Morgunblaðið - 05.04.2002, Side 6

FRÉTTIR
6 FÖSTUDAGUR 5. APRÍL 2002 MORGUNBLAÐIÐ
DAVÍÐ Oddsson forsætisráðherra
vottaði minningu Ho Chi Minh,
leiðtoga þjóðernissinna og komm-
únista og fyrsta forseta Lýðveld-
isins Víetnams og Norður-
Víetnams, virðingu sína með því að
leggja blómsveig að grafhýsi hans
í Hanoi, höfuðborg Víetnams í
gær. Hann skoðaði meðal annars
safn og heimili Ho, Bókmenntahof-
ið og hitti ráðamenn að máli. Í við-
ræðum við forsetann vakti for-
sætisráðherra máls á því að þær
umbætur á skipulagi atvinnulífsins
sem átt hafa sér stað á und-
anförnum árum væru forsenda
vaxandi samstarfs landanna. Mikil
þátttaka var í viðskiptaráðstefnu
sem Íslendingar efndu til.
Það var söguleg stund þegar for-
sætisráðherra Íslands lagði blóm-
sveig að grafhýsi Ho Chi Minh sem
stendur við hið sögufræga Ba Dinh
torg í Hanoi. Íslenska sendinefndin
gekk í gegn um grafhýsið þar sem
smurður líkami þjóðarleiðtogans
hvílir upplýstur á börum. Vörðu
síðan drjúgum tíma í að skoða safn
um ævi þjóðarleiðtogans og heimili
hans, meðal annars tréhúsið
þekkta þar sem hann bjó síðustu ár
sín, vann og fundaði með ýmsum
forystumönnum frá öðrum lönd-
um. Á þessum stöðum eru margar
af eigum Ho frænda, eins og hann
kaus stundum að kalla sig, en þær
eru ekki margbrotnar. Einnig sím-
ar sem hann notaði til að halda
sambandi við heri sína og Víet-
kong og hjálmur sem honum var
ráðlagt að hafa á höfði sér vegna
loftárása Bandaríkjamanna á
Norður-Víetnam í Víetnamstríð-
inu. Forsætisráðherra lagði einnig
blómsveig að minnisvarða um þjóð-
hetjur og fórnarlömb stríðsins.
Ho var sem kunnugt er helsti
leiðtogi í sjálfstæðisbaráttu Víet-
nams og síðan í stríðinu sem Norð-
ur-Víetnamar og samverkamenn
þeirra í skæruliðasamtökunum
Víetkong háðu við þáverandi
stjórnvöld í Suður-Víetnam og
Bandaríkjamenn. Ho lést 1969, áð-
ur en félagar hans unnu sigur í
stríðinu og sameinuðu Víetnam.
Lifði næstum eins og
meinlætamaður
„Það var fróðlegt að sjá hvernig
hann lifði og starfaði, næstum eins
og meinlætamaður, eins og því var
lýst fyrir okkur. Það var ótrúlega
lítið viðhaft varðandi ytri umgjörð
hans og persónu, en fróðlegt og
sögulegt að skoða. Greinilegt er að
mikil helgi hvílir yfir honum í
huga landsmanna,“ sagði Davíð
eftir heimsóknina á safn og heimili
Ho. Spurður að því hvort ekki teld-
ist sögulegt að forsætisráðherra
Íslands heiðraði minningu Ho Chi
Minh, í ljósi stöðu landanna á tím-
um kalda stríðsins, sagði Davíð að
þegar komið væri til lands eins og
Víetnams bæri mönnum skylda til
að sýna landsmönnum fulla virð-
ingu og því sem þeir bjóða upp á.
Það væri siður gestgjafanna að
heiðra minningu þessa leiðtoga
síns og sér þætti það eðlilegt og
sjálfsagt að taka þátt í því.
Í samtölum forsætisráðherra og
Tran Duc Luong, forseta Víet-
nams, vakti Davíð máls á þeim
breytingum í efnahagslífinu sem
stjórnvöld í Víetnam hafa staðið
fyrir og sagði að þær væru for-
senda aukinnar samvinnu land-
anna. Sagði hann í samtali við
Morgunblaðið að Víetnamar væru
að auka mjög alþjóðleg viðskipti,
vildu eiga vinsamleg samskipti við
allar þjóðir og væru greinilega að
veita íbúunum aukið frelsi. Segir
augljóst að slíkar breytingar séu
mikilvægar fyrir íslensk fyrirtæki
sem flest séu lítil og eigi erfiðara
en stórfyrirtæki að glíma við við-
skiptahindranir af ýmsu tagi. Á
vinnufundi með Ta Quang Ngoc,
sjávarútvegsráðherra, kom fram
að mikill skortur er á stjórn-
unarþekkingu af öllu tagi í sjávar-
útvegi og var leitað eftir aðstoð Ís-
lendinga við fagleg og tæknileg
störf á því sviði, meðal annars við
hafrannsóknir og mat á stofnstærð
fiskistofna.
Yfir 200 manns komu á við-
skiptaráðstefnu sem Útflutnings-
ráð efndi til með fulltrúum ís-
lensku fyrirtækjanna í viðskipta-
sendinefnd Íslands og fólki sem
hefur áhuga á viðskiptum við land-
ið. Fór þátttakan fram úr vonum
og var fólkið áhugasamt.
Forsætisráðherra og föruneyti skoðuðu heimili og safn Ho Chi Minh í Hanoi
Morgunblaðið/Helgi Bjarnason
Davíð Oddsson forsætisráðherra og íslenska sendinefndin gengu á eftir varðliðum með blómsveig að grafhýsi
Ho Chi Minh. Ráðherra lagði sveiginn að grafhýsinu til að heiðra minningu þjóðarleiðtogans.
Ungar tónlistarkonur léku á þjóðleg hljóðfæri og sungu fyrir sendi-
nefnd Íslands í Bókmenntahofinu í Hanoi. Síðan settu þær bambushatta
á höfuð Davíðs Oddssonar forsætisráðherra og Ástríðar Thorarensen,
eiginkonu hans, og fleiri í sendinefndinni. Með þeim og stúlkunum er Al-
bert Jónsson, sérfræðingur forsætisráðuneytisins í utanríkismálum.
Lagði blóm-
sveig að graf-
hýsi Ho frænda
Hanoi. Morgunblaðið.
SAMÞYKKTUR hefur verið B-listi
Framsóknarflokks og óháðra fyrir
bæjarstjórnarkosningarnar í Garða-
bæ í vor. Einar Sveinbjörnsson, bæj-
arfulltrúi Framsóknarflokksins, leið-
ir listann en fulltrúar óháðra skipa
þar annað, fimmta, ellefta og þrett-
ánda sætið. Í síðasttalda sætinu er
Ragnar Magnússon forstjóri sem
hefur átt sæti í fulltrúaráði Sjálf-
stæðisflokksins í Garðabæ.
Spurður um tilurð þessa framboðs
segir Einar í samtali við Morgun-
blaðið að hópur fólks hafi komið að
máli við framsóknarmenn á undan-
förnum vikum, jafnt fólk úr Sjálf-
stæðisflokknum og einstaklingar
sem ekki hafi fundið sér samastað hjá
öðrum flokkum. Hugmyndir um sam-
eiginlegt framboð hafi verið ræddar
og á endanum samþykktar. Niður-
staðan hafi verið sú að fulltrúar þessa
hóps fengju fjögur sæti á B-listanum.
Einar segist líta svo á að klofning-
ur sé innan Sjálfstæðisflokksins í
bænum þegar flokksmenn, sem m.a.
eiga sæti í fulltrúaráði, gangi til liðs
við önnur framboð. Vissulega megi
deila um hve mikill sá klofningur sé
en Einar segist klárlega skynja og
heyra óánægju margra sjálfstæðis-
manna með forystusveit þeirra í
Garðabæ. Einar telur að B-listinn
eigi góða möguleika á að bæta við
manni í komandi kosningum. Ef það
gangi eftir sé meirihluti Sjálfstæðis-
flokksins til 35 ára fallinn, en hann á
nú fjóra af sjö bæjarfulltrúum.
Framsókn er með einn og J-listi
Garðabæjarlistans með tvo.
Í yfirlýsingu frá B-listanum segir
m.a. að „sérgæska og persónulegt
framabrölt“ hafi einkennt starfs-
hætti Sjálfstæðisflokksins í Garðabæ
og dregið hafi úr vilja til þess að
hlusta á rödd hins almenna bæjar-
búa. Um það beri glöggt vitni fleiri
undirskriftasafnanir íbúa til bæjar-
stjórnar útaf smáum sem stórum
málum. Helstu stefnumál framboðs-
ins eru sögð vera markvissari þjón-
usta við íbúa og fyrirtæki, skarpari
framtíðarsýn fyrir bæjarfélagið og
betri nýting skattfjár. Kynna á
Garðbæingum stefnuskrána nánar á
næstu vikum.
„Grátbroslegt sjónarspil“
Ásdís Halla Bragadóttir, bæjar-
stjóri í Garðabæ og oddviti á lista
Sjálfstæðisflokksins fyrir kosning-
arnar í vor, segir að kynningin á
framboði framsóknarmanna sé ekk-
ert annað en „grátbroslegt sjónar-
spil“ af þeirra hálfu.
„Ég hef skoðað framboðslistann og
sé að í þeim hópi er einn sjálfstæð-
ismaður og hann er settur í þrett-
ánda sætið. Allar fullyrðingar um að
hópur sjálfstæðismanna hafi flykkst
um þennan lista Framsóknarflokks-
ins, eða að klofningur sé innan okkar
raða, eru algjörlega úr lausu lofti
gripnar. Enda er mjög góð samstaða
meðal okkar sjálfstæðismanna í
Garðabæ. Við erum með nýjan og
glæsilegan framboðslista, sem sam-
þykktur var á fjölmennum fundi með
97% greiddra atkvæða,“ segir Ásdís
Halla.
„Framsóknarmenn grípa nú í það
hálmstrá að heyja persónulega og
gagnrýna kosningabaráttu. Ekki
geta þeir gagnrýnt okkur fyrir að
hafa eytt biðlistum eftir leikskóla-
plássum, aukið framlög á hvern
grunnskólanema um 47% eða að út-
svar skuli hvergi vera lægra á höf-
uðborgarsvæðinu en í Garðabæ. Við
ætlum að heyja málefnalega kosn-
ingabaráttu með hag bæjarins að
leiðarljósi. Við trúum því að Garðbæ-
ingar láti neikvæðan áróður fram-
sóknarmanna ekki villa um fyrir sér,“
segir Ásdís Halla og minnir á að
Sjálfstæðisflokkurinn ætli nk. mið-
vikudagskvöld að bjóða Garðbæing-
um á „stefnumót“ þar sem þeir eigi
að fá tækifæri til að móta kosninga-
stefnuskrána með frambjóðendum.
Undirbúningur bæjarstjórnarkosninga í Garðabæ
Framsóknarmenn fá
óháða til liðs við sig
HJÁLMAR Árnason, formaður iðn-
aðarnefndar Alþingis, segist vera
sáttur við þær skýringar sem samn-
ingamenn Íslands gáfu á svörum sem
þeir veittu nefndinni um samskipti
þeirra við samningamenn Norsk
Hydro um stóriðjuframkvæmdir á
Austurlandi. Hjálmar sagðist ekki
telja að nefndin hafi verið blekkt á
fyrri stigum málsins heldur hefðu
samningamenn Íslands fengið misvís-
andi svör frá Norðmönnum og nokk-
urn tíma hefði tekið að fá fram end-
anlega afstöðu eftir að vísbendingar
komu fram um hik af hálfu Norsk
Hydro.
Bryndís Hlöðversdóttir, þing-
flokksformaður Samfylkingarinnar,
sagði á Alþingi í fyrradag að hún ósk-
aði eftir að fundur yrði haldinn í þing-
nefndum sem um málið hefðu fjallað
til að fá skýringar á misvísandi upp-
lýsingum um málið. Iðnaðarnefnd
hélt fund í gær þar sem mættu
fulltrúar Hæfis, Landsvirkjunar, iðn-
aðarráðuneytisins og Þórður Frið-
jónsson sem einnig hefur unnið að
málinu.
„Við teljum að það hafi enginn sagt
neitt ósatt og að enginn hafi verið að
leyna upplýsingum heldur hafi málið
verið í þeim farvegi sem hægt er að
ætlast til í svona viðræðum. Spurn-
ingin er sú hvort þeir [samningamenn
Íslands] hefðu átt að láta okkur vita í
trúnaði að það mætti greina hik á
mönnum hjá Norsk Hydro. Það gerðu
þeir þegar þeir fengu það staðfest.
Þeir skynjuðu þetta hik í lok febrúar,
en þá fengu þeir misvísandi skilaboð
frá Norsk Hydro eftir því við hvern er
talað. Málið var sem sagt þá á við-
ræðustigi og það er ekki fyrr en málið
er lagt fyrir æðstu stjórnendur Norsk
Hydro að ákvörðun er tekin hinn 19.
mars. Þá hafði Morgunblaðið fjallað
um málið og í kjölfarið er þingnefndin
upplýst um málið og í framhaldinu
greindi ráðherra Alþingi frá afstöðu
fyrirtæksins,“ sagði Hjálmar.
Hjálmar sagði að Norsk Hydro
væri stórt fyrirtæki og það virtist
hafa verið ágreiningur innan þess um
málið. Sumir stjórnendur sem komu
að málinu hefðu talið nauðsynlegt að
óska eftir fresti á framkvæmdum á
meðan aðrir hefðu talið það óþarft.
Ennfremur skipti máli að menn hefðu
verið að kasta á milli sín þessari hug-
mynd um að fresta framkvæmdum í
u.þ.b. hálfan mánuð áður en hin end-
anlega afstaða var tekin.
Að sögn Hjálmars mun efnahags-
og viðskiptanefnd ekki hafa uppi
áform að ræða þetta mál sérstaklega
enda hefðu samningamennirnir, sem
gagnrýnin beindist að, fært fram
skýringar á fundi iðnaðarnefndar og
Alþingi hefði verið gerð grein fyrir
þeim á þingfundi í gær.
Iðnaðarnefnd fjallaði um ákvörðun
um að fresta stóriðjuframkvæmdum
Sáttur við skýr-
ingar samninga-
manna Íslands
EKKERT varð af boðuðu upp-
boði á Hótel Örk í gær. Sam-
kvæmt upplýsingum frá sýslu-
mannsembættinu á Selfossi var
uppboðskrafan afturkölluð í
kjölfar samninganna um sölu
Hótel Valhallar. Samningur fól
í sér að kaupverð Valhallar
gengi til greiðslu á áhvílandi
veðskuldum á hótelinu og að
hluta til einnig á veðskuldum
sem hvíldu á Hótel Örk.
Uppboð aft-
urkallað