Morgunblaðið - 27.01.2002, Page 4

FRÉTTIR
4 SUNNUDAGUR 27. JANÚAR 2002 MORGUNBLAÐIÐ
Frábært tilboð
á klassískri tónlist
Laugavegi 26
40% afsláttur
af geislaplötum margra
þekktustu og virtustu
tónlistarmanna heims.
Mikið úrval fyrir vandláta
tónlistarunnendur.
HÖSKULDUR Ásgeirsson, fram-
kvæmdastjóri Flugstöðvar Leifs
Eiríkssonar hf., segir af og frá að
fyrirtækið geri flugþjónustufyrir-
tækjum ókleift að keppa á jafn-
réttisgrundvelli um afgreiðslu far-
þegaflugvéla á Keflavíkurflugvelli.
Framkvæmdastjóri Vallarvina
sagði í samtali við Morgunblaðið í
gær að fyrirtækinu hefðu á ýmsan
hátt verið boðin óhagstæðari kjör
en Flugþjónustunni á Keflavíkur-
flugvelli, dótturfyrirtæki Flug-
leiða.
Höskuldur bendir á að nýir eig-
endur og stjórn hafi tekið við
rekstri flugstöðvarinnar síðla árs
2000. „Í janúar 2001 tók stjórnin
ákvörðun um að fjárfesta fyrir 40
milljónir í nýjum innritunarborðum
og tölvubúnaði fyrir innritun í flug-
stöðina. Sett voru upp fimm ný
borð sem voru tilbúin til notkunar í
lok maí sama ár. Þessi aðstaða ger-
ir fyrirtækjum eins og Vallarvinum
og Suðurflugi kleift að innrita far-
þega í flugstöðinni,“ segir Hösk-
uldur.
Síðla hausts 2000 hafi náðst sam-
komulag við Flugleiðir um að gefa
eftir fjögur innritunarborð frá og
með 1. janúar 2001 þannig að önn-
ur flugþjónustufyrirtæki hafi tök á
að innrita farþega. Þetta hafi verið
tilkynnt til Suðurflugs og Vallar-
vina. Höskuldur segist hafa átt í
samningaviðræðum bæði við Suð-
urflug og Vallarvini og boðið þeim
hina nýju aðstöðu á sama gjaldi og
Flugþjónustan greiðir. Því miður
hafi samningar ekki tekist.
Höskuldur segir ekki rétt sem
Þórarinn Kjartansson, fram-
kvæmdastjóri Vallarvina, sagði í
Morgunblaðinu í gær; að flugstöðin
færi fram á 300.000 króna lág-
marksmánaðargjald fyrir hvert
innritunarborð. Hið rétta sé að
Vallarvinum hafi verið boðið að
greiða 50.000 krónur miðað við
fjögurra tíma notkun á sólarhring.
Líklega hafi Þórarinn miðað við að
hann verði að greiða fyrir notkun á
borðunum allan sólarhringinn.
Höskuldur Ásgeirsson, framkvæmdastjóri Leifsstöðvar
Keppa á jafnréttis-
grundvelli um afgreiðslu
GEIR H. Haarde fjármálaráðherra
segir að samanburður á launaþróun
einstakra launþegahópa sé mjög
flókinn og margþættur og margt
sem taka þurfi tilliti til að fá raun-
sanna mynd í þeim efnum. Þannig
skipti mjög miklu máli hvaða tímabil
séu borin saman og einnig samsetn-
ing þeirra launþegahópa sem um sé
að ræða, spurður um þann mismun
sem launavísitala Hagstofu Íslands
mælir á launaþróun opinberra
starfsmanna og bankamanna annars
vegar og á launum á almennum
markaði hins vegar, en frá því var
sagt í Morgunblaðinu á fimmtudag-
inn.
Fram kom að milli ársmeðaltala
2000 og 2001 hefðu laun opinberra
starfsmanna hækkað að meðaltali
um 9,6% en laun á almennum mark-
aði um 8,3%. Ef hins vegar litið er til
síðustu tólf mánaða kemur fram að
laun opinberra starfsmanna hafa
hækkað um 12,3% milli fjórða árs-
fjórðungs 2000 og 2001, en um 7,3% á
almenna markaðnum á sama tíma.
Síðustu fimm árin hafa laun opin-
berra starfsmanna hækkað um
52,6%, en á almennum markaði um
36,8%.
„Það er hægara sagt en gert að
bera þessa hluti saman. Á þeim árum
sem almenni markaðurinn er að
semja hækkar hann meira en opin-
berri markaðurinn. Þegar opinberir
aðilar semja eins og árið 2001 eru
kauphækkanir þar náttúrlega meiri
en á almenna markaðnum,“ sagði
Geir.
Hann sagði að þegar litið væri
lengra aftur í tímann, eins og gert
hefði verið í Morgunblaðinu, þyrfti
einnig að hafa í huga að síðan þá
hefðu horfið út úr opinbera geiran-
um ýmsar stéttir sem hefðu áhrif á
þetta meðaltal, t.a.m. póstmenn,
símamenn o.fl.
„Í þessum samanburði þarf að gá
mjög vel að því að um sé að ræða
samanburðarhæfa hópa, þannig að
það er meira en að segja það að bera
þetta saman af einhverri ná-
kvæmni,“ sagði Geir einnig.
Hann bætti því við að einn þáttur í
skýringu á þessari launaþróun væri
síðan sá að ákveðnir hópar hjá hinu
opinbera hefðu verið að fá hækkanir,
sem talið hefði verið að þokkaleg sátt
væri um í þjóðfélaginu, eins og til
dæmis kennarar.
Spurður um þau orð Gylfa Arn-
björnssonar, framkvæmdastjóra Al-
þýðusambands Íslands, í Morgun-
blaðinu í gær að til viðbótar við
mismunandi launaþróun komi einnig
mismunandi réttindi opinberra
starfsmanna hvað varði lífeyrissjóð
og fleira sagði Geir að það væri mál
sem hann þyrfti að skoða betur.
Réttindi í lífeyrissjóðum væri ára-
tugagamalt mál sem tengdist ekki
samanburði á launaþróun síðustu
ára. Hins vegar væri ljóst að rétt-
indamunur almennt hefði farið
minnkandi og hann gæti verið á báða
bóga. Þannig hefði stundum verið
straumur frá félögum á almennum
markaði yfir í félög opinberra starfs-
manna og stundum hefði það verið
öfugt. Þarna væru hins vegar ákveð-
in vandamál á ferðinni sem fjármála-
ráðuneytið hefði orðið ásátt um að
fara yfir með ASÍ, eins og kæmi
fram í yfirlýsingu varðandi endur-
skoðun á forsendum samninga í des-
ember síðastliðnum.
Geir H. Haarde fjármálaráðherra um launaþróun
opinberra starfsmanna og á almennum markaði
Samanburður á launa-
þróun mjög flókinn
KYNNINGARFUNDUR á námsefn-
inu Dagblöð í skólum fór fram í vik-
unni, en um er að ræða samstarfs-
verkefni Morgunblaðsins, DV,
Fréttablaðsins og Fræðslumið-
stöðvar Reykjavíkur. Á fundinn
mættu yfir 20 kennarar 3. bekkjar
grunnskóla á höfuðborgarsvæðinu.
Þetta er annað skólaárið sem náms-
efnið Dagblöð í skólum er kennt og
í fyrsta skipti sem 3. bekkingar
taka þátt í því.
Verkefnið felur í sér að nem-
endur lesa dagblöðin, ræða um þau
og vinna margvísleg verkefni upp
úr þeim. Á hálfsmánaðarfresti eiga
Kynning á verkefninu
„Dagblöð í skólum“
Morgunblaðið/Sverrir
Kennarar á kynningarfundi í Fræðslumiðstöð Reykjavíkur um náms-
efni sem dagblöðin hafa gefið út.
nemendurnir von á blöðum undan-
farinna daga frá dagblöðunum og
vinna síðan verkefni úr bókinni
„Dagblaðabókin mín“.
7. bekkingar á höfuðborgarsvæð-
inu hafa einnig fengið námsefnið og
segir Auður Huld Kristjánsdóttir
verkefnistjóri og kennari í Breiða-
gerðisskóla að kennarar séu al-
mennt mjög ánægðir með árang-
urinn. „Krakkarnir eru mjög
áhugasamir og það er greinilegt að
þeir hafa meiri áhuga á að lesa
blöðin en áður og fylgjast jafnvel
með í sjónvarpsfréttum vilji þau
vita meira um ákveðin mál.“
ÞETTA reisulega hús var flutt frá Arnarbakka í Breið-
holti upp á Vatnsendablett í fyrrinótt.
Lögregluvörður fylgdi húsinu til að tryggja að allt
færi vel fram og ekki síður til að vara aðvífandi öku-
menn við ferlíkinu sem náði yfir þrjár akreinar. Að
öðrum kosti hefði sjálfsagt mörgum brugðið enda ekki
á hverjum degi sem heilu húsi er ekið á milli bæjar-
félaga.
Morgunblaðið/Júlíus
Hús flutt í lögreglufylgd upp Breiðholtsbraut og eitthvað upp á Vatnsenda.
150 fermetra hús á ferðalagi
HÉRAÐSDÓMUR Reykjavíkur úr-
skurðaði á föstudag gegn Lífeyris-
sjóði hjúkrunarfræðinga þegar við-
urkennt var að skerðing á lífeyris-
réttindum hjúkrunarfræðings hefði
verið ólögmæt. Málið varðaði áunnin
lífeyrisréttindi stefnanda, fyrir
nematíma áranna 1954 til 1957 sem
voru felld brott með lögum er tóku
gildi árið 1996, samtals 4,8% af við-
miðunarlaunum lífeyris.
Stefnandi stundaði hjúkrunarnám
við Hjúkrunarskóla Íslands á árun-
um 1954 til 1957. Allt frá þeim tíma
vann hún við hjúkrunarstörf í fullu
starfi og átti aðild að Lífeyrissjóði
hjúkrunarkvenna, sem síðar varð
Lífeyrissjóður hjúkrunarfræðinga.
Hún stundaði á námsárum hjúkrun-
arstörf á Landspítalanum en á þeim
tíma voru nemum ekki greidd bein
laun en samkvæmt þágildandi lögum
fengu þeir tiltekin réttindi.
Stefnandi sagðist hafa áunnið sér
lífeyrisrétt sem samsvaraði 1,6%
fyrir hvert námsár eða samtals 4,8%
á nematímanum. Á árinu 1996 voru
samþykkt lög á Alþingi sem fólu í sér
breytingar á fyrri lögum. Í þessum
lagabreytingum kvað stefnandi hafa
falist grundvallarbreytingar að því
er varðar áunnin réttindi sín.
Dómurinn lítur svo á að lífeyris-
réttindin, sem stefnandi aflaði sér
meðan á námi stóð, hafi þannig kom-
ið í stað vinnulauna. Vinnulaun, sem
menn hafa þegar unnið fyrir eða það,
sem í stað þeirra kemur, er eign, sem
varin er af eignarréttarákvæði
stjórnarskrárinnar. Þegar af þeirri
ástæðu er það niðurstaða dómsins að
Lífeyrissjóði hjúkrunarfræðinga
hafi verið óheimilt að skerða lífeyr-
isréttindi stefnanda með þeim hætti
sem gert var.
Arngrímur Ísberg héraðsdómari
kvað upp úrskurðinn. Lögmaður
stefnanda var Óskar Norðmann hdl.
og lögmaður stefnda Þórunn Guð-
mundsdóttir hrl.
Skerðing lífeyris-
réttinda úrskurð-
uð ólögmæt