Morgunblaðið - 09.09.2001, Blaðsíða 39

MINNINGAR
MORGUNBLAÐIÐ SUNNUDAGUR 9. SEPTEMBER 2001 39
LEGSTEINAR
Komið og skoðið
í sýningarsal okkar eða
fáið sendan myndalista
MOSAIK
Hamarshöfði 4, 112 Reykjavík
sími: 587 1960, fax: 587 1986
✝ Kristín Kristjáns-dóttir fæddist í
Höfðadal í Tálkna-
firði 6. júní 1920. Hún
lést á Sólvangi í Hafn-
arfirði 4. september
síðastliðinn. Foreldr-
ar Kristínar voru
Kristján Kristófers-
son bóndi í Feigsdal
og Jóhanna Pálsdótt-
ir. Systkini Kristínar
eru Jóna, f. 1.8. 1917,
Páll, f. 22.9. 1918,
Kristófer, f. 5.1. 1922,
d. 1964, Gísli, f. 10.7.
1924, d. 1997, Teitur,
f. 5.1. 1928 og andvana sveinbarn
fætt 20.10. 1929. Kristín giftist
18.12. 1948 Tryggva Halldórssyni
frá Bæjum á Snæfjallaströnd. Þau
slitu samvistir 1975. Börn þeirra
eru 1) Halldóra, f. 14.9. 1948, synir
hennar eru Tryggvi Kristófer
Þrastarson, f. 30.4. 1970, og Hjört-
ur Grétarsson, f. 28.4. 1979. 2)
Kristján J., f. 1.7. 1951, maki Óla
Björg Magnúsdóttir, f. 5.2. 1951,
börn þeirra eru Svanhildur Ásta, f.
9.12. 1971, maki hennar er Jón
Ómar Erlingsson, f. 17.5. 1971;
Magnús Baldur, f.
25.3. 1974, maki hans
er Guðrún Valdís Ís-
aksdóttir, f. 23.1.
1975; og Elvar Snær,
f. 4.3. 1978. 3) Þor-
gerður Björk, f. 15.7.
1955, maki Kjartan
Þór Arnþórsson, f.
6.6. 1952, og eiga
þau eina dóttur
Berglindi Björk, f.
14.4. 1994, fyrir átti
Þorgerður tvær dæt-
ur, Kristínu Evu
Ólafsdóttur, f. 14.4.
1976, maki hennar er
Samúel Hörðdal Jónasson, f. 29.8.
1972, og Karen Kjartansdóttur, f.
2.9. 1988. 4) Ólafur Kjartan, f. 5.1.
1960, maki Soffía Sigurðardóttir,
f. 14.11. 1958, börn þeirra eru,
Helena, f. 2.9. 1988, María Kristín,
f. 11.8. 1990, og Jóhann Örn, f.
24.10. 1994. Fyrir átti Kjartan
einn son, Stefan Reyr Ólafsson, f.
19.10. 1994.
Útför Kristínar fer fram frá
Grafarvogskirkju á morgun,
mánudaginn 10. sept. og hefst at-
höfnin klukkan 13.30.
Mig langar til að minnast minnar
kæru tengdamóður Kristínar Krist-
jánsdóttur með nokkrum orðum. Ég
held að hún hafi verið södd lífdaga
sinna og verið búin að fá nóg af þeim
þrautum sem hún þurfti að þola, en
Kristín var trúuð kona og það hjálp-
aði henni í gegnum erfið tímabil á
lífsleiðinni. Þegar ég kynntist
tengdamóður minni fyrst kom ég
með Kjartani syni hennar í heim-
sókn, hún tók einstaklega vel á móti
mér og sá ég strax hversu góða konu
hún hafði að geyma. Kristín var afar
barngóð og börnin okkar þrjú urðu
henni mjög kær, eins og öll hennar
barnabörn. Við bjuggum nokkur ár í
Svíþjóð, þangað heimsótti hún okk-
ur, það var gaman að taka á móti
Kristínu þar og naut hún þess að
skoða margt og skemmtilegt með
okkur.
Kristín var mér góð tengdamóðir
og þótti mér mjög vænt um hana,
fann ég alltaf til hlýju í návist henn-
ar. Ég kveð hana með söknuði en
gleðst yfir því að þrautum hennar
skuli vera lokið.
Þín tengdadóttir
Soffía.
Ég vil minnast ömmu minnar með
nokkrum orðum. Þegar ég var yngri
var borðað hjá henni á aðfangadag.
Ég minnist hversu gott mér þótti að
koma á hennar heimili og heimsækja
hana. Allt var í röð og reglu, til dæm-
is myndirnar og stytturnar voru vel
staðsettar á heimilinu og ekkert
óþarfa dót var á heimilinu. Mér þótti
húsgögnin hennar falleg þó þau væru
gömul og mér leið alltaf vel heima hjá
ömmu. Hún amma var alltaf góð-
hjörtuð og vildi öllum vel en ef henni
mislíkaði eitthvað þá lét hún sína
skoðun í ljós. Hún reyndist mér góð
amma og kveð ég hana með söknuði
og þakklæti. Síðastliðin ár var hún á
hjúkrunarheimili og lést þar.
Þitt barnabarn
Tryggvi Kristófer Þrastarson.
Elsku amma mín, nú ertu farin eft-
ir erfið og löng veikindi. Söknuður-
inn er mikill en þú ert eflaust fegin
hvíldinni.
Minningarnar sem ég á um okkur
nöfnurnar eru ótalmargar, allt frá
því að ég var pínulítil og þú kenndir
mér bænirnar til dagsins í dag. Ég
man að þú sagðir alltaf að ég kæmi
með sólina með mér þegar ég heim-
sótti þig í Rauðagerðið og að þér liði
svo vel í návist minni og það var svo
sannarlega gagnkvæmt. Mér leið
alltaf vel hjá þér og reyndi að hjálpa
þér eins og ég gat og þú sýndir mér
alltaf þakklæti þitt. Einnig varst þú
alltaf mjög gestrisin og tókst alltaf
upp kexboxið og krafðist þess að ég
fengi mér mjólk og kex áður en ég
færi. Ég man líka að mér þótti alltaf
gaman að fá að gægjast í fataskáp-
ana þína og máta kápurnar og kjól-
ana sem voru ófáir.
Ég mun sakna þín meira en orð fá
lýst og vildi að ég gæti talað við þig
aftur. Ég sakna samverustundanna
með þér sem voru mér svo dýrmæt-
ar. Ég lærði margt af þér og mér
finnst það hafa verið forréttindi að fá
að kynnast þér.
Vonandi líður þér vel núna, ég er
viss um að englarnir á himnum hafa
tekið vel á móti þér. Hvíl þú í friði.
Margs er að minnast,
margt er hér að þakka.
Guði sé lof fyrir liðna tíð.
Margs er að minnast,
margs er að sakna.
Guð þerri tregatárin stríð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Þín
Kristín Eva.
Elsku amma Kristín. Þú varst allt-
af mjög góð við okkur. Þegar við
komum í heimsókn til þín í Rauða-
gerði fórum við með þér inn í eldhús
og þú tókst fram kexboxið og gafst
okkur mjólk og kex. Það fannst okk-
ur gott. Alltaf þegar þú kvaddir okk-
ur sagðir þú „Guð veri með ykkur“.
Nú ert þú komin til guðs, þar sem
þú getur hvílt þig. Nú kveðjum við
þig amma mín.
Þín barnabörn
Helena, María Kristín
og Jóhann Örn.
Elsku amma. Þú varst alltaf svo
góð. Mér þykir leitt að þú skulir vera
farin. Ég bið englana að vaka yfir
þér. Ég mun sakna þín.
Fyrst sigur sá er fenginn,
fyrst sorgar þraut er gengin,
hvað getur grætt oss þá? Oss þykir
þungt að skilja,
en það er Guðs að vilja,
og gott er allt, sem Guði’ er frá.
(V. Briem.)
Þín
Karen.
Elsku amma, það var svo gott að
halda í höndina þína því hún var svo
mjúk og góð.
Vertu yfir og allt um kring
með eilífri blessun þinni,
sitji Guðs englar saman í hring
sænginni yfir minni.
(Sig. Jónsson frá Presthólum.)
Berglind Björk.
KRISTÍN KRIST-
JÁNSDÓTTIR
Kveðja frá Verkstjórafélagi
Hafnarfjarðar
„Einstakur“ er orð
sem notað er þegar lýsa á
því sem engu öðru er líkt,
faðmlagi
eða sólarlagi
eða manni sem veitir ástúð
með brosi eða vinsemd.
„Einstakur“ lýsir fólki
sem stjórnast af rödd síns hjarta
og hefur í huga hjörtu annarra.
„Einstakur“ á við þá
sem eru dáðir og dýrmætir
og hverra skarð verður aldrei fyllt.
„Einstakur“ er orð sem best lýsir þér.
(Terri Fernandes.)
Bergsveinn Sigurðsson gerðist
félagi í Verkstjórafélagi Hafnar-
fjarðar árið 1967. Hann var kosinn í
stjórn árið 1968. Kosinn ritari fé-
lagsins 1972 og sinnti því til ársins
1983. Formaður var hann frá 1983
til 1993. Alls sinnti hann því stjórn-
arstörfum fyrir félagið í 25 ár.
Jafnframt stjórnarsetu vann
hann mörg trúnaðarstörf fyrir fé-
lagið.
Sat hann í stjórn verkstjórasam-
takanna sem varamaður í tvö ár og
aðalstjórnarmaður í 12 ár. Hann
var gerður að heiðursfélaga Verk-
stjórasambands Íslands á 50 ára af-
mæli þess 1988. Hann var gerður að
heiðursfélaga Verkstjórafélags
Hafnarfjarðar á 60 ára afmæli fé-
lagsins 2. desember sl.
Stjórn og félagar Verkstjórafé-
lags Hafnarfjarðar kveðja góðan
vin og félaga. Bergsveinn var rétt-
látur, víðsýnn og rökfastur stjórn-
andi. Hann var úrræðagóður og
virkur í félagsstarfi í Verkstjórafé-
lagi Hafnarfjarðar og Verkstjóra-
sambandi Íslands. Það var ekki síst
fyrir hans tilstilli að farið var út í að
byggja upp sumarbústað á Knapp-
stöðum í Fljótum og í Svartagili í
Borgarfirði. Þeir félagar sem unnu
þetta uppbyggingastarf með hon-
um og seinna undir hans stjórn
fylltust með honum slíkum eldmóði
að ekkert virtist ómögulegt, vanda-
mál eru einfaldlega til þess að leysa
þau. Við þökkum góðum félaga
samferðina og biðjum góðan Guð að
geyma hann.
Kæra Ruth, Guð blessi þig og
fjölskylduna og gefi ykkur styrk í
sorginni.
Steindór Gunnarsson
formaður.
Ævidegi vinar okkar, Berg-
sveins, er lokið.
Hans er einlæglega saknað
vegna mannkosta hans og góðrar
nærveru af fjölda fólks sem hefur
gengið með honum lífsbrautina.
Hann var afbragðs heimilisfaðir,
sérlega greiðasamur og hlýr í við-
móti og hugsaði fyrst og fremst um
velferð samferðafólks og ekki síst
þeirra sem minna mega sín. Í meira
en fjörutíu ár höfum við hjónin átt
samleið með honum og hans fjöl-
skyldu, bæði í leik og starfi, og allt-
af var hann sami góði og velviljaði
vinurinn.
Nú við þessi tímamót rifjast svo
margt upp, margar glaðar stundir
frá því við vorum ung að byrja að
búa við lítil efni en því meiri bjart-
sýni og gleði. Þá unnu Kjartan og
Bergsveinn saman í járnsmiðjunni
Kletti og við Ruth vorum saman í
saumaklúbb.
Þeir unnu einnig saman á Seyð-
isfirði og gátu rifjað upp þessi ár
með góðum vinum endalaust og
hlógu alltaf jafn mikið.
Síðast unnu þeir saman hjá
Hafnarfjarðarbæ í sex ár en Berg-
sveinn var þar verkstjóri yfir þrjá-
tíu ár.
Bergsveinn og Ruth voru afar
náin og samheldin og bjuggu sér
frá fyrstu tíð fallegt heimili.
Það var sama hvar þau bjuggu,
alltaf var snyrtimennska og góður
heimilisbragur það sem einkenndi
heimili þeirra.
Við söknum mikið góðs vinar en
erum þakklát fyrir minningarnar.
Við sendum allri fjölskyldunni
innilegar samúðarkveðjur og biðj-
um Guð að styrkja þau í þungri
sorg.
Lóa og Kjartan.
✝ Baldvin RúnarHelgason fæddist
í Reykjavík 4. októ-
ber 1938. Hann lést á
líknardeild Landspít-
alans í Kópavogi 29.
ágúst síðastliðinn.
Foreldrar hans voru
Guðmundur Helgi
Bjarnason og
Bjarnína Guðrún
Kristjánsdóttir.
Baldvin átti þrjú
eldri systkini, Sigurð
Kristján (hálfbróð-
ur), Svövu Maríu og
Garðar Ágúst.
Hinn 17. október 1964 gekk
Baldvin að eiga eftirlifandi eigin-
konu sína Sigríði Dagsdóttur.
Hún er dóttir hjónana Dags Hall-
dórssonar sjómanns og Margrétar
Eyjólfsdóttur. Synir
Baldvins og Sigríðar
eru Örn Hafsteinn
rekstrarfræðingur,
f. 28.3. 1964, Baldvin
Kristján blikksmíða-
meistari, f. 3.6. 1967,
og Grétar Mar raf-
eindavirki, f. 27.8.
1973. Baldvin og
Sigríður eiga þrjú
barnabörn.
Um 20 ára skeið
stundaði Baldvin
sendibifreiðakstur á
Nýju-Sendibílastöð-
inni en síðustu tíu ár
starfaði hann hjá Fjarðarkaupum
í Hafnarfirði.
Útför Baldvins fór fram frá
Hafnarfjarðarkirkju 6. septem-
ber.
Ég minnist þess er ég hitti Baldvin
í fyrsta sinn, þá var ég nýbúinn að
kynnast syni hans Kidda og var mér
mjög vel tekið í fjölskyldunni.Okkur
Baldvini kom vel saman strax í byrj-
un.
Þau hjónin komu oft í heimsókn til
okkar Kidda þegar við bjuggum á
Hellisgötunni og það var oft glatt á
hjalla hjá okkur.
Svo var mjög gaman að heimsækja
þau í sumarbústaðinn í Grímsnesinu
sem var uppáhaldsstaðurinn hans
Baldvins enda þvílík náttúruperla og
kyrrð þó að stundum væri smá hávaði
í okkur þegar leið fram á kvöldin.
Ég kynntist Baldvini einnig á ann-
an hátt þar sem ég er sölumaður: Þá
hitti ég hann oft í Fjarðarkaupum þar
sem hann vann. Þar var hann alltaf
jafn brosmildur og tók vel á móti mér
sem tengdadóttur en alltaf jafn sam-
viskusamur svo ekki mátti ég vera að
tefja hann of mikið í einhverju spjalli.
Svo fluttumst við Kiddi á Háabarð-
ið og þangað sóttu Baldvin og Siddý
okkur oft heim. Þar var mjög oft farið
í heita pottinn í hvaða veðri sem var,
hita eða frosti, rigningu og roki. Það
skipti ekki máli. Það var spjallað um
heima og geima svo klukkutímum
skipti.
Þó að við Baldvin höfum ekki
þekkst nema í fimm ár þá hefur hann
verið mér mjög góður vinur og sýnt
mér mikla ástúð og ég vil þakka hon-
um það. Það hefur verið og verður
mér mikilsvert í framtíðinni.
Þótt kveðji vinur einn og einn
og aðrir týnist mér,
ég á þann vin, sem ekki bregst
og aldrei burtu fer.
Þó styttist dagur, daprist ljós
og dimmi meir og meir,
ég þekki ljós, sem logar skært,
það ljós, er aldrei deyr.
(Margrét Jónsdóttir)
Jóhanna.
BALDVIN RÚNAR
HELGASON
MORGUNBLAÐIÐ tekur afmælis- og minningargreinar til birtingar
endurgjaldslaust. Greinunum er veitt viðtaka á ritstjórn blaðsins í
Kringlunni 1, Reykjavík, og á skrifstofu blaðsins í Kaupvangsstræti 1,
Akureyri. Þá er enn fremur unnt að senda greinarnar í símbréfi (569
1115) og í tölvupósti (minning@mbl.is). Nauðsynlegt er, að símanúmer
höfundar/sendanda fylgi.
Birting afmælis- og
minningargreina