Morgunblaðið - 09.09.2001, Blaðsíða 38

MINNINGAR
38 SUNNUDAGUR 9. SEPTEMBER 2001 MORGUNBLAÐIÐ
Blómastofa
Friðfinns,
Suðurlandsbraut 10,
sími 553 1099, fax 568 4499.
Blómaskreytingar við öll tilefni
Opið til kl. 19 öll kvöld
ÚTFARARSTOFA
HAFNARFJARÐAR
Stapahrauni 5, Hafnarfirði, sími 565 5892
www.utfararstofa.is
ÚTFARARSTOFA ÍSLANDS
Sjáum um alla þætti sem hafa ber í huga
er andlát verður, í samráði við aðstandendur
Sími 581 3300
Allan sólarhringinn — www.utforin.is
Suðurhlíð 35, Fossvogi
Sverrir
Olsen
útfararstjóri
Sverrir
Einarsson
útfararstjóri
Kistur
Krossar
Duftker
Gestabók
Legsteinar
Sálmaskrá
Blóm
Fáni
Erfidrykkja
Tilk. í fjölmiðla
Prestur
Kirkja
Kistulagning
Tónlistarfólk
Val á sálmum
Legstaður
Flutn. á kistu milli landa
Landsbyggðarþjónusta. Áratuga reynsla.
Bryndís
Valbjarnardóttir
útfararstjóri
✝ Bergsveinn Sig-urðsson fæddist á
Ísafirði 21. apríl
1936. Hann lést á
Landspítalanum við
Hringbraut 31. ágúst
síðastliðinn. Foreldr-
ar Bergsveins voru
Sigurður Pétursson,
f. á Vatnsleysu í Gull-
bringusýslu 20. des.
1904, d. 1986, og
Björg Sigríður Berg-
sveinsdóttir, f. á Ísa-
firði 17. feb 1911, d.
1958. Bergsveinn ólst
upp á Siglufirði hjá
móðursystur sinni Ólínu Berg-
sveinsdóttur og manni hennar Sig-
urði Sveinssyni. Bergsveinn átti tvo
bræður, Halldór og Sigurð Einar,
sem er látinn. Uppeldissystur hans
eru Lilly, Gunnhildur og Nanna
Björg. Hálfsystkini Bergsveins,
samfeðra, eru Guðlaug, Sveinn,
Pétur, Agnes og Gunnar. Hinn 21.
september 1957 gekk Bergsveinn
að eiga Kristínu Ruth Jónsdóttur, f.
28. maí 1937. Foreldrar hennar
vélvirkjun í vélsmiðjunni Dynjanda
um nokkurt skeið og síðan í vél-
smiðjunni Kletti í Hafnarfirði á ár-
unum 1960–1967, þar sem hann
gegndi jafnframt verkstjórastöðu.
Hann höf störf sem yfirverkstjóri
Áhaldahúss Hafnarfjarðar 1967 og
starfaði þar í rúm 30 ár. Árið 1997
tók hann við starfi stöðvarstjóra
Hreinsistöðvar Hafnarfjarðar, sem
hann gegndi til síðasta dags. Berg-
sveinn var í stjórn Verkstjórafélags
Hafnarfjarðar frá 1968–1993, rit-
ari félagsins á árunum 1972–1983
og formaður frá 1983 til 1993.
Hann var gerður að heiðursfélaga
Verkstjórafélags Hafnarfjarðar á
60 ára afmæli félagsins 2. desem-
ber síðastliðinn. Bergsveinn var í
fjórtán ár í stjórn Verkstjórasam-
bands Íslands, þar af var hann átta
ár ritari og sat í samninganefnd
VSSÍ í átta ár. Árið 1988 var hann
sæmdur gullmerki sambandsins á
50 ára afmæli þess. Hann var í
stjórn lífeyrissjóðs verkstjóra sam-
fleytt frá 1981–1996. Bergsveinn
söng með Karlakórnum Þröstum í
mörg ár og var einn af aðalhvata-
mönnum að stofnun Kórs eldri
Þrasta, sem hann söng einnig með.
Útför Bergsveins fer fram frá
Víðistaðakirkju í Hafnarfirði á
morgun, mánudaginn 10. sept., og
hefst athöfnin klukkan 13.30.
voru Jón Pálsson, f. 3.
maí 1913, d. 1986, og
Sigríður Ingibjörg
Kristinsdóttir, f. 23.
ágúst 1905, d. 1973.
Börn Bergsveins og
Kristínar Ruthar eru
1) Inga Jóna, f. 22. des
1954, maki Steindór
Guðmundsson, þeirra
synir eru Guðmundur
Stefán og Sigurður
Páll. 2) Guðrún Ólína,
f. 5. ágúst 1957, maki
Guðmundur Ragnar
Ólafsson, börn þeirra
eru Bergsveinn, Stein-
unn Rut og Ólafur Andrés. 3) Jón, f.
8. des. 1960, maki Ásdís Árnadótt-
ir, þeirra börn eru Sigurlaug,
Kristín Rut og Árni Pétur. 4) Björg,
f. 12. maí 1962, maki Eggert Dag-
bjartsson, þeirra börn eru Nína
Ruth, Baldur Þór og Hrafnhildur
Sif. 5) Bergsveinn Sigurður, maki
Gígja Hrönn Eiðsdóttir, dætur
þeirra eru Katrín Erla og Björg.
Bergsveinn var með meistara-
próf í vélvirkjun. Hann starfaði við
Það var mikið áfall þegar Berg-
sveinn greindist með krabbamein
seinnipart síðastliðins vetrar og
hófst þá erfið barátta. Hann stóð
eins og klettur meðan stætt var og
tók hverju áfallinu af öðru með
æðruleysi og kjarki.
Bergsveinn hafði rólegt yfir-
bragð. Hann var hávaxinn og
myndarlegur. Hann var mikið
snyrtimenni, hafði yndi af að sýsla
við hluti og var mjög laghentur.
Það var mikið sem hann var búinn
að dytta að og byggja upp fyrir
austan í „Kotinu“, en þar höfðu þau
hjónin byggt upp lítinn unaðsreit
þar sem þau undu sér vel yfir sum-
artímann.
Ef einhver stóð í framkvæmdum
í fjölskyldunni var gott að leita til
hans með ráðleggingar og var hann
boðinn og búinn að rétta fram að-
stoð og hjálpa til við að leysa úr
vandamálum. Er skemmst að minn-
ast á húsbyggingu í fjölskyldunni
sem hann fylgdist með af áhuga í
veikindunum og kom í reglulegar
eftirlitsferðir meðan heilsan leyfði.
Barnelskur var hann og hafði gam-
an af að gefa barnabörnunum smá
nammi og snúast í kringum þau. Ég
minnist jólaboðanna hér áður fyrr
þegar afi lumaði á glaðningi í poka í
formi smá pakka til hvers og eins.
Hann var vakinn og sofinn yfir
velferð sonar míns sem hann var
óþreytandi að leika við ásamt því að
útbúa sérútbúna leikhluti til að auð-
velda leikinn og gera hann
skemmtilegri.
Ég kveð Bergsvein tengdaföður
minn með hlýjum huga og vil að
leiðarlokum þakka honum sam-
fylgdina. Blessuð sé minning hans.
Ásdís.
Kæri Bergsveinn.
Því miður náðum við ekki að
kynnast eins vel og ég hefði viljað
en okkar tengsl voru og eru í gegn-
um fólk sem þótti afskaplega vænt
um þig. Þú varst ljós í lífi þeirra og í
návist þinni fundu þau huggun og
hlýju vitandi að vegna þín væri
heimurinn betri staður. Hér er ég
að tala um dóttur þína og börnin
mín þrjú, sem öll litu mjög upp til
þín. Ég vildi að þú hefðir ekki farið
svona fljótt frá okkur, því ég hafði
gert ráð fyrir þér hér með okkur og
það getur enginn komið í þinn stað.
Ég hefði átt að segja þér þetta allt
fyrr. Ég vildi líka að ég hefði þakk-
að þér fyrir þinn hlut í að koma
Björgu inn í þennan heim. Hún er
stærsta uppspretta hamingju
minnar og án þín væri hún ekki hér
og ég væri fátækari fyrir vikið.
Ég veit að ég ætti í raun að
kveðja þig með orðunum „hvíldu í
friði“ en það ætla ég ekki að gera. Í
staðinn vona ég að þú sért á betri
stað núna þar sem þú getur litið eft-
ir okkur við og við. Okkur þætti
vænt um að þú heimsæktir okkur
þegar þú heldur að við þurfum á
ráðleggingum og aðstoð að halda.
Þú ert ávallt velkominn í heimsókn.
Þinn tengdasonur,
Eggert Dagbjartsson.
Elsku afi, mikið finnst mér leið-
inlegt að þú sért farinn frá okkur og
við hittum þig ekki aftur. Mér
fannst svo gaman að koma í heim-
sókn á sunnudögum að leika við þig
og fá smánammi. Þú smíðaðir þetta
flotta mark handa mér sem við
höfðum uppi á borði og svo lékum
við okkur í handbolta í hvert sinn
sem ég kom.
Takk fyrir allt, elsku besti afi.
Árni Pétur.
Nú ertu farinn og það er svo of-
boðslega skrítið. Við vitum að þér
líður betur þar sem þú ert núna. En
það er bara svo erfitt að sætta sig
við það að fá aldrei að sjá þig aftur.
Við viljum þakka þér, elsku afi,
fyrir allt það sem þú hefur kennt
okkur og gert fyrir okkur. Þú varst
alltaf svo góður við okkur öll og
aldrei var langt í grínið hjá þér. Við
munum aldrei gleyma því þegar þú
keyrðir með okkur á pallbíl niður
Strandgötuna, eldsnemma á laug-
ardagsmorgni, syngjandi afmælis-
sönginn til Nonna.
Við söknum þín sárt, elsku besti
afi.
Sofðu rótt.
Rut og Ólafur.
Elsku afi minn. Núna þegar þú
ert fallinn frá og kominn á annan
stað langar mig til að kveðja þig
með nokkrum línum. Þakka þér
fyrir allt það sem þú hefur gefið
mér, þær stundir sem við höfum átt
saman, þann styrk sem þú hefur
veitt mér frá því að ég var smá-
strumpur og þá alúð sem þú hefur
ávallt sýnt mér.
Einhvern veginn veit ég, afi
minn, að þú átt alltaf eftir að vaka
yfir mér og leiðbeina mér því það
hefur þú gert síðan ég fæddist. Ég
á aldrei eftir að geta þakkað þér
nóg fyrir allt það sem þú hefur gert
fyrir mig í gegnum tíðina en minn-
inguna um þig mun ég varðveita
innst í hjarta mér og ég mun aldrei
gleyma þér.
Er það mín heitasta ósk af öllum
að þú njótir verndar guðs almátt-
ugs á þeim stað þar sem þú ert
núna gegn þeim meinum sem
hrjáðu þig hér á jarðríki undir lok-
in. Það að vita að þér líði vel og sért
umvafinn ást og hlýju æðri máttar
gerir mér kleift að brosa og hugsa
til þín með hlýju í hjarta.
Vertu bless, elsku afi minn.
Þinn
Bergsveinn.
Góður vinur og fyrrverandi sam-
starfsmaður hjá Hafnarfjarðarbæ,
Bergsveinn Sigurðsson, er fallinn
frá á besta aldri eftir harða og
snarpa baráttu við hinn illvíga sjúk-
dóm sem krabbameinið er.
Þeir eru sennilega fáir, Hafnfirð-
ingarnir sem komnir eru til vits og
ára, sem þekktu ekki til þessa háa
og myndarlega manns, sem stýrði
áhaldahúsi bæjarins með miklum
skörungsskap um áratugaskeið.
Hann átti samskipti við þúsundir
bæjarbúa á þessum árum. Að vera í
forsvari til margra áratuga fyrir
rekstri fjölþættrar þjónustustofn-
unar eins og áhaldahúsið er reynir
á skipulagshæfileika, frumkvæði og
dugnað. Og af þessum eiginleikum
hafði Bergsveinn nóg. Fastir
starfsmenn áhaldahússins skiptu
fleiri tugum, og enn fleiri yfir sum-
armánuðina, og verksviðið var
býsna breitt – gerð og viðhald
gatna, framkvæmdir við og umsjón
með vatnsveitu og holræsakerfi,
stjórn fegrunarframkvæmda af
ýmsum toga, framkvæmd snjó-
moksturs, viðhald og eftirlit með
mannvirkjum í eigu bæjarfélagsins,
auk smárra og stórra viðvika fyrir
bæjarbúa og atvinnufyrirtæki í
bænum. Af þessari upptalningu,
sem er engan veginn tæmandi, má
því ljóst vera að starfssvið Berg-
sveins og samstarfsmanna hans í
áhaldahúsi bæjarins snerti í raun
velflest þau svið, sem lúta að al-
mennri grundvallarþjónustu við
íbúa eins bæjarfélags. Og þessi fjöl-
þættu verkefni léku í höndum
Bergsveins. Hann þekkti vel til
staðhátta í bænum og jafnframt til
þarfa bæjarbúa og þeir á sama hátt
til hans traustu og góðu starfa.
Vafalaust var Bergsveinn Sig-
urðsson ekki alltaf allra. Hann gat
verið býsna fastur fyrir, ef því var
að skipta, jafnvel þrjóskur, eins og
dugnaðarforka er stundum háttur.
Hann vildi láta hlutina ganga fram
hratt og örugglega og án útúrdúra.
En sanngirnin var honum jafn-
framt í blóð borin.
Við sem þessum línur ritum átt-
um þess báðir kost að vera yfir-
menn Bergsveins á stóli bæjar-
stjóra á árunum 1986–1998. En þó
öllu fremur samstarfsmenn, því
samskipti bæjarstjóra og yfirverk-
stjóra áhaldahússins á þessum ár-
um lutu aldrei hinum formlegu lög-
málum yfirmanns og undirmanns.
Menn ræddust við á jafnréttis-
grundvelli. Þar var á ferðinni gagn-
kvæmt traust sem þróaðist í vin-
áttu. Við fundum það báðir, að
Bergsveinn hafði full tök á þeim
verkefnum sem á hans könnu voru,
hann hafði jákvæðan metnað fyrir
áhaldahúsinu, var annt um karlana
sína og gerði sér jafnframt glögga
grein fyrir mikilvægi góðra sam-
skipta við bæjarbúa. Hann gætti
þess einnig í hvívetna að halda
kostnaði niðri við þau verkefni sem
í var ráðist. Það reyndi því aldrei á
boðvald okkar bæjarstjóranna yfir
þessum undirmanni. Bergsveinn
einfaldlega hófst handa við verk-
efnin, þegar um þau hafði verið tek-
in ákvörðun, og lauk þeim hratt og
vel. Það var gott að eiga Bergsvein
að.
Bergsveinn var mikill fjölskyldu-
maður. Honum var annt um fólkið
sitt. Eiginkona hans, Ruth Jóns-
dóttir, var honum kær eins og börn-
in fimm, Ólína, Jón, Björg, Berg-
sveinn og Inga Jóna, sem og makar
þeirra og barnabörn. Þeirra missir
er mikill og sár. Þeim og öðrum ást-
vinum Bergsveins Sigurðssonar
sendum við okkar innilegustu sam-
úðarkveðjur.
En minningin um góðan mann lif-
ir áfram.
Guðmundur Árni
Stefánsson,
Ingvar Viktorsson.
Elsku afi. Það verður skrítið að
koma til Íslands og enginn afi til að
heimsækja á sjöundu hæðinni, eng-
inn afi til að skreppa með okkur út í
sjoppu og enginn afi til að fara með
í vinnuna. Það var svo gott að vera
nálægt þér. Þú sást ávallt jákvæðu
hliðarnar á málunum og alltaf tilbú-
inn að grínast með hlutina.
Elsku afi okkar, við erum þakk-
lát fyrir að hafa fengið að kynnast
þér en við hefðum viljað fá að hafa
þig lengur hérna hjá okkur. Við
munum sakna þín.
Nína Ruth, Baldur Þór
og Hrafnhildur Sif.
Það húmar að kvöldi og sumri
tekur að halla. Söngur fuglanna er
ekki jafnþróttmikill og áður og
blómin eru sum hver farin að drúpa
höfði í mánaskini síðsumarsins. Já,
víst líður sumarið alltaf of skjótt.
Og lífið sjálft líður á stundum fram í
takt við árstíðirnar. Við tökumst á
við verkefni hvers dags full eftir-
væntingar og reynum hvert á sinn
hátt að njóta stundarinnar í leik og
starfi. En lífið er hverfult. Andláts-
fregn berst. Bergsveinn Sigurðsson
verkstjóri er allur. Stuttu en
snörpu veikindastríði er lokið.
Komið er að kveðjustund. Hafnar-
fjarðarbær kveður nú einn sinn
traustasta starfsmann. Bergsveinn
Sigurðsson var yfirverkstjóri í
Áhaldahúsi Hafnarfjarðar í ára-
tugi. Þar fór Bergsveinn fremstur í
flokki. Traustur og vandaður yfir-
maður sem naut hylli samstarfs-
manna og þeirra sem þurftu á þjón-
ustu Áhaldahússins að halda.
Öflugt og ört stækkandi bæjarfélag
þarf að hafa í þjónustu sinni gott
starfsfólk. Á nóttu sem degi var
Bergsveini og mönnum hans treyst
til margvíslegra þjónustustarfa í
þágu bæjarfélagsins, og þegar
annasömum starfsferli lauk í
Áhaldahúsi Hafnarfjarðar tók hann
að sér að hafa yfirumsjón með
hreinsistöð bæjarins við suður-
bakka hafnarinnar.
Öllum sínum störfum fyrir Hafn-
arfjarðarbæ sinnti hann af miklum
dugnaði og samviskusemi. Fyrir
það er þakkað. Bergsveinn Sigurðs-
son giftist ungur Kristínu Ruth
Jónsdóttur og duldist engum að þar
fóru samhent hjón sem lögðu sig
fram um að rækta garðinn sinn.
Börnin uxu úr grasi, barnabörn
komu í heiminn hvert af öðru og
stórfjölskyldan var samhent í leik
og starfi. Ferðir Bergsveins og
Ruthar í fagra sunnlenska sveit
verða ekki fleiri en megi minningar
liðins tíma verða fjársjóður þeim
sem syrgja. Ruth mín, megi góður
guð styrkja þig og fjölskyldu þína á
þessari sorgarstundu.
Far í friði, vinur.
Magnús Gunnarsson
bæjarstjóri.
BERGSVEINN
SIGURÐSSON
ÆSKILEGT er að minningar-
greinum fylgi á sérblaði upp-
lýsingar um hvar og hvenær sá,
sem fjallað er um, er fæddur,
hvar og hvenær dáinn, um for-
eldra hans, systkini, maka og
börn, skólagöngu og störf og
loks hvaðan útför hans fer
fram. Ætlast er til að þessar
upplýsingar komi aðeins fram í
formálanum, sem er feitletrað-
ur, en ekki í greinunum sjálf-
um.
Formáli
minning-
argreina