Morgunblaðið - 19.01.2002, Síða 8

FRÉTTIR
8 LAUGARDAGUR 19. JANÚAR 2002 MORGUNBLAÐIÐ
Kynning á Eflingu og ETAI-rannsókninni
Foreldrar í
lykilhlutverki
FFA-fræðsla fyrirfatlaða og aðstand-endur boðar til
kynningar á „Eflingu –
Áleiðis með börnum“ og
ETAI-rannsókninni í dag.
Ingibjörg Auðunsdóttir,
kennsluráðgjafi við
skólaþróunarsvið Háskól-
ans á Akureyri, mun sjá
um kynninguna, en hún
stóð að útgáfu Eflingar
ásamt fleirum og fer fyrir
hlut Íslands í ETAI-verk-
efninu. Hún svaraði góð-
fúslega nokkrum spurn-
ingum Morgunblaðsins
um umrædda málaflokka.
– Hvað er FFA?
„FFA stendur fyrir
fræðsla fyrir fatlaða og
aðstandendur og er sam-
starfsverkefni Landssam-
takanna Þroskahjálpar, Sjálfs-
bjargar landssambandsins,
Styrktarfélags lamaðra og fatl-
aðra og Styrktarfélags vangef-
inna. FFA stendur fyrir nám-
skeiðum og fræðslu um
margvísleg málefni sem tengjast
fötluðum. Auk námskeiða fyrir
foreldra hafa m.a. verið haldin
sérstök námskeið fyrir afa og
ömmur fatlaðra barna.“
– Segðu okkur eitthvað frá
handbókinni Eflingu – Áleiðis
með börnum, sem þú ætlar að
kynna...
„Efling er handbók sem kenn-
arar, í samvinnu við foreldra og
sérfræðinga stoðþjónustu, geta
notað við að vinna einstaklings-
áætlun fyrir börn og ungmenni
með sérþarfir í leikskólum,
grunnskólum og framhaldsskól-
um.“
– Hver gefur bókina út og eftir
hvern er hún?
„Ég gef bókina út í samvinnu
við Landssamtökin Þroskahjálp
en höfundar hennar eru banda-
rískir. Einn þeirra, Michael F. Gi-
angreco, kom til Íslands 1999 og
hélt hér fyrirlestra og námskeið.“
– Hvar verður kynningin og
hvernig fer hún fram?
„Kynningin fer fram í húsa-
kynnum Þroskahjálpar á Suður-
landsbraut 22. Kynningin fer
fram með tveimur stuttum fyr-
irlestrum og umræðum á milli.
Efnið verður til sýnis á staðnum.“
– Hverjum er kynningin ætluð?
„Þessi kynning er ætluð for-
eldrum og aðstandendum fatlaðra
barna og ungmenna og fötluðum
einstaklingum sem stunda nám í
leik-, grunn- eða framhaldsskóla.“
– Ef efni Eflingar er skoðað,
hvernig standa þau mál á Íslandi
sem bókin snýr að?
„Mesti vandinn við að skipu-
leggja þátttöku nemenda með
miklar sérþarfir í almennum
bekk er að hafa á takteinum
raunhæfar lausnir á námi nem-
endanna. Það er mjög áhugavert
að fylgjast með vinnu kennara
sem eru að skipuleggja nám nem-
enda með sérþarfir þegar þeir
leita raunhæfra leiða til að
tryggja aðild nemand-
ans að almennum bekk
því þá þróast gjarnan
aðferðir sem koma öll-
um nemendum að
gagni.
Hugmyndafræði Eflingar
byggist á einu mikilvægasta hlut-
verki menntunar sem er að skapa
hverjum einstaklingi sem best
lífsskilyrði. Foreldrar gegna lyk-
ilhlutverki í gerð slíkra náms-
áætlana. Samstarf allra sem
vinna með einstaklingnum er
ómissandi liður í að tryggja gæði
menntunar. Við gerð námsáætl-
unar verður leitin að lausn vanda
oftar til þess að efla hverja náms-
áætlun og þeir sem hana vinna
gera sér grein fyrir því að sér-
kennsla er þjónusta en ekki stað-
ur. Alla þessa þætti tel ég að
megi bæta í íslenskum skólum.
Efling er verkfæri til að vinna að
þessum markmiðum.“
– Svo er kynning á ETAI-rann-
sókn, hvað er þar á ferðinni?
„ETAI-rannsóknin – Enhanch-
ing teachers ability in inclusion,
sem við nefnum „Bætt skilyrði til
náms,“ er rannsókn fjögurra
þjóða, þ.e. Austurríkismanna, Ís-
lendinda, Portúgala og Spán-
verja. Rannsókninni var ýtt úr
vör í því skyni að læra af þeim
skólum og þeim kennurum sem
höfðu náð framúrskarandi ár-
angri á sviði heiltæks skólastarfs.
Niðurstöður rannsóknarinnar
voru notaðar sem grunnur að
stuðningsefni fyrir kennara.
Stuðningsefnið samanstendur af
handbók og verkefnum ætlað
kennurum, auk myndbands frá
löndunum fjórum. Tilgangur
ETAI-verkefnisins er að gefa
kennurum kost á að efla færni
sína við almenna grunnskóla við
að skipuleggja nám án aðgrein-
ingar.“
– Hver er hlutur Íslands í um-
ræddri rannsókn?
„Hlutur Íslands er
stór. Rósa Eggerts-
dóttir var verkefnis-
stjóri rannsóknarinnar,
Ísland átti fjölmenn-
asta starfshópinn,
frumkvæði að rannsókninni kom
héðan og fjármálasýsla var í okk-
ar höndum. Íslenski starfshópur-
inn stendur fyrir ráðstefnu 13.
apríl í Lundarskóla á Akureyri
þar sem ETAI-rannsóknin verður
kynnt. Þótt þáttur Íslands hafi
verið umtalsverður er rétt að
leggja áherslu á að við áttum gott
og farsælt samstarf við erlendu
samstarfsaðilana.“
Ingibjörg Auðunsdóttir

Ingibjörg Auðunsdóttir er
fædd 8. maí 1949 í Kópavogi og
uppalin þar. Handavinnukennari
frá KÍ 1970 almennur kennari
við sama skóla 1973 og BA í sér-
kennslufræðum frá KHÍ 1993.
Stundar meistaranám við Há-
skólann á Akureyri. Á árunum
1970–85 var hún grunnskóla-
kennari í Kópavogi og á Akur-
eyri. Kennsluráðgjafi á Fræðslu-
skrifstofu Norðurlandsumdæmis
eystra og á Skólaþjónustu Ey-
þings 1995–99 og kennsluráð-
gjafi á skólaþróunarsviði Háskól-
ans á Akureyri frá 1999.
Varaformaður Þroskahjálpar
fjögur síðustu árin. Maki Ingi-
bjargar er Guðmundur Svaf-
arsson og eiga þau synina Auðun
og Karl.
…Ísland átti
fjölmennasta
starfshópinn
Nei, nei, góði, við göngum ekki svo langt, bara skatt á hvert ris, ekki á hvert út og inn.
SÓLVEIG Pétursdóttir dómsmála-
ráðherra hefur kynnt í ríkisstjórn
frumvarp til laga sem miðar að því
að efla varnir gegn hryðjuverkum.
Í frumvarpinu er ekki gert ráð fyr-
ir að lögregla fái rýmri heimildir til
rannsókna og húsleitar en nú er.
„Markmið þessa frumvarps er að
gera nauðsynlegar breytingar á
lögum til þess að íslenska ríkið
uppfylli skuldbindingar samkvæmt
þremur alþjóðasamþykktum, á
vegum Sameinuðu þjóðanna, gegn
hryðjuverkum,“ segir Sólveig. Um
er að ræða samþykktir sem miða
að því að koma í veg fyrir hryðju-
verkaárásir, fjármögnun hryðju-
verka og ályktun SÞ frá 26. sept-
ember sl. um varnir gegn hryðju-
verkum.
Ekki er um að ræða sérstök lög
um varnir gegn hryðjuverkum
heldur verða gerðar breytingar á
almennum hegningarlögum og lög-
um um refsiábyrgð lögaðila vegna
mútugreiðslu til opinbers starfs-
manns.
Svipað og á Norðurlöndum
„Þessar lagabreytingar eru sam-
bærilegar við endurskoðun laga
sem á sér stað á öðrum Norð-
urlöndum og í flestum vestrænum
ríkjum í kjölfar hryðjuverkanna
[11. september],“ segir Sólveig.
Fyrirmynd frumvarpsins er að
nokkru leyti sótt í frumvarp sem
lagt hefur verið fyrir danska þing-
ið. Frumvörpin eru þó ólík m.a. að
því leyti að í því íslenska er ekki
gert ráð fyrir auknum rannsókn-
arheimildum lögreglu. „Slíkar
breytingar eru ekki lagðar til í
þessu lagafrumvarpi. Þær verða
skoðaðar nánar í heildarendurskoð-
un um meðferð opinberra mála en
það er alveg óvíst hvort þörf verði
á slíku,“ segir Sólveig.
Frumvarpið miðar að því að skil-
greina nánar hvaða verknaður telst
hryðjuverk og verða þau flokkuð
sem brot gegn stjórnskipun rík-
isins og æðstu stjórnvöld þess. Þá
verði fjármögnun hryðjuverka gerð
refsiverð en slíkt skortir í gildandi
lögum og nánar kveðið á um refs-
ingu þess sem veitir hryðjuverka-
starfsemi stuðning. Að auki verður
refsilögsaga íslenska ríkisins
rýmkuð þannig að unnt verði að
refsa fyrir hryðjuverk án tillits til
þess hvar þau eru framin og án til-
lits til þjóðernis þess sem framdi
verknaðinn.
Frumvarpið verður kynnt í ríkis-
stjórnarflokkunum á næstunni.
Lagabreytingar til að
verjast hryðjuverkum
FERÐAMÖNNUM er nú heimilt
að koma með tollfrjálsan varning til
landsins að verðmæti 46 þúsund
krónur í stað 36 þúsund kr. áður og
hver hlutur má kosta allt að 23 þús-
und krónum í stað 18 þúsund króna
áður, samkvæmt reglugerðarbreyt-
ingu sem fjármálaráðherra hefur
gert. Börn yngri en 12 ára mega
flytja inn varning fyrir helming
þessara upphæða.
Þá hefur verið fest í reglugerð
heimild til innflutnings á þremur
léttvínsflöskum sé ekki sterkt vín
tekið með inn í landið. Áður var
heimilt að flytja inn tvo lítra af
áfengi sem innihélt vínanda sem
var minni en 22% að styrkleika, en
það hefur nú verið hækkað í 2,25
lítra. Óbreytt er hins vegar að taka
má með sér sex lítra öls og einn
lítra áfengis sem er sterkara en
22%.
Andvirði matvæla sem taka má
með sér til landsins hækkar úr 10
þúsund kr. í 13 þúsund kr. og mega
þau vega allt að því þrjú kg.
17 þúsund kr. fyrir
flugliða og farmenn
Einnig hafa viðmiðunarfjárhæðir
vegna tollfrjáls innflutnings far-
manna og flugliða einnig verið
hækkaðar úr 13 þúsund krónum í
17 þúsund krónur hafi þeir verið
skemur en 15 daga í ferð. Ef ferðin
hefur staðið lengur en 15 daga er
fjárhæð tollfrjáls innflutnings 34
þúsund kr. en var áður 26 þúsund
krónur.
Verðmæti toll-
frjáls varnings
hækkar
DÓMSMÁLARÁÐUNEYTIÐ
hefur auglýst lausar til umsóknar
embætti sýslumannsins á Ísafirði
og á Blönduósi. Stöðurnar verða
veittar frá 15. febrúar 2002.
Umsóknir berist dóms- og
kirkjumálaráðuneytinu, Arnar-
hvoli, eigi síðar en 23. janúar
2002.
Ólafur Helgi Kjartansson, sem
áður var sýslumaður á Ísafirði,
hefur verið skipaður sýslumaður
á Selfossi og Kjartan Þorkelsson
sem var sýslumaður á Blönduósi,
hefur verið skipaður sýslumaður
á Hvolsvelli.
Í auglýsingunni kemur fram að
sú regla gildir hjá ráðuneytinu og
undirstofnunum að jafnrétti
kynjanna skuli haft í heiðri við
stöðuveitingar.
Umsóknir þar sem umsækj-
andi óskar nafnleyndar verða
ekki teknar gildar.
Lausar stöð-
ur sýslu-
manna