Morgunblaðið - 18.01.2002, Blaðsíða 60

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 FÖSTUDAGUR 18. JANÚAR 2002 VERÐ Í LAUSASÖLU 190 KR. MEÐ VSK.
ÁRIÐ 2000 var gerð hérlendis 231
réttarkrufning, 205 í Reykjavík og
26 á Akureyri. Sé litið á skiptingu or-
saka þeirra sem krufðir voru í
Reykjavík létust 100 af sjúkdómum,
voveifleg dauðsföll voru 102 og í
þremur tilvikum var orsök óþekkt.
Sjálfsvíg voru 45 árið 2000 en þau
hafa mörg síðustu ár verið á bilinu 25
til 30.
12,6% látinna krufðir
réttarkrufningu
Gunnlaugur Geirsson, prófessor
og forstöðumaður rannsóknastofu í
meinafræði og réttarlæknisfræði,
ræddi um óvænt dauðsföll á lækna-
dögum sem nú standa yfir. Kom
fram að árið 2000 létust 1.823 á land-
inu, 906 karlar og 917 konur. Voru
12,6% hinna látnu krufðir réttar-
krufningu, alls 231 og 205 í Reykja-
vík. Annaðist Þóra Stephensen flest-
ar krufningarnar.
Af þeim 100 sem létust vegna
sjúkdóma voru hjarta- og æðasjúk-
dómar orsökin hjá 75 manns. Níu lét-
ust vegna lungnasjúkdóma, 9 vegna
heilasjúkdóma, 5 vegna meltingar-
færasjúkdóma og tveir vegna
krabbameins.
Þrjú tilvik óútskýrð
Voveiflegan dauðdaga hlutu 102.
Þar af voru fjögur morð, 45 sjálfsvíg
og 53 létust vegna slysa, svo sem um-
ferðarslysa, flugslysa og vinnuslysa.
Gunnlaugur sagði fjölda sjálfsvíga
óvenju mikinn en yfirleitt væru þau á
bilinu 25 til 30 og hefði sjálfsvígstil-
vikum aftur fækkað á síðasta ári.
Kvað hann enga skýringu á þessari
fjölgun.
Ekki fannst dánarorsök í þremur
tilvikum en eitt tilvikið er vegna
vöggudauða sem Gunnlaugur sagði
ekki unnt að útskýra.
Gunnlaugur Geirsson sagði til-
gang réttarkrufninga meðal annars
þann að upplýsa um óvænt og voveif-
leg dauðsföll en einnig til að halda
mætti sem nákvæmasta skrá um
dánarmein. Þær væru einnig í þágu
ættingja og sagði Gunnlaugur ætt-
ingja í 80 til 90% tilvika þiggja boð
lækna um að ræða niðurstöður
krufninga og fá nánari upplýsingar.
Slíkt væri mikilvægur liður í upp-
gjöri ættingjanna eftir óvænt dauðs-
fall.
Unnið er að samantekt um niður-
stöður síðasta árs en þar sem ekki er
lokið öllum málum segir Gunnlaugur
nokkuð í að þær verði birtar.
231 réttarkrufning var framkvæmd hér á landi árið 2000
Sjálfsvíg voru 45 og
53 létust vegna slysa
 Síaukinn/30
HÆSTIRÉTTUR hefur dæmt 25
ára mann, Davíð Inga Þorsteins-
son, í þriggja ára fangelsi fyrir tvö
rán og tvær ránstilraunir. Brot
hans þóttu hættuleg og fólskuleg,
sérstaklega þegar hann ógnaði af-
greiðslumanni með sprautu. Í
sprautunálinni var blóð úr honum,
en hann er smitaður af lifrarbólgu-
veiru C.
Brotin framdi maðurinn á fjór-
um dögum í maí sl. Á miðvikudegi
ógnaði hann afgreiðslumanni í
bókabúð við Laugaveg með því að
taka hann hálstaki og reka odd-
hvassan hlut í hnakka hans. Þann-
ig neyddi hann manninn til að af-
henda sér um 21 þúsund krónur úr
afgreiðslukassa.
Síðar sama dag fór hann vopn-
aður lítilli sög inn í verslun við Óð-
insgötu, hótaði afgreiðslustúlku
með söginni og réðst á hana. Hann
hörfaði af vettvangi þegar eigin-
maður hennar kom inn í versl-
unina.
Næsta laugardag fór hann inn í
gistiheimili við Flókagötu, vopn-
aður brotinni flösku. Hann hótaði
afgreiðslumanni og neyddi hann til
að afhenda sér fimm þúsund krón-
ur úr peningakassa.
Um nóttina fór hann inn á hótel
við Rauðarárstíg, réðst að af-
greiðslumanni og hótaði honum
með sprautu. Þeir lentu í átökum
og afgreiðslumanninum tókst að
losa sprautuna úr hendi hans og
halda honum þar til lögregla kom
á vettvang. Um þessa árás segir
Hæstiréttur að hún hafi verið sér-
staklega ófyrirleitin og hættuleg.
Þriggja ára fangelsi fyrir rán
„Ófyrirleitin og
hættuleg“ atlaga
með sprautu
KARLAR hafa tilhneigingu til
að láta hár sitt vaxa og „mjúkar
línur“ eru í vaxandi mæli að
ryðja sér til rúms. Hárgreiðslan
er mismunandi; toppar eru
greiddir fram á ennið eða til
hliðar, sumir vilja hafa hárið dá-
lítið loðnara í vöngum og menn
velta því fyrir sér hvort hár-
greiðslan, sem Bítlarnir voru
með þegar þeir komu fyrst fram
á sjónarsviðið, eigi eftir að
ryðja sér aftur til rúms.
Hárskerar og hárgreiðslumeist-
Mjúkar línur og loðið í vangann
Dálítið villtur, en snyrti-
mennskan þó í fyrirrúmi. Stutt, sítt/B 1
arar telja poppara og íþrótta-
stjörnur hafa meiri áhrif á hár-
tísku karla, en tískukónga úti í
heimi. Dæmi um það er snoð-
klipping í anda fótboltakappans
David Beckhams, sem enn er
feikivinsæl en virðist þó heldur
vera á undanhaldi.
Frelsið sem einkenndi hártísku
karla síðasta áratuginn verður
enn við lýði, en útfærslur aðeins
með öðrum blæ.
Morgunblaðið/Golli
GLUGGAÞVOTTUR er iðja sem kaupmenn taka
sér gjarnan fyrir hendur þegar færi gefst, enda
mikilvægt að viðskiptavinir njóti sem best að
horfa inn í verslunina. Í gær var kústinum strok-
ið yfir glugga Gallerís Foldar og svo virðist sem
listagyðjan hafi náð tökum á hreingerning-
armanninum, sem dreifir löðrinu með listrænum
strokum yfir rúðuna á meðan hann virðir fyrir
sér listaverkin innandyra.
Listrænn gluggaþvottur
Steinullarverksmiðjan
Tilboð í
hlutabréf
Skaga-
fjarðar
BYGGÐARÁÐ Skagafjarðar fjallaði
á fundi sínum í gær um tilboð sem
borist hefur í hlutabréf sveitarfé-
lagsins í Steinullarverksmiðjunni.
Um er að ræða hlut upp á tæp 24%.
Tilboðið er sameiginlegt frá Kaup-
félagi Skagfirðinga, BYKO og Húsa-
smiðjunni, sem öll eiga fyrir hlut í
verksmiðjunni. Kaupfélagið á tæp
5% og BYKO og Húsasmiðjan
sameiginlega í gegnum eignarhalds-
félög rúm 12%.
Byggðaráð samþykkti
að gera gagntilboð
Samþykkti meirihluti byggðaráðs
að fela Jóni Gauta Jónssyni sveitar-
stjóra að gera þessum aðilum gagn-
tilboð í samráði við annan meðeig-
anda, finnska fyrirtækið Paroc, sem
á tæp 28%. Fulltrúar Sjálfstæðis-
flokksins í minnihluta ráðsins
greiddu þeirri tillögu ekki atkvæði
að gera gagntilboð heldur sátu þeir
hjá.
Stærsti eigandi verksmiðjunnar
er ríkissjóður með 30,1% eignarhlut.
Nafnverð hlutafjár í fyrirtækinu er
275,5 milljónir króna og eigið fé þess
um síðustu áramót var 518 milljónir.
Tveir léttir!
Nýjun
g