Morgunblaðið - 19.01.2002, Page 21

VIÐSKIPTI/ATHAFNALÍF
MORGUNBLAÐIÐ LAUGARDAGUR 19. JANÚAR 2002 21
FROSTI Bergsson, stjórnarformaður Opinna
kerfa, segir að í upphafi árs í fyrra hafi verið
gert ráð fyrir svipaðri afkomu hjá félaginu ár-
ið 2001 og verið hafi árið 2000, en eins og
greint hefur verið frá sendi félagið frá sér af-
komuviðvörun í vikunni þar sem fram kom að
flest bendir til að afkoman verði undir þeim
væntingum.
„Í sex mánaða uppgjörinu var umtalsvert
tap af rekstri Aco-Tæknivals og Skýrr færði
niður hlutabréfaeign sína, þannig að þessi tvö
félög höfðu veruleg áhrif á sex mánaða upp-
gjör samstæðunnar. Með tilliti til þeirra vor-
um við með um 200 milljóna króna tap eftir
sex mánuði í fyrra,“ segir Frosti. „Þriðji árs-
fjórðungur er alltaf erfiður,“ bætir hann við,
„og í níu mánaða uppgjörinu var einnig um
200 milljóna króna tap af samstæðunni. Samt
sem áður var afkoma móðurfélagsins mjög
góð og við töldum að margt gæti gerst á
fjórða ársfjórðungi þannig að ekki væri
ástæða til að breyta þeirri áætlun sem við vor-
um með, sem var á þá leið að reksturinn í
heild sinni yrði nálægt núllinu.
Við erum ekki búnir að fá endanleg uppgjör
frá hlutdeildar- og dótturfélögum, en eftir að
hafa skoðað rekstur fjórða ársfjórðungs
sjáum við ekki þar þau umskipti sem við vor-
um að vonast eftir, þrátt fyrir að móðurfélagið
skili betri afkomu en áætlað hafði verið. Þess
vegna gerum við nú ráð fyrir tapi á bilinu 100
til 200 milljónir króna af samstæðunni.“ Að-
spurður segir Frosti að Datapoint Svenska,
sem Opin kerfi keyptu undir árslok í fyrra,
verði að hluta inni í samstæðuuppgjöri Opinna
kerfa. Afkoma þess sé samkvæmt væntingum
og sé því ekki ástæða afkomuviðvörunarinnar.
Frosti segir að árið í fyrra hafi verið fé-
lögum í upplýsingatækni erfitt. Opin kerfi eigi
hlutabréf í óskráðum félögum í þessum geira
og muni leggja áherslu á að þau verði skráð á
markaðsverði í reikningum sínum. Hann
bendir einnig á að á móti komi að talsverð dul-
in eign sé fyrir hendi í ákveðnum skráðum fé-
lögum. Skýrr sé til að mynda vanmetið í
reikningum Opinna kerfa. Markaðsverð þess
sé um 1.200 milljónir króna en Opin kerfi færi
52% hlut sinn á um 350 milljónir króna. Þetta
segir Frosti að stafi af því að félagið vilji hafa
borð fyrir báru þegar kemur að mati á verð-
mæti hlutabréfasafns þess.
100–200 milljóna króna tap á síðasta ári hjá Opnum kerfum
Umskipti gengu ekki eftir
Frosti Bergsson
SKULDABRÉF Vetrargarðsins
ehf., alls að nafnverði 1,4 milljarðar
króna, verða tekin til skráningar á
Verðbréfaþingi Íslands 22. janúar
nk.
Vetrargarðurinn er dótturfélag
Íslenskrar erfðagreiningar, sem aft-
ur er dótturfélag deCODE genetics
og er fasteignafélag um Sturlugötu
8, nýbyggingu deCODE. Um er að
ræða fjármögnun á húsnæðinu, sem
verið er að taka í notkun í þessum
mánuði.
Skuldabréfin hafa þegar verið seld
lífeyrissjóðum og verðbréfasjóðum,
samkvæmt upplýsingum frá Íslands-
banka, sem annaðist söluna og er
umsjónaraðili skráningarinnar. Til
tryggingar greiðslu skuldabréfanna
er veðréttur í fasteigninni sjálfri auk
sjálfskuldarábyrgðar af hálfu Ís-
lenskrar erfðagreiningar og de-
CODE.
Skulda-
bréf Vetr-
argarðs-
ins skráð
KAUPÞING hefur nú bætt meðal-
talsvalréttum við vörulínu sína sem
staðlaðri afurð, en frá árinu 1997 hef-
ur fyrirtækið boðið staka meðaltals-
valrétti í sérstökum tilfellum. Með-
altalsvalréttir eru fjármálaafurð sem
fyrirtæki geta keypt til varnar gegn
gjaldeyrisáhættu. Hefðbundnir val-
réttir (e. options) eru algeng vörn
gegn gjaldeyrisáhættu, en í upplýs-
ingum frá afleiðudeild Kaupþings
kemur fram að slíkir valréttir henta
ekki í öllum tilvikum og þykja í sum-
um tilfellum dýrir. Þetta á sérstak-
lega við þegar verið er að verja
greiðsluflæði í erlendri mynt.
Afleiðudeild Kaupþings segir
meðaltalskauprétt henta vel til
áhættuvarnar vegna greiðsluflæðis
fyrirtækja, því litið sé til þess hvert
meðalgengi var á því tímabili sem
samningurinn náði til, en ekki aðeins
gengis á tilteknum lokadegi, eins og
þegar um hefðbundinn valrétt sé að
ræða.
Meðaltalsvalréttur er einnig ólík-
ur hefðbundnum valrétti að því leyti
að ekki er um að ræða beinan rétt til
að kaupa eða selja gjaldeyri heldur
kröfu um að fá verðmismun greiddan
á lokadegi. Verðmismunurinn er
reiknaður út frá meðalgengi samn-
ingstímans og samningsgenginu,
sem getur til dæmis verið gengið á
þeim tíma sem samningurinn er
gerður.
Meðaltals-
valréttur
gegn geng-
isáhættu
♦ ♦ ♦