Morgunblaðið - 11.10.2001, Blaðsíða 18
AKUREYRI
18 FIMMTUDAGUR 11. OKTÓBER 2001 MORGUNBLAÐIÐ
GUÐRÍÐUR Friðriksdóttir fram-
kvæmdastjóri Fasteigna Akureyr-
arbæjar sagði að bæjaryfirvöld
gerðu sér ljósa grein fyrir ástandinu
á því húsnæði sem Brekkuskóli
hefði til afnota, en eins og fram kom
í Morgunblaðinu í gær hefur einni
skólastofu í neðra húsi skólans,
gamla barnaskólahúsinu, verið lokað
vegna skordýra sem þar þrífast og
eru tilkomin vegna þess að húsið
heldur hvorki vatni né vindi á þessu
stað. Húsið var byggt árið 1930.
„Síðustu misseri hefur markvisst
verið unnið að einsetningu grunn-
skólanna og það takmark hefur nú
náðst. Viðhald húsnæðis hefur á
sama tíma setið á hakanum, þar sem
fé sem ætlað er í viðhald hefur verið
of lítið miðað við viðhaldsþörf og því
þurft að forgangsraða verkefnum,“
sagði Guðríður.
Unnið að viðhaldsáætlun
Hún sagði að nú hefðu verið tekin
upp ný og breytt vinnubrögð varð-
andi rekstur fasteigna bæjarins sem
meðal annars miðuðu að því að
koma viðhaldsmálum í betra horf.
Nú er verið að vinna viðhalds-
áætlun fyrir hús Brekkuskóla og
skýrsla um neðra húsið langt komin.
Í kjölfarið verður gerð fram-
kvæmdaáætlun. Guðríður sagði
bæjaryfirvöld vita af ýmsum aðkall-
andi verkefnum í Brekkuskóla.
„Þetta er elsti skóli bæjarins og þar
hefur því miður verið lítið um við-
hald. Við það verður hins vegar ekki
unað og það er fullur vilji til þess að
vinna að úrbótum sem hraðast,“
sagði Guðríður.
Skordýr komust inn
um sprungur
Valdimar Brynjólfsson hjá Heil-
brigðiseftirliti Eyjafjarðar sagði að
hann hefði skoðað umrætt húsnæði
síðasta vor og þá gefið frest fram á
haust til að vnna að úrbótum. Þær
hefðu ekki verið gerðar en skóla-
yfirvöld lokað skólastofunni.
Sprungur á húsinu gera að verkum
að það blæs inn í stofuna og rignir
þegar veðurfar er með þeim hætti
og í kjölfarið komast þar inn skor-
dýr af ýmsu tagi, einkum bjöllur
sem þrífast í raka. Valdimar sagði
þó enga hættu stafa af kvikindun-
um. Vel væri hægt að drepa skor-
dýrin, en erfitt að komast fyrir þau
þar sem ný bættust sífellt við.
„Yfirvöld hafa greinilega tekið
þann kostinn að loka stofunni, en ég
geri ráð fyrir að ráðast þurfi í viða-
miklar og kostnaðarsamar endur-
bætur á húsnæðinu til að koma því í
lag,“ sagði Valdimar.
Framkvæmdastjóri Fasteigna Akureyrarbæjar um ástand Brekkuskóla
Viðhald hefur setið á hak-
anum vegna einsetningar
HELGI Jóhannesson framkvæmda-
stjóri Norðurmjólkur sagði að fjár-
magnskostnaður fyrirtækja væri
eins og köld hönd yfir atvinnulífininu
í dag og að fyrirtæki væru því að
leita allra leiða til hagræðingar. Í
frétt um lokun mjólkursamlags
Norðurmjólkur á Húsavík og flutn-
ing vinnslunnar til Akureyrar í
Morgunblaðinu í gær kom fram í
máli Helga að það væri fjármála-
markaðurinn sem væri fyrirtækjun-
um erfiður en þar átti Helgi við fjár-
magnskostnað fyrirtækja.
Helgi sagði að fjármálamarkaður-
inn hefði aftur aukið möguleika fyr-
irtækja til mikilla muna og opnað
þeim ýmis tækifæri sem ekki gáfust
áður. Helgi sagði að áætlaður fjár-
magnskostnaður Norðurmjólkur á
þessu ári yrði um 200 milljónir
króna. Hann sagði nauðsynlegt að
stjórnvöld lækkuðu vexti og það
strax, að öðrum kosti stæðu enn
fleiri fyrirtæki frammi fyrir því að
taka stórar og sársaukafullar
ákvarðanir til að halda sjó.
Fjármála-
markaður-
inn hefur
opnað ýmis
tækifæri
SVÍINN Tomas Polwall kom til
Grímseyjar til að vinna að sögum
um eyjuna og verða Grímseyjarsög-
urnar þær síðustu í frásögnum
Tomasar um norðlægar smáeyjar.
Hingað kom Tomas beint frá Vest-
mannaeyjum.
Tomas hefur verið að vinna að
þessum frásögnum síðustu 2 árin.
Greinarnar munu fyrst birtast í
dagblöðum og tímaritum en seinna
verður þeim safnað saman og þær
gefnar út í bókarformi.
Tomas Polwall hefur starfað í
Danmörku sem ferðarithöfundur í
15 ár og komið víða. Hann segist
hafa heimsótt allar heimsálfurnar
og sumar þeirra margoft.
Tomas segir að á ferðum sínum
um heiminn hafi ótrúleg veð-
urheppni fylgt sér og brást hún
ekki þessa daga sem hann stoppaði
í Grímsey. Gylfi skipstjóri á Þorleifi
EA 88 tók ljúfmannlega í beiðni
Tomasar um að fá að fylgjast með
lífinu um borð einn vinnudag. Tom-
as sagði eftir ferðina sem honum
þótti mikil upplifun, að ótrúlegt
væri að sjá sjómennina afslappaða
og yfirvegaða vinna af miklu ör-
yggi og hæfni öll störf, þrátt fyrir
öldugang og velting.
Að endingu sagði Tomas að það
væri góð tilfinning að vera í Gríms-
ey því þrátt fyrir harða lífsbaráttu
gæfu menn sér tíma til að staldra
við – horfa í augu viðmælanda og
spjalla.
Morgunblaðið/Helga Mattína
Svíinn Tomas Polwall í Grímsey.
Ferðarithöfundur
heimsækir Grímsey
Grímsey
STARFSEMI Íslandsfugls er far-
in að skipta verulegu máli í Dal-
víkurbyggð en þar eru nú 42
starfsmenn á launaskrá. Fljótlega
bætist sá 43. við en Eðvald Val-
garðsson kjötiðnaðarmeistari hef-
ur verið ráðinn vinnslustjóri fyr-
irtækisins.
Eðvald var valinn úr hópi um 10
umsækjenda um stöðuna og mun
hefja störf fljótlega. Flestir eru
starfsmennirnir í vinnslustöðinni á
Dalvík en einnig vinnur starfsfólk í
eldishúsi, útungunarstöð, á skrif-
stofu, í varpstöð og við viðhald og
þrif á eignum.
Slátrun í fyrstu umferð lauk í
lok síðasta mánaðar og þá var búið
að slátra öllum þeim 60 þúsund
fuglum sem settir voru inn í eld-
ishúsið í fyrstu atrennu. Hring-
rásin heldur áfram og eru komnir
ungar í öll rýmin aftur.
Skipulagsstofnun hefur erindi
frá Íslandsfugli til umfjöllunar,
þar sem óskað er umsagnar stof-
unarinnar um hugsanlega bygg-
ingu nýs eldishúss í landi Ytra-
Holts og þá í ákveðinni lágmarks-
fjarlægð frá núverandi eldishúsi.
Er Skipulagsstofnun að meta
hvort slík framkvæmd þurfi í mat
á umhverfisáhrifum eða ekki.
Ekki hefur verið tekin ákvörðun
um að ráðast í byggingu nýs eld-
ishúss en forsvarsmenn fyrirtæk-
isins telja rétt að láta málið ganga
í gegnum nauðsynlegt skipulags-
ferli komi til þess. Þetta kemur
fram á heimasíðu Íslandsfugls.
Slátrun í fyrstu umferð lokið hjá Íslandsfugli
Yfir 40 starfsmenn á launaskrá
AKUREYRARBÆR hefur hleypt af
stokkunum átaksverkefni sem miðar
að því að fjölga íbúum bæjarins.
Kristján Þór Júlíusson bæjar-
stjóri sagði þegar átakið var kynnt
að markmið þess að Akureyri yrði
eftirsóttur valkostur til búsetu og til
að ná því væri það stefna bæjarins
að bjóða upp á fjölskylduvænan bæ
sem byði íbúum sínum góða þjón-
ustu.
Átakið beinist bæði að núverandi
íbúum bæjarins og verður áhersla
lögð á að tryggja búsetu þeirra sem
þegar búa í bænum og eins að fólki
sem búsett er utan bæjarins, einkum
á aldrinum 20 til 35 ára.
Kristján sagði bæjarstjórn stefna
að því að fólki í bænum fjölgaði um
300 á ári. Því marki var ekki náð á
liðnu ári en þá varð fjölgunin 250
manns. Alls fjölgaði íbúum um 130 á
fystu 9 mánuðum þessa árs sem er
meira en á sama tíma í fyrra þegar
fjölgunin nam 90 íbúum.
Á kynningu markaðsátaksins var
sýnd sjónvarpsauglýsing sem fyrir-
tækið Án titils hefur gert, en hitann
og þungann af gerð auglýsingarinn-
ar hafði María Ólafsdóttir ásamt
Hjördísi Ýr Johnsson. Áætlað er að
auglýsingin birtist á sjónvarpsstöðv-
um fram í marsmánuð næstkomandi.
Akureyrarbær í markaðsátaki
Markmiðið að
fjölga íbúum
NEMENDUR og starfsfólk Gler-
árskóla rufu hið hefðbundna
skólastarf og efndu til útivistar-
og íþróttadags á þriðjudag. Veðr-
ið lék ekki beint við unga fólkið
sem þó hélt sínu striki. Yngstu
börnin voru að leik á lóð skólans,
þau elstu voru í fótbolta á
íþróttavelli Þórs, sumir héldu í
Vaxtarræktina í Íþróttahöllinni
og börnin á miðstiginu gengu
fylktu liði á Akureyrarvöll.
Morgunblaðið/Kristján
Það var líf og fjör á Akureyrarvellinum í vikunni, á íþróttadegi Gler-
árskóla og reyndu nemendur m.a. með sér í kúluvarpi.
Votur úti-
vistardagur
UMF Mývetningur og ÍF Eilífur
stóðu sameiginlega fyrir göngudegi
fjölskyldunnar á laugardaginn.
Gengið var frá Rauðhól norðan
Kröflustöðvar, fyrst að gosstöðvum
Mývatnselda frá 1724–29 en þaðan
um úfin hraun að Þríhyrningum og
um Hvíthólaklif að Kröflustöð þar
sem Landsvirkjun bauð göngufólk-
inu hressingu í mötuneyti starfs-
manna.
Þátttakendur í göngunni voru 19
og sá yngsti aðeins sex vikna þótt
ekki færi sá langt. Aðrir gengu í
rúmar tvær klst. í kulda og norðan-
næðingi lengst af, en slagveður-
sregni í lokin, en eins og margreynt
er úr gönguferðum skiptir veðrið
ekki máli ef menn kunna að klæða
sig.
Morgunblaðið/BFH
Á fjölskyldugöngu við Þríhyrn-
inga í slagviðri.
Mývetning-
ar gengu
í norðan-
næðingi
Mývatnssveit
♦ ♦ ♦