Morgunblaðið - 18.01.2002, Blaðsíða 21

ERLENT
MORGUNBLAÐIÐ FÖSTUDAGUR 18. JANÚAR 2002 21
286.-
3 litir af filtteppi
Dökkblár, grár og
dökkdrapp.
Verð nú: 286 kr. m2
Verð áður: 440 kr.
eða 395 kr. stgr.
35% afsláttur
Til á lager: 1400 fermetrar
V E R Ð D Æ M I B
Emotion
plastparket
Sliþoltsflokkur 23.
Mynstur: Ljós hlynur H1040.
Verð nú: 998 kr. m2
Verð áður: 1.695 kr.
eða 1.610.- stgr.
40% afsláttur
Til á lager: 550 fermetrar
998.-
V E R Ð D Æ M I A
Nú göngum við endanlega frá lagernum
~ hvað sem það kostar! Það vill brenna við að á lagerum fyrirtækja safnist fyrir ýmislegt sem menn gefasér ekki tíma til að koma í verð. Þar eru umframbirgðir ýmiskonar – afgangar
og mistök í innkaupum. Þess vegna ætlum við að efna til stórbrotinnar lagersölu
á fjölbreyttu úrvali gólfefna af öllu tagi: Gólfdúkar, gólfteppi, viðargólf (parket),
plastparket, dreglar o.s.frv. Lagersalan stendur aðeinsí 3 daga – Laugardaginn
19. janúar, mánudaginn 21. janúar og þriðjudaginn 22. janúar. Verðdæmin hér
að neðan eru aðeins brot af því sem þér stendur til boða. Auglýst verð miðast við
staðgreiðslu. Komdu því sem fyrst og gerðu verulega hagstæð kaup...
Hellingur af gólfefnum af öllu tagi
á skítaprís 19., 21. og 22. janúar
Reykjavík • Fákafeni 9 • 108 Reykjavík • Sími 515 9800
Reykjanesbær • Hafnargötu 90 • 230 Reykjanesbæ
Opið laugardag frá kl. 10 - 16
1.851.-
Gott stofuteppi
Smámynstrað,efnismikið,
uppúrklippt.
Verð nú: 1.851 kr. m2
Verð áður: 3.085 kr.
eða 2.777.- stgr.
40% afsláttur
Til á lager: 140 fermetrar
V E R Ð D Æ M I C
2.877.-
Viðargólf – Parket
Frá Karelia, Finnlandi
Beyki Polar Light – ljóst
beyki, 1. flokkur.
Verð nú: 2.877 kr. m2
Verð áður: 4.110 kr.
eða 3.494.- stgr.
30% afsláttur
Til á lager: 320 fermetrar.
V E R Ð D Æ M I D
NORSKA blaðið Fiskaren sagði í
leiðara í netútgáfu sinni á mánudag
að best væri að Norðmenn og Ís-
lendingar hefðu samráð um að
sækja um inngöngu í Evrópusam-
bandið ef til þess kæmi. Norðmenn
felldu í nóvember 1994 samning um
aðild er hann borinn undir þjóð-
aratkvæði. „Ef Íslendingar ákveða
að sækja um teljum við að Norð-
menn ættu að gera slíkt hið sama,“
segir blaðið.
Vaxandi umræður eru nú um
hugsanlega aðild Noregs meðal
manna í norskum sjávarútvegi og
segir Svein Ludvigsen sjávarút-
vegsmálaráðherra, sem er hlynntur
aðild, að ummæli manna hjá Sam-
bandi fiskveiðiútgerða og Norges
Fiskarlag, heildarsamtaka hags-
munaaðila í sjávarútvegi, bendi til
þess að sjómenn séu orðnir hlynnt-
ari aðild. Andstaðan við aðildina í
Noregi hefur verið mjög öflug með-
al sjómanna, einkum í Norður-Nor-
egi.
Sigurd Teige, stjórnarformaður
Sambands fiskveiðiútgerða, sagði
nýlega í ræðu á fulltrúaráðsfundi
sambandsins í Álasundi að Norð-
menn ættu að ganga í ESB og fá
þannig úrslitaáhrif á stefnu sam-
bandsins í fiskveiðistjórnun og jafn-
framt á nýtingu sameiginlegra
veiðistofna. Skilyrði fyrir aðild væri
að breytingar yrðu á fiskveiðistefnu
ESB. Blaðamaður Morgunblaðsins
spurði Teige, sem var andvígur
samningnum 1994, hvað hefði
breyst.
„Flestir voru á móti 1994 vegna
þess að samningurinn var svo léleg-
ur, mönnum fannst norsku samn-
ingamennirnir ekki hafa staðið sig
sem skyldi. Mér finnst að sjómenn
verði að vera þátttakendur í um-
ræðunni um aðild að ESB. Það eru
að sjálfsögðu sterk rök fyrir aðild
að þá tryggjum við okkur aðild að
mörkuðum. Ef við fáum núna í gegn
tilslökun af hálfu sambandsins varð-
andi skiptingu og nýtingu auðlind-
anna, sem við fengum ekki þegar
við fórum að semja 1994, lausn á
óleystum deilum um makríl, síld og
kolmunna, þá væri gott að við yrð-
um aðilar að ESB.“
Sjávarútvegurinn útundan
– En hvers vegna ætti að vera
auðveldara að fá aðra niðurstöðu
núna en 1994? Er meiri skilningur á
sjónarmiðum ykkar í Brussel?
„Við verðum ekki aðilar ef Evr-
ópusambandið sér ekki kostina við
að gera umbætur á fiskveiðistjórn-
uninni og jafnframt að semja um þá
stofna sem ekki hefur náðst sam-
komulag um. Ég vona að það gerist.
Norðmenn eiga mikil viðskipti við
ESB á mörgum sviðum og hafa
þurft að sýna sambandinu ýmiss
konar tillitssemi. Sjávarútvegurinn
hefur orðið útundan vegna þess að
menn hafa lagt áherslu á að ró og
friður ríkti í öðrum málum. Við höf-
um ekki slegið í borðið og áhrifa-
miklir menn í norskum stjórnmál-
um hafa ekki haft nægilegan áhuga
á sjávarútveginum. En vegna fisk-
veiðimálanna hef-
ur Noregur ekki
gengið í sam-
bandið og Evr-
ópusambandið
hefur því einnig
goldið þess að
ekki skyldu tak-
ast samningar um
mikilvæga þætti
sjávarútvegsmál-
anna.“
Hann segir að
samkvæmt reglum ESB ættu Norð-
menn að fá stærri hluta af heildar-
afla á kolmunna og fleiri tegundum
sameiginlegra stofna en þeir hafa
nú en deilur hafa staðið um hlut-
fallslega skiptingu milli þjóðanna
við Norður-Atlantshaf. Evrópusam-
bandið verði að koma til móts við þá
sem hafi alla atvinnu sína af sjávar-
útvegi og samþykkja að íbúar
strandhéraðanna hafi lokaorðið um
nýtingu auðlindanna, það megi ekki
krefjast þess að ráða öllu sjálft.
– Ein helsta röksemd andstæð-
inga aðildar var að Norðmenn hefðu
aðeins fengið ákveðinn aðlögunar-
tíma, síðar myndi Brussel taka allar
ákvarðanir um fiskveiðimálin.
„Ég kom inn á þessi mál í ræð-
unni og sagði meðal annars að við
gengjum út frá því að stefnu ESB
yrði breytt og grundvallaratriðin í
fiskveiðistjórnun sem notuð eru í
Noregi yrðu í framtíðinni notuð við
mótun stefnu Evrópusambandsins.
Þá á ég til dæmis við atriði eins og
reglur um brottkast og þess háttar.
Við setjum fáein grundvallarskilyrði
fyrir inngöngu en ef menn vilja
gera eitthvað í málinu verða þeir að
hefja umræður,“ sagði Sigurd
Teige.
Stefna Norges
Fiskarlag óbreytt
Í frétt Aftenposten af ræðu Teige
segir að meðal viðstaddra hafi verið
Reidar Nilsen, formaður Norges
Fiskarlag. Samtökin voru andvíg
samningnum við ESB sem felldur
var í þjóðaratkvæðinu 1994. Fullyrt
er í grein blaðsins að Nilsen sé sam-
mála Tiege um að viðhorf hafi
breyst en í samtali við Morgunblað-
ið segir Nilsen að um nokkra rang-
túlkun Aftenposten sé að ræða.
„Við setjum mikilvæg skilyrði
fyrir því að menn velti þessu yf-
irleitt fyrir sér í al-
vöru og þau hafa
ekki breyst,“ sagði
Nilsen. „Norðmenn
verða að hafa fullan
umráðarétt yfir eig-
in auðlindum í lög-
sögu sinni, á sama
hátt og við ráðum
yfir olíunni. Ég tel
ónauðsynlegt fyrir
norsk stjórnvöld að
sækja um aðild fyrr
en búið er að leysa þessi mál og álít
ekki að breyting hafi orðið á afstöðu
Norges Fiskarlag. Þegar áðurnefnt
skilyrði hefur verið uppfyllt horfir
málið allt öðru vísi við.“
Hann segir samtökin ekki hafa
efnt á ný til umræðu um aðildarmál-
in, það hafi verið Teige sem bent
hafi á að hægt væri að leysa mörg
vandamál með því að vera í Evrópu-
sambandinu. Nilsen segist hafa tek-
ið undir það en þar sem ekki hafi
tekist að leysa deiluna um umráða-
réttinn sé málið ekki á dagskrá.
En telur Nilsen að líkurnar á að
ESB breyti stefnu sinni séu meiri
núna en 1994?
„Það veit ég vissulega ekki en
mér finnst að sambandið ætti að
skilja að það gæti aldrei gengið fyr-
ir norska sjómenn að láta af hendi
auðlindirnar sem þeir hafa nú til
umráða. Þegar upp er staðið eru
það þær sem við verðum að lifa á
þegar olían er búin. þetta ættu
menn að skilja í Brussel. Þessi
þröskuldur var fyrir hendi 1972 og
einnig 1994, hann verður það
áfram,“ sagði Reidar Nilsen.
Vilja að Norðmenn
slái í borðið í Brussel
Skilyrði norskra sjómanna fyrir ESB-aðild enn
sem fyrr að þjóðin ráði yfir fiskimiðum sínum
’ Við setjum fáeingrundvallarskilyrði
fyrir inngöngu en
ef menn vilja gera
eitthvað í málinu
verða þeir að
hefja umræður ‘