Morgunblaðið - 18.01.2002, Blaðsíða 1
14. TBL. 90. ÁRG. FÖSTUDAGUR 18. JANÚAR 2002 PRENTSMIÐJA MORGUNBLAÐSINS
STOFNAÐ 1913
MORGUNBLAÐIÐ 18. JANÚAR 2002
SJÖ féllu í gærkvöldi þegar palest-
ínskur árásarmaður skaut af sjálf-
virkum riffli inn í samkomusal í
borginni Hadera í Norður-Ísrael.
Tilræðismaðurinn var sjálfur meðal
þeirra er féllu. Hinir sex voru Ísrael-
ar. Að minnsta kosti 34 særðust, að
því er talsmaður lögreglunnar sagði.
Palestínsk samtök, Al Aqsa-her-
deildirnar, lýstu sig ábyrg fyrir til-
ræðinu.
Útvarp ísraelska hersins sagði að
árásarmaðurinn hafi reynt að
sprengja sprengjur, sem hann hafi
haft festar á sig, í anddyri samkomu-
salarins, eftir að hafa látið kúlnahríð-
ina dynja á fólkinu í salnum. Örygg-
isverðir hafi skotið manninn áður en
honum tókst að sprengja sprengj-
urnar.
Al Aqsa-herdeildirnar tengjast
Fatah-samtökum Yassers Arafats,
forseta heimastjórnar Palestínu-
manna, og í tilkynningu frá herdeild-
unum í gærkvöldi sagði að árásin
hefði verið hefnd fyrir fall Raeds
Karmis, leiðtoga deildanna, í bænum
Tulkarem á Vesturbakkanum fyrr í
vikunni. Karmi féll í sprengjuárás
sem margir telja að Ísraelar hafi
staðið að.
Ísraelsk stjórnvöld sögðu í gær-
kvöldi að tilræðið í Hadera væri sök
Arafats, sem hefði ekki gert nóg til
þess að leysa upp samtök herskárra
Palestínumanna. „Við teljum að Ar-
afat og heimastjórn Palestínumanna
beri ábyrgðina vegna þess að við höf-
um beðið og krafist og hvatt Arafat
til að aðhafast eitthvað gegn hryðju-
verkasamtökum og ráðast til atlögu
gegn þeim en hann hefur ekki gert
það,“ sagði Arieh Meckel, talsmaður
Ísraelsstjórnar, í samtali við AFP.
Þetta er fyrsta tilræði herskárra
Palestínumanna síðan Arafat flutti
sjónvarpsávarp í síðasta mánuði þar
sem hann hvatti Palestínumenn til
að virða vopnahlé.
PFLP hefur í hótunum
Vopnaði armur Alþýðufylkingar
fyrir frelsi Palestínu (PFLP) hafði í
gær í hótunum við palestínska ör-
yggisfulltrúa er handtóku leiðtoga
fylkingarinnar fyrr í vikunni. Var
fulltrúunum sagt að handtaka ekki
fleiri herskáa Palestínumenn.
Aðvöruninni var sérstaklega beint
til yfirmanns leyniþjónustunnar á
Vesturbakkanum og lögreglustjór-
ans í Ramallah, sem var sagt að
„hætta að handtaka meðlimi okkar
og leiðtoga, ella mun armur okkar ná
þeim, hversu vel varðir sem þeir
kunna að vera“.
Arafat situr enn í herkví á skrif-
stofum sínum í Ramallah, þar sem
Ísraelar neita að leyfa honum að fara
þaðan. Ísraelar hafa sagt að Arafat
fái hvergi að fara fyrr en hann hlutist
til um handtöku Palestínumannanna
er beri ábyrgð á morðinu á Rehavam
Zeevi, fyrrverandi ferðamálaráð-
herra Ísraels, í október sl. Morðið á
Zeevi var hefnd fyrir morðið á fyrr-
verandi leiðtoga PFLP sem Ísraelar
réðu af dögum í ágúst.
Sjö manns féllu í
tilræði í Ísrael
Ísraelsstjórn
segir að við
Arafat sé að
sakast
Jerúsalem, Nablus á Vesturbakkanum. AP, AFP.
MIKINN mannfjölda dreif að í
gær þar sem Boeing 737-þota
indónesíska flugfélagsins Garuda
sat í fljótinu Gengawan Solo á
eynni Jövu, en þotan nauðlenti á
fljótinu í fyrradag. Einn fórst, en
sextíu voru um borð. Sjö eru al-
varlega slasaðir. Hreyflar vél-
arinnar og hægri vængur brotn-
uðu af í lendingunni, en fljótið er
um einn metri á dýpt á þessu
svæði. Ekki er ljóst hvað olli slys-
inu, en mikið úrhelli var er slysið
átti sér stað. Einn farþeganna,
Reni Sukrowati, lýsti því hvernig
hún hefði setið föst í sæti sínu
þegar vatn byrjaði að flæða inn í
vélina eftir lendinguna. Hún
sagðist hafa falið öðrum farþega
sjö mánaða dóttur sína og beðið
hann að bjarga lífi hennar. „Það
var blóð alls staðar. Það eina sem
ég gat hugsað um var að bjarga
henni.“ Sukrowati tókst að losa
fætur sína, sem voru fastir milli
sætis hennar og sætisins fyrir
framan hana, og komast út úr
flakinu. Fólk úr nærliggjandi
þorpi hafði drifið að og hjálpaði
henni í land, þar sem hún fann
dóttur sína aftur, lítið meidda.
Þotan var á leið frá eynni Lom-
bok til borgarinnar Yogyakarta á
Jövu og átti um 25 km ófarna er
hún hrapaði. Þétt byggð er á
svæðinu, og hrósuðu farþegar
áhöfn vélarinnar fyrir að hafa
lent á fljótinu og forðast nær-
liggjandi þorp.
Reuters
„Blóð alls staðar“
ZORAN Zivkovic, innanríkisráð-
herra Júgóslavíu, sagðist í gær ekki
hafa neinar vísbendingar um að eitt-
hvað væri hæft í
fréttum um að
Radovan Karadz-
ic og Radko
Mladic hefðu ver-
ið handteknir.
„Ég hefði örugg-
lega verið látinn
vita ef þetta hefði
átt sér stað,“
sagði Zivkovic við
fréttastofuna AFP í gærkvöldi.
Rússneska fréttastofan ITAR-
TASS hafði greint frá því að Vojislav
Kostunica, forseti Júgóslavíu, hefði
sagt fréttastofu í Kosovo að banda-
rískir sérsveitarliðar hefðu hand-
samað Karadzic og Mladic, sem hafa
verið ákærðir fyrir þjóðarmorð og
glæpi gegn mannkyninu í Bosníu-
stríðinu 1992–1995.
Fréttafulltrúi Kostunicas neitaði
því að forsetinn hefði sagt nokkuð í
þá veru að mennirnir hefðu verið
handteknir. „Þessar upplýsingar eru
alrangar,“ sagði fréttafulltrúinn.
Orðrómi
neitað
Belgrad. AFP.
Karadzic
LÁGSTEMMD fágun ræður nú
ferðinni hjá helstu fatahönnuðum
heims, sem sýndu verk sín á herra-
tískuvikunni er lauk í Mílanó í gær.
Þar gat m.a. að líta þennan frakka,
hannaðan af Giorgio Armani fyrir
haust og vetur 2002–2003. Frétta-
skýrendur segja að hönnuðirnir
Gucci, Prada, Ralph Lauren, Arm-
ani og fleiri hafi snúið baki við til-
viljanakenndum stíl – engin óreiða,
óhóf eða annarskonar furðutíska.
Nú sé kominn tími hinnar lág-
stemmdu fágunar, þótt hönnuðirnir
túlki klassískan stíl á nútímalegan
máta.
Reuters
Fágunin
ræður
ferðinni
HÉRAÐSDÓMUR í Ósló
dæmdi í gær tvo unga nýnasista
í fimmtán og sextán ára fangelsi
fyrir að myrða 15 ára gamlan
þeldökkan pilt í úthverfi borg-
arinnar í fyrra. Joe Erling Jahr,
20 ára, og Ole Nicolai Kvisler, 22
ára, stungu Benjamin Herman-
sen til bana 26. janúar á síðasta
ári, en þeir eru báðir meðlimir í
hreyfingu nýnasista. Talið er að
morðið hafi verið það fyrsta í
Noregi sem rekja megi til kyn-
þáttahaturs. Saksóknarar höfðu
krafist 21 árs fangelsisdóms yfir
tvímenningunum, sem er há-
marksrefsing fyrir morð í Nor-
egi. Dómar héraðsdómsins voru
nokkru vægari, en Jahr hlaut
sextán ára fangelsi og Kvisler
fimmtán ára fangelsi. Þriðji sak-
borningurinn, Veronica Andr-
eassen, sem er 18 ára, hlaut
þriggja ára fangelsisdóm fyrir
að aðstoða Jahr og Kvisler.
Bæði saksóknarar og verjendur
geta áfrýjað dómunum til
hæstaréttar.
Hermansen var fæddur í
Noregi og hafði búið þar allt sitt
líf. Faðir hans er frá Gana og
móðir hans norsk. Fáum mán-
uðum fyrir morðið hafði hann
komið fram í sjónvarpi og talað
gegn kynþáttahatri, eftir að ný-
nasistar höfðu ráðist á hann á
knattspyrnuleik í Danmörku.
Gífurleg reiði braust út í Nor-
egi eftir morðið og tugir þús-
unda manna tóku þátt í mót-
mælafundi gegn kynþáttahatri
sem haldinn var í kjölfarið.
Norskir
nýnas-
istar
dæmdir
Ósló. AFP, AP.
♦ ♦ ♦