Morgunblaðið - 18.08.2001, Qupperneq 29

UMRÆÐAN
MORGUNBLAÐIÐ LAUGARDAGUR 18. ÁGÚST 2001 29
HINN 21. júlí birtist
á síðum þessa blaðs
grein sem Kolbrún
Benediktsdóttir stúd-
entaráðsliði Röskvu
var skrifuð fyrir. Þar
var farið fögrum orðum
um ötult starf Stúd-
entaráðs Háskóla Ís-
lands í þágu foreldra
sem stunda nám við
HÍ.
Þar stóð meðal ann-
ars: „Almennt er leik-
skólum lokað kl. 17 en
þá stendur oftar en
ekki enn yfir kennsla í
mörgum kennslustof-
um háskólans. Væntan-
lega kysu flestir háskólanemar að
vera búnir fyrr á daginn en þetta
kemur einna verst niður á barna-
fólki.“
Einnig ritaði Kolbrún: „Þá skapast
vandræði þar sem próftöflur í háskól-
anum birtast ekki fyrr en um miðja
önn.“
Það er ánægjulegt að Kolbrún
Benediktsdóttir skuli opinberlega til-
einka sér málflutning Vöku þar sem
hún var efst á framboðslista Röskvu
fyrr á þessu ári.
Taka þarf mið af
þörfum foreldra
Í grein Ingu Lindar Karlsdóttur
stúdentaráðsliða Vöku sem birtist
hér í Morgunblaðinu þann 29. maí
maí má lesa eftirfarandi: „Vaka legg-
ur áherslu á að stundaskrár taki mið
af þörfum foreldra. Foreldrar eiga
erfitt með að sækja kennslustundir
þegar þeim lýkur ekki fyrr en klukk-
an 18 eins og dæmi eru um, en leik-
skólum er yfirleitt lokað klukkan 17.“
Og einnig stóð: „Vaka leggur enn
fremur áherslu á að við smíð próf-
taflna sé tekið mið af hagsmunum
foreldra.
Það þarf að sjá til þess að stúd-
entar komist í kennslustundir og geti
sinnt námi sínu sem skyldi. Þá er og
mikilvægt að námsmenn í öllum
deildum geti séð hvernig stundaskrár
og próftöflur munu koma til með að
líta út strax við skráningu í tiltekin
fög.“
Eitt af helstu baráttumálum Vöku
eru málefni sem varða fjölskyldufólk
í Háskólanum. Það er þess vegna sér-
lega gleðilegt að stúdentaráðsliði
Röskvu leggi nú kapp á að koma
stefnumálum Vöku í höfn. Undar-
legri er þó tilhneiging Röskvuliðans
til að eigna sér árangur Vöku í þess-
um málaflokki.
Lítil áhersla verið lögð
á málefni fjölskyldufólks
Ástæða þess að Vaka lagði svo
mikla áherslu á fjölskyldumál í HÍ er
sú að þrátt fyrir að stór hluti stúd-
enta við skólann séu foreldrar hefur
helst til lítil áhersla verið lögð á þau
atriði sem þeir þarfnast til að geta
stundað nám sitt með góðu móti.
Raunar er vægt til orða tekið að lít-
il áhersla hafi verið lögð á þennan
málaflokk. Réttara er að undir for-
ystu Röskvu hefur í áratug lítið sem
ekkert verið að gert til að auðvelda
foreldrum að stunda nám við skól-
ann. Dagvistunarplássum hefur að
vísu fjölgað en að sama skapi hafa
leikskólagjöld hækkað hlutfallslega
mest hjá námsmönnum, eða úr 12.000
krónum árið 1992 í 18.920 árið 2001.
Leikskólagjöldin dýr
Leikskólaráð Reykjavíkurborgar
hefur nú samþykkt gjaldskrárhækk-
anir hjá leikskólum borgarinnar. Til-
lögur Reykjavíkurborgar gerðu ráð
fyrir að hækka gjaldskrá leikskóla
borgarinnar um 10 til 13%. Hækk-
anir borgarinnar eru því umtalsverð-
ar og koma illa við þá sem hafa minna
á milli handanna, t.d. stúdenta við
Háskóla Íslands. Athygli vekur að
hlutfallslega mesta hækkunin hefur
orðið hjá stúdentum. Og nú er það
svo að dýrara er að greiða leikskóla-
pláss fyrir einn mánuð en innritunar-
gjöldin við Háskóla Íslands, en þau
gjöld greiðast einu sinni á ári. Svo
virðist sem Reykjavíkurborg sé með
gjaldskrárhækkunum að varpa
hækkunum vegna kjarasamninga við
leikskólakennara yfir á foreldra.
Þegar síðustu gjaldskrárhækkanir
Leikskóla Reykjavíkur voru teknar
fyrir á fundi stjórnar leikskólaráðs
þar á bæ, var áheyrnarfulltrúi Stúd-
entaráðs hjá Leikskólum Reykjavík-
ur og jafnframt Röskvuliði, Guð-
mundur Reynir Georgsson, ekki
viðstaddur. Guðmundur óskaði ekki
eftir því að fá að vera viðstaddur
fundinn þrátt fyrir að ræddar yrðu
hækkanir sem bitna á námsmönnum.
Kolbrún Benediktsdóttir mót-
mælti svo á síðasta fundi Stúdenta-
ráðs, þann 24. júlí sl., umræddum
hækkunum hálfum mánuði eftir að
Vaka sendi frá sér ályktun um málið
sem birtist í ýmsum fjölmiðlum.
Svona vinnur Röskva að bættum hag
stúdenta við Háskóla Íslands. Þannig
fer þeirra ötula starf fram.
Fjölskyldunefnd HÍ stofnuð
að frumkvæði Vöku
Í áðurnefndri grein Kolbrúnar lýs-
ir hún og ánægju sinni með stofnun
fjölskyldunefndar Háskóla Íslands.
Það sem Kolbrún kýs að nefna ekki
er sú staðreynd að það er að frum-
kvæði Vöku sem nefndin er stofnuð. Í
árlegu boði rektors fyrir Stúdentaráð
voru það fulltrúar Vöku sem lögðu
áherslu á að móta þyrfti fjölskyldu-
stefnu Háskólans. Óhætt er að segja
að rektor hafi tekið undir þann mál-
flutning því hann ákvað í þessu sama
boði að stofna starfshóp sem móta
skyldi fjölskyldustefnu HÍ.
Vaka lítur á skipan þessa starfs-
hóps sem mikla viðurkenningu og um
leið mikið framfaraspor í hagsmuna-
baráttu stúdenta.
Stefnumálum Vöku
komið í höfn
Þorbjörg
Gunnlaugsdóttir
Fjölskyldustefna
Það sem Kolbrún kýs
að nefna ekki er sú
staðreynd, segja Inga
Lind Karlsdóttir og
Þorbjörg Gunnlaugs-
dóttir, að það er að
frumkvæði Vöku
sem fjölskyldunefnd
HÍ er stofnuð.
Inga Lind Karlsdóttir situr í fjöl-
skyldunefnd HÍ fyrir Vöku. Þorbjörg
Gunnlaugsdóttir er oddviti Vöku.
Inga Lind
Karlsdóttir


 
 Mörkinni 3, sími 569 1358.
OPIÐ Í DAG 10—16
ÚTSALA ÚTSALA ÚTSALA ÚTSALA ÚTSALA ÚTSALA ÚTSALA
10—40% afsláttur