nú.
Óhagstæð gengisþróun á upp-
gjörstímabilinu hefur verið Jarðbor-
unum erfið, að því er segir í tilkynn-
ingu félagsins til VÞÍ. Því sé ljóst að
verði áfram miklar sveiflur í geng-
ismálum muni það hafa áhrif á rekst-
ur félagsins en tekið er fram að af-
koma þess hafi jafnan verið betri á
síðari hluta árs en þeim fyrri.
Rekstrartekjur félagsins jukust
um tæp 27% á milli ára en rekstr-
argjöld hækkuðu um rúm 32%.
Þá reyndist eiginfjárhlutfallið í lok
júní vera rúm 63% og hefur minnkað
úr tæpum 70% frá lokum júní í fyrra.
Veltufé frá rekstri jókst um 25% á
milli ára en handbært fé félagsins
minnkaði um 53%.
Verkefnastaða félagsins fyrir líð-
andi ár er sögð góð og félagið telur
að með umfangsmiklum breytingum
sem framundan eru í orkumálum
hérlendis skapist því spennandi
sóknarfæri í framtíðinni.





  
  
     




   
 


!

   " ! 
#! 3  


 
"  
  


  

$(&
&+
'*%


!###
&%
"&(


#$
"
* ,
+* (,
( #
+)
.&+
+./
#'
'
##
''


+'-
,0-
&(-)
-.
+/
&'1/2
)/1-2
&1/
).
%#)$*
&%)!*
,%)%*
,#')+*
,'$)$*
,-%)%*
%%)$*
'()(*
!!)!*
%%)$*
%+)%*
,+&)!*
')-*
  

 


   
 .  
 .  
 .  


 
   *#!#+! *#!#+!
  
    


Hagnaður Jarð-
borana dróst
saman um 72%
MORGUNBLAÐINU barst í gær
eftirfarandi tilkynning frá Verð-
bréfaþingi Íslands varðandi athugun
þingsins á hlutabréfaviðskiptum 29.
júní 2001:
„Verðbréfaþing Íslands hefur að
undanförnu kannað til hlítar við-
skipti nokkurra þingaðila með hluta-
bréf skráðra félaga í lok síðasta árs-
fjórðungs. Við greiningu á viðskipta-
og verðmynstri vöknuðu grunsemdir
að þingaðilar hefðu reynt að hafa
áhrif á markaðsverð bréfanna með
óeðlilegum hætti. Viðskipti í lok árs-
fjórðungs eru þýðingarmikil því
dagslokaverðið er notað til viðmið-
unar í árshlutauppgjörum fyrir-
tækja og sjóða. Í einu tilviki var
ákveðið að telja viðkomandi viðskipti
ekki með við ákvörðun dagsloka-
verðs (sjá frétt frá þinginu 13. júlí
2001). Fram hefur komið opinber-
lega að Búnaðarbanki Íslands átti
hlut að þeim viðskiptum. Rétt er að
undirstrika að með niðurfellingu við-
skipta úr dagslokaverði felst ekki
mat á því hvort reglur hafi verið
brotnar. Eðli máls samkvæmt er
ekki unnt að draga nema í nokkra
daga að ákveða að fella niður við-
skipti úr dagslokaverði en rannsókn
mála getur hins vegar tekið mun
lengri tíma.
Verðbréfaþing hefur ákveðið að
aðhafast ekki í málum einstakra
þingaðila að þessu sinni vegna við-
skipta þeirra með hlutabréf í lok síð-
asta ársfjórðungs. Þingið mun hins
vegar senda öllum þingaðilum bréf á
næstunni, þar sem fjallað verður um
viðskipti í lok dags og lok uppgjörs-
tímabils. Þar mun þingið gera grein
fyrir þeim atriðum sem það telur að
þingaðilar þurfi að gæta að og til-
greina dæmi um óeðlilegt viðskipta-
og verðmynstur. Þá verða rifjuð upp
þau úrræði sem þingið getur gripið
til ef út af er brugðið og greint frá því
að þingið muni hiklaust beita þeim ef
ástæða þykir. Loks verður bent á að
þinginu beri skylda til að vísa málum
til Fjármálaeftirlitsins ef grunur
vaknar um brot á ákvæðum um
markaðsmisnotkun í lögum um verð-
bréfaviðskipti. Með þessu móti telur
Verðbréfaþing að þingaðilar eigi að
verða sér betur meðvitaðir en áður
um afstöðu þingsins á þessu sviði og
hvernig það muni bregðast við fram-
vegis ef út af ber.“
Verðbréfaþing Íslands vegna viðskipta 29. júní
Öllum þingaðilum sent
bréf til upplýsingar