Morgunblaðið - 05.04.2002, Qupperneq 56

56 FÖSTUDAGUR 5. APRÍL 2002 MORGUNBLAÐIÐ
BRÉF
TIL BLAÐSINS
Kringlunni 1 103 Reykjavík  Sími 569 1100
 Símbréf 569 1329  Netfang bref@mbl.is
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.
ÞAÐ fer ekki á milli mála sú ógn,
sem stafar af áfengisneyslu Íslend-
inga, og alltaf sígur á ógæfuhliðina
og fjölskyldur og þjóðin í heild líður
fyrir.
Það hafa orðið miklar umræður
um þennan þjóðarvanda, en fá ráð
hafa verið fundin til að stemma
stigu við þessu böli.
Okkur undirrituðum hefur, eins
og öðrum hugsandi mönnum þess-
arar þjóðar, blöskrað og við höfum
bæði rætt og skrifað um þessi mál.
Við höfum séð að valdhafar hafa lít-
ið gert til að stöðva þennan ósóma
og það sem þeir hafa gert er að losa
um það viðnám, sem lengi hefur ver-
ið í landinu. Við það hefur ógæfan
aukist og fleiri og fleiri orðið bráð
þessa hættulega drykkjar.
Nú er svo komið, að tæpast er
hægt að horfa á þessa smán án þess
að hefjast handa og nota öll þau ráð
sem hugsandi fólki koma í hug til að
vinna á þessum vanda. Það verða
allir að hjálpa til við að uppræta
þessa meinsemd í þjóðfélaginu.
Ábendingar til löggjafarvaldsins,
heilbrigðisyfirvalda og alþingis-
manna: Við bendum á nýja leið til að
útrýma áfengisneyslu landsmanna
með aðferðum, sem allir gætu verið
sáttir við. Um leið og fólki yrði gerð
grein fyrir því ógnarlega böli, sem
neysla áfengis veldur, þá yrði smám
saman minnkað áfengismagn í
áfengum drykkjum. Þetta mætti
gera eftir ákveðinni áætlun.
Þannig mætti t.d. á tveimur árum
taka allt alkóhól úr öllum drykkjum
sem á boðstólum eru.
Ef til vill mætti byrja á bjórnum,
því segja má að hann sé mestur
bölvaldurinn af öllum eiturefnum
vegna mikillar neyslu ungmenna
sem leiðir af sér notkun hættulegri
eiturefna. Þá gæti verið rétt að
reyna nýjar leiðir í því að sýna fólki
hve fráleitt það er að breyta sér með
neyslu áfengis, t.d. með gerð mynda
með samanburði á allsgáðu fólki og
fólki undir áhrifum, mynda sem
sýndar væru í fjölmiðlum með við-
eigandi varnaðarorðum og fræðslu.
KRISTLEIFUR ÞORSTEINSSON,
Húsafelli,
ÁRNI HELGASON,
Stykkishólmi.
Ógnin mikla
Frá Kristleifi Þorsteinssyni og
Árna Helgasyni:
NÚ er það nánast lögmál í rekstri á
almennum fyrirtækjum að eigendur
selja ekki fyrirtæki eða eignir nema
að þeir eigi við fjárhagsvanda að
stíða.
Valgerður Sverrisdóttir var með
fund hjá starfsmönnum Sements-
verksmiðjunnar á Akranesi, og fékk
þá spurningu hvers vegna væri verið
að selja fyrirtæki eins og Landssím-
ann sem malar gull í ríkisjóð og er
okkur landsmönnum öllum til góða.
Svar hennar var á þá leið að allir í ná-
grannaríkjum okkar væru að einka-
væða. Ég myndi skilja þetta ef
Landssíminn skilaði ekki hagnaði ár
eftir ár. Og spurningin er, hvers
vegna er það svona mikilvægt að
selja? Er sala og einkavæðing Lands-
símans til þess að þeir sem efni hafa á
að kaupa hlutabréf njóti hagnaðarins
en ekki við, sem erum fólkið í landinu,
og ríkissjóður. Íslendingar eiga að
njóta góðs af hagnaði Landssímans,
t.a.m. með lægri afnotagjöldum eða
enn betri þjónustu.
Þegar Síminn er kominn í eigu
einkaaðila getur hann ráðið þjónustu
og afnotagjöldum í skjóli mikillar
markaðshlutdeildar. Svo er ég með
aðra spurningu til ráðherra. Konan
mín er með 90 þús. á mánuði í laun
eins og flestallir verkamenn eru með,
sérstaklega á landsbyggðinni. Ég er
sjálfur með 102 þús. og það er oft erf-
itt að láta enda ná saman, en þar sem
þú ert svo örlátur í launamálum,
hyggst þú beita þér fyrir verulega
bættum kjörum verkamanna.
Mér finnst að ég og aðrir eigi rétt á
að fá svör við þessum spurningum.
Með von um bjartari framtíð okkur
öllum til handa.
VALUR BJARNASON,
Háholti 30, Akranesi.
Spurningar til Sturlu
Böðvarssonar
Frá Val Bjarnasyni:
EINS og aðrir landsmenn hef ég
horft hugfanginn á hinn frábæra
framboðsfarsa Sjálfstæðisflokksins í
Reykjavík.
Miðopnufréttaskýring Mbl. 2. febr-
úar sl. ber nafnið „Forustan hélt að
sér höndum“ og gengur þvert á þann
almannaróm, sem sjaldnast lýgur, að
forsætisráðherra sé höfundur stykk-
isins, enda viðurkennt skáld, nú síðast
frá Þýskalandi og prófessor doktor
Hannes Hólmsteinn hafi leikstýrt
með þeim ágætum að á frumsýning-
unni í Valhöll sást ekki þurr vangi í
salnum og sumir vasaklútar marg-
undnir. Þrátt fyrir að hafa öll ráð í
landsstjórninni hefur forusta Sjálf-
stæðisflokksins ekki verið með hýrri
há síðan Reykjavík féll í ræningja-
hendur. Og nú er Birni Bjarnasyni
ætlað að endurheimta krúnudjásnið
hvað sem það kostar.
Mig langar til að koma hér á fram-
færi í örstuttu máli, tilbrigði við of-
annefnda fréttaskýringu.
Úr mennta„hýði“ Björn sér brá,
búinn lengi að slóra.
Gera vill nú seggur sá
sig að borgarstjóra.
Eiturbyrla eftir streð
ört tók harðna á dalnum.
Inga Jóna og önnur peð
öll þau liggja í valnum.
Sólrún vatn sem fiskur fer.
Fylgi stöðugt eykur.
Björn á laugarbakka er
brókarlaus og smeykur.
Magnast íhalds vol og víl,
valt að þetta trekki.
„Sumir hafa sexapíl
og sumir hafa hann ekki“.
INDRIÐI AÐALSTEINSSON,
Skjaldfönn við Djúp.
Björn í borg?
Frá Indriða Aðalsteinssyni: