Morgunblaðið - 18.01.2002, Blaðsíða 44
HESTAR
44 FÖSTUDAGUR 18. JANÚAR 2002 MORGUNBLAÐIÐ
HESTHÚSIÐ á Hvanneyri var upp-
haflega byggt yfir dráttarhesta stað-
arins sem notaðir voru við bústörfin.
Þegar Gunnar Bjarnason kom að
Hvanneyri og barðist fyrir kennslu í
hrossarækt var hesthúsið tekið und-
ir hross nemenda. Steyptu básarnir
voru frá þeim tíma. Lengi hefur ver-
ið rætt um þörfina á nýju hesthúsi
og hafa líklega fáir getað hugsað sér
að hægt væri að breyta gamla hest-
húsinu á þann hátt að það svaraði
kröfum nútímans.
Ráðagóður ráðsmaður
og sterkir vinnumenn
En á Hvanneyri starfar ráðagóður
ráðsmaður, Guðmundur Hallgríms-
son, sem greinilega hefur haft áhuga
á að nýta það sem til var á staðnum
til að breyta mætti hesthúsinu á sem
ódýrastan hátt. Verkið mæddi mest
á honum ásamt vinnumanninum
Þorkatli Þórðarsyni og skiptineman-
um Dennis Onchari.
Þeir hófu verkið 10. nóvember sl.
og luku því á sex vikum. Byrjað var
á því að brjóta niður steinsteypta
bása og gólf. Allri steypunni og
moldinni óku þeir út á hjólbörum,
samtals um 300 tonnum. Nýr fóð-
urgangur var síðan steyptur en í stí-
urnar voru sett drenrör, að sjálf-
sögðu rör sem til voru á staðnum, og
drenmöl. Þar ofan á var sett perlu-
möl og efst á skeljasandur frá Akra-
nesi. Þeir þurftu því að aka aftur inn
um það bil 140 tonnum af efni í hjól-
börunum.
Guðmundur sagði að ákveðið hefði
verið að prófa að hafa skeljasand í
stíunum m.a. til að athuga hvort
hægt væri með því að spara spóna-
kaup. Sandurinn er hvort sem er
sóttur á Akranes því hann er einnig
notaður m.a. til að kalka tún. Hug-
myndin er að sjá hve lengi hann dug-
ar án þess að mettast og skipta um
sand eftir þörfum. Hann sagði að ef
sandurinn reyndist ekki vel yrði
skipt um efni. En þetta væri ódýr-
asti kosturinn og ekki annað að sjá
að hann væri góður.
Efnið í stíurnar er danskt, litaður
krossviður og heithúðað járn, og
flutt inn af Kaupfélagi Skagfirðinga.
Guðmundur sagði að eftir að ýmsar
innréttingar hafi verið skoðaðar hafi
verið hagstæðustu kaupin í þessum.
Milligerðirnar eru úr krossviði og er
hægt að opna þær allar til að moka
út með vélum ef þarf. Guðmundur
sagði að þar sem brynningartækin
væru fest á þær hefði það valdið
nokkrum heilabrotum. Að lokum sáu
þeir að hægt væri að tengja vatnið
með barka í leiðslurnar og þegar
opna þarf milligerðirnar er barkinn
einfaldlega losaður frá.
Stíurnar ná alveg út í vegg að aft-
anverðu, en áður var gangur fyrir
aftan básana þar sem hestarnir voru
teymdir út. Fóðurgangurinn er mun
breiðari en áður og nú eru hestarnir
teknir út um rennihurð sem er á
framhliðinni. Sitthvoru megin við
hana eru op sem hestarnir stinga
hausnum í gegnum til að éta af fóð-
urganginum.
Ákveðið var að fórna einni tveggja
hesta stíu til að hafa rýmra pláss við
innganginn í hesthúsið, en þar er nú
pláss fyrir 32 hesta.
Hægt að nýta gamla
húsið enn betur
Hinum megin við fóðurganginn
eru nokkrar gryfjur, allar um fjög-
urra metra breiðar en mismunandi
langar. Bæði Guðmundur og Jóhann
Þorsteinsson tamningakennari sjá
fyrir sér ýmsa notkunarmöguleika
þeirra. Notaður var hluti af efninu
sem mokað var upp úr gólfinu til að
fylla upp í gryfjurnar og hugmyndir
eru um að brjóta niður milliveggi og
gera góða reiðtygjageymslu með
skápum þar sem hægt væri að
geyma reiðföt og fleira. Einnig væri
hægt að útbúa graðhestastíu. Ysta
gryfjan var fyllt fyrir nokkru og þar
er aðstaða til að járna, leggja á o.fl.
Hringgerði var byggt fyrir nokkr-
um árum þegar Ingimar Sveinsson
var kennari í hrossarækt og inn-
leiddi nýjar tamningaaðferðir. Auk
þess er stórt gerði við hesthúsið og
nýlega var tekin í notkun gömul
hlaða, 8x16 metrar að stærð, og hún
notuð sem reiðskemma. Á sumrin er
hún notuð til að þurrka korn og
höfðu verið settar í hana grindur
sem blásið er undir. Þessar grindur
eru hífðar upp og lagðar upp við
vegg á veturna sem gerir það að
verkum að reiðskemman verður hlý-
legri. Guðmundur sagði að auðvelt
væri að útbúa gerði hinum megin við
hesthúsið svo umferð annarra sem
eru með hesta í húsinu truflaði ekki
nemendurna við tamningarnar.
Allir búnir að fara á bak
Aðeins átta nemendur stunda nú
nám í hrossarækt og tamningum á
Hvanneyri. Tamningakennari er
eins og áður sagði Jóhann Þorsteins-
son á Miðsitju. Hann kemur akandi
úr Skagafirðinum á mánudags-
morgnum og er á Hvanneyri í tvo
daga í viku. Hann sagði að hrossin
hefðu komið 7. janúar sl. og tamn-
ingarnar hefðu farið mjög vel af
stað. Hinn 15. janúar, daginn sem
haldið var upp á endurbæturnar, og
eftir að hann hafði verið með nem-
endunum í fjóra daga voru þeir allir
búnir að fara á bak á trippunum.
Miklar endurbætur
gerðar á hesthús-
inu á Hvanneyri
Langþráðar endurbætur hafa nú verið gerð-
ar á hesthúsinu á Hvanneyri. Steyptu bás-
arnir sem voru þar fyrir voru orðnir hálfrar
aldar gamlir og að flestra áliti löngu orðið
tímabært að gera róttækar breytingar á að-
stöðunni. Ásdís Haraldsdóttir kíkti í hest-
húsið ásamt fjölda annarra sem gæddu sér á
mysu og rúgbrauði með kæfu er Hvanneyr-
ingar héldu upp á breytingarnar. Glódís frá Garði kíkir á mannskapinn.
Guðmundur Hallgrímsson og Jóhann Þorsteinsson.
Morgunblaðið/Ásdís Haraldsdóttir
Hesthúsið á Hvanneyri hefur breyst mikið við endurbæturnar.