Morgunblaðið - 09.09.2001, Blaðsíða 51

MORGUNBLAÐIÐ SUNNUDAGUR 9. SEPTEMBER 2001 51
DAGBÓK
OFANGREINT orð sést
eða heyrist oft í fjölmiðl-
um nú um stundir, þegar
rætt er um efnahagsmál.
Nokkrir lesendur hafa
beðið um, að hér yrði
fjallað um það, enda óvan-
ir því í málinu í þessu
sambandi, ekki megi síður
tala um umskipti eða jafn-
vel breytingu. Ég er alveg
á sama máli. Einkum virð-
ast ýmsir fjármálamenn
hafa dálæti á orðinu, þeg-
ar rætt er um efnahags-
mál. Er viðsnúningur þá
hafður í jákvæðri merk-
ingu, þegar batahorfur
eru í efnahagsmálum ríkis
eða fyrirtækja. Í O.H eru
sex dæmi um þetta orð.
Eitt raunar frá um 1870,
en í allt öðru sambandi en
menn hafa það nú á dög-
um. Hin dæmin eru öll
eftir 1970 og ekkert þeirra
um efnahagsmál. Vissu-
lega er merking orðsins
auðsæ og ljóst, að á bak
við hugsun þess er so. að
snúa við, sem þekkist í
ýmsum samböndum. Fyr-
ir skömmu stóð einmitt í
blaði um félag, þar sem
breyting um afkomu þess
frá fyrra ári hafði orðið
veruleg til batnaðar: „Tapi
verið snúið í mikinn hagn-
að.“ Einnig er talað um að
snúa e-u við, þ. e. venda
e-u við. Þá er talað um að
snúa við blaðinu, þ.e.
skipta um skoðun. En svo
er spurningin, hvort þörf
er á þessum viðsnúningi í
efnahagsmálum. Til eru
önnur nafnorð, sem lengi
hafa verið til í málinu og
ekki síðri því, sem menn
eru að segja með þessum
viðsnúningi. Til eru no.
umskipti og breyting og
einnig so. að breyta.
Hvers vegna ekki að tala
um umskipti eða breyt-
ingu til batnaðar í fjármál-
um okkar. Eins hefði mátt
tala um, að tapi trygg-
ingafélaga hefði verið
breytt í mikinn hagnað
eða, að mikill hagnaður
hefði orðið af tryggingum
ökutækja. Viðsnúningur
eða snúa við eru alveg
óþörf orð í þessu sam-
bandi, enda þótt þau séu
góð og gild íslenzka.
Merking þeirra hefur ekk-
ert fram yfir þau orð, sem
hér hafa verið tekin til
samanburðar.
- J.A.J.
ORÐABÓKIN
Viðsnúningur
LJÓÐABROT
SMALADRENGURINN
Út um græna grundu
gakktu, hjörðin mín.
Yndi vorsins undu.
Eg skal gæta þín.
Sól og vor ég syng um,
snerti gleðistreng.
Leikið, lömb, í kringum
lítinn smaladreng.
Steingrímur Thorsteinsson.
Árnað heilla
Ljósm.st. Mynd, Hafnarfirði.
BRÚÐKAUP. Gefin voru
saman 20. júlí sl. í Háteigs-
kirkju af sr. Helgu Soffíu
Konráðsdóttur Sigurlaug
Hauksdóttir og Finnlaugur
Pétur Helgason. Heimili
þeirra er að Erluhólum 4,
Reykjavík.
Ljósm.st. Mynd, Hafnarfirði.
BRÚÐKAUP. Gefin voru
saman 21. júlí sl. í Borgar-
neskirkju af sr. Þorbirni
Hlyni Árnasyni Bylgja
Dögg Steinarsdóttir og
Finnbogi Á. Jörgensen.
Heimili þeirra er í Borgar-
nesi.
Kh1 Dd6! 25. Rg4 f5 26.
Re5 Rxe5+ 27. Bg2 Dxd5
28. Df1 Rf3 29. Bxf3 Bxf3+
30. Kg1 Hf6 31. Bf4 Hg6+
og hvítur gafst upp enda
fátt til varnar.
Skákin tefldist
í heild sinni: 1.
e4 e5 2. Rf3
Rc6 3. Bc4 Bc5
4. b4 Bb6 5. a4
a6 6. O-O Rf6 7.
d3 O-O 8. c3 d6
9. Rbd2 Re7 10.
a5 Ba7 11. He1
Rg4 12. He2
Rg6 13. h3 Rf6
14. Rf1 Rh5 15.
d4 Rhf4 16.
Hc2 d5 17. exd5
Bf5 18. Hb2
exd4 19. Rxd4
Be4 20. Re3
Re5 21. Bf1
o.s.frv. Lokastaða efstu
keppenda varð þessi: 1.
Humpy Koneru (2387) 9 ½
vinning af 13 mögulegum. 2.
Xue Zhao (2372) 9 ½ v. 3.-4.
Nadezhda Kosintseva
(2327) og Xiaobing Gu
(2300) 9 v. 5.-8. Lilit
Mkrtchian (2376), Yuanyu-
an
SKÁK
Umsjón Helgi Áss
Grétarsson
Svartur á leik.
STAÐAN kom upp í
stúlknaflokki í heimsmeist-
aramóti 20 ára og yngri sem
lauk fyrir skömmu í Aþenu.
Lilit Mkrtchian (2376) hafði
svart gegn Nadezhda Kos-
intseva (2327). 21... Rxh3+!
Hvíti kóngurinn fær lítið
skjól eftir þetta. 22. gxh3
Bxd4! 23. cxd4 Rf3+ 24.
STJÖRNUSPÁ
eft ir Frances Drake
MEYJA
Afmælisbarn dagsins:
Þú ferð ekki alltaf auðveld-
ustu leiðina að settu
marki og það veldur oft
misskilningi sem erfitt
er að leiðrétta.
Hrútur
(21. mars - 19. apríl)

Mál sem hefur legið í láginni
um skeið, tekur nú allt í einu
óvæntar vendingar, sem þú
þarft að bregðast við. Þar
koma nýjar hugmyndir við
sögu.
Naut
(20. apríl - 20. maí) 
Það er nauðsynlegt að þekkja
takmörk sín og geta viður-
kennt það þegar manni verða á
mistök. Það má margt af ósigr-
um læra ef þeir eru teknir á
réttan hátt.
Tvíburar
(21. maí - 20. júní) 
Hlustaðu á eðlisávísun þína,
þegar kemur að máli sem
snertir þig og þína nánustu.
Finnist þér þar liggja fiskur
undir steini skaltu bregðast
við sem svo sé.
Krabbi
(21. júní - 22. júlí) 
Það sparar mikla fyrirhöfn að
forðast tálsýnir hvort heldur
það er í starfi eða einkalífi.
Gerðu þér umfram allt far um
að vera raunsær.
Ljón
(23. júlí - 22. ágúst) 
Reyndu að sýna ögn meiri þol-
inmæði, því að öðrum kosti
áttu á hættu að missa allt út úr
höndunum á þér. Þú þarft á
fjölskyldu þinni og vinum að
halda.
Meyja
(23. ágúst - 22. sept.) 
Það er gott ráð að gera sjálfum
sér eitthvað til góða við og við.
Það þarf ekki að kosta svo
mikið að lífga upp á tilveruna
með þessum hætti.
Vog
(23. sept. - 22. okt.) 
Þú þarft á öllum þínum sann-
færingarkrafti að halda til
þess að samstarfsmenn þínir
fallist á að fara þá leið sem þú
vilt. Vertu á verði gagnvart
ókunnugum.
Sporðdreki
(23. okt. - 21. nóv.) 
Láttu ekki erfiðar minningar
úr fortíðinni standa í vegi fyrir
þér, þegar þú hefst nú handa á
nýrri öld. Horfðu fyrst og
fremst fram á veginn.
Bogmaður
(22. nóv. - 21. des.)
Nú stefnir í að þú hittir fyrir
þá sem eru sama sinnis og þú
og reiðubúnir til þess að vinna
málstað ykkar brautargengi.
Vertu viðbúinn.
Steingeit
(22. des. - 19. janúar)

Oft er það svo að þér finnst þú
vera eina manneskjan sem
getur gert hlutina rétt. En þér
er alveg óhætt að hafa meiri
trú á samstarfsmönnum þín-
um.
Vatnsberi
(20. jan. - 18. febr.) 
Þótt erfiðleikar skjóti upp koll-
inum hér og þar eru þeir bara
til að sigrast á og þú hefur
gaman af þeirri glímu. Dragðu
hvergi af þér í þeirri viðureign.
Fiskar
(19. feb. - 20. mars) 
Þú þarft að rannsaka hlutina
betur áður en þú grípur til að-
gerða því flas er ekki til fagn-
aðar. Reyndu að láta fjárhags-
áætlanir þínar standast.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
ER makker að verða vitlaus?
Allt of margir eru fljótir að
svara þessari spurningu ját-
andi ef félagi fer ekki hefð-
bundnar leiðir í vörninni.
Settu þig í spor austurs og
reyndu að gera upp við þig
hvort vestur sé með réttu
ráði eða ekki.
Austur gefur; allir á hættu.
Norður
♠ 3
♥ Á1092
♦ 9632
♣ D875
Vestur Austur
♠ KD
♥ KG875
♦ ÁD4
♣1092
Vestur Norður Austur Suður
-- -- 1 hjarta 4 spaðar
Dobl Pass Pass Pass
Útspil: Laufkóngur.
Það er samtalað hjá ykkur
að spila út kóng frá ÁK til að
biðja um talningu. Þú lætur
því lauftíuna til að sýna staka
tölu, eins og nú er algengast.
Makker tekur næst á laufás
og spilar svo spaðatíu. Sagn-
hafi tekur drottningu þína
með ás og spilar aftur spaða
til þín. Vestur fylgir með
tvistinum. Hvað nú?
Þetta er með ólíkindum!
Fyrst fríar makker lauf-
drottninguna í borði og svo
spilar hann trompi, en ekki
hjarta. Á hann virkilega tví-
spil í laufi? Þegar spilið kom
upp var austur sannfærður
um að vestur væri genginn af
göflunum og spilaði laufi. Það
var ekki gott:
Norður
♠ 3
♥ Á1092
♦ 9632
♣ D875
Vestur Austur
♠ 102 ♠ KD
♥ D643 ♥ KG875
♦ 875 ♦ ÁD4
♣ÁKG3 ♣1092
Feitt Feitt Feitt Feitt
Pass Pass Pass Pass
Pass Pass Pass Pass
Pass Pass Pass Pass
Suður
♠ ÁG987654
♥ --
♦ KG10
♣64
Einn niður, að vísu, en
slæm tala þegar 500 eru í
boði. Vestur vissi vel hvað
hann var að gera. Sjálfur átti
vestur fjórlit í hjarta og sá
þar með að sagnhafi var með
eyðu. Þess vegna var mikil-
vægt að hirða báða laufslag-
ina strax og reyna síðan að fá
sagnhafa til að spila tígli sín-
um heimanfrá. Þetta gat
austur reiknað út – ef hann
treysti makker sínum. Hann
átti því að spila litlum tígli og
tryggja sér tvo slagi á ÁD.
BRIDS
Umsjón Guðmundur Páll
Arnarson
MENNINGARMÁL
BRIDsSKÓLINN
Námskeið
á haustönn
Byrjendur: Hefst 25. september og stendur yfir í 10
þriðjudagskvöld, þrjár klukkustundir í senn, frá kl. 20—23.
Á byrjendanámskeiði Bridsskólans er ekki gert ráð fyrir
neinni kunáttu og ekki er nauðsynlegt að hafa með sér
spilafélaga. Það geta allir lært að spila brids, en það tekur
svolítinn tíma að ná tökum á grundvallarreglum Standard-
sagnkerfisins. Það er fólk á öllum aldri og af báðum
kynjum sem sækir skólann. Kennslubók fylgir námskeiðinu.
Framhald: Hefst 27. september og stendur yfir í 10
fimmtudagskvöld, þrjár klukkustundir í senn, frá kl. 20-23.
Standardsagnkerfið verður skoðað í smáatriðum, en auk
þess verður mikil áhersla lögð á varnarsamstarfið og
spilamennsku sagnhafa. Kjörið fyrir þá, sem vilja tileinka
sér nútímalegar aðferðir og taka stórstígum framförum.
Ekki er nauðsynlegt að hafa með sér spilafélaga. Öll
námsgögn fylgja og gert er ráð fyrir nokkru heimanámi.
Nánari upplýsingar og innritun
í síma 564 4247 milli kl. 13 og 18 virka daga.
Bæði námskeiðin eru haldin í félagsheimili Sjálfsbjargar
í Reykjavík, Hátúni 12.
Glæsilegt Ýr er komið út!
Áskriftarsími 565 46 10
Fæst í garn og bókaverslunum um land allt
2 blöð á ári www.tinna.is
Hjartans þakkir!
Merkjasala Hjálpræðishersins er árlegur viðburður. Enn á
ný hafa meðlimir Hjálpræðishersins verið víða í bænum
og selt merki. Við viljum þakka ykkur öllum hjartanlega
sem keyptuð merkin.
Þökkum líka öll hlý orð og viðurkenningu
um starf Hjálpræðishersins á Íslandi.
Við óskum landi og þjóð blessunar Guðs.
Knut Gamst yfirforingi.